كٶپشٸلٸك اسىعا كٷتٸپ, تاماشالايتىن "تٷنگٸ ستۋدييا" باعدارلاماسىن كٸم جٷرگٸزەتٸنٸ بەلگٸلٸ بولدى, دەپ حابارلايدى ۇلت.كز تٸلشٸسٸ. بۇل تۋرالى Qazaqstan تەلەكورپوراتسيياسىنىڭ باسشىسى ەرلان قارين ۇلتتىق ارنانىڭ كٶكتەمگٸ تەلەۆيزييالىق تانىستىرىلىمىندا ايتتى.
ەندٸ نۇرلان قويانباەۆتىڭ ورنىنا بۇل باعدارلامانى بەلگٸلٸ سىقاقشى قايرات ەدٸلگەرەي جٷرگٸزەدٸ. ايتا كەتەيٸك, قايرات ەدٸلگەرەي "بازار جوق" الاڭى مەن "ەزٸل ەلەمٸ" جوبالارىنا قاتىسقان. سونىمەن قاتار, ول بۇعان دەيٸن "سەنبٸلٸك شوۋ" باعدارلاماسىندا جٷرگٸزۋشٸ بولىپ, نۇرلان قويانباەۆ, ايدوس سارىم مەن جانداربەك بۇلعاقوۆپەن جۇمىس ٸستەگەن ەدٸ.
"بٸز 1 ناۋرىزدا اشىلاتىن جاڭا ماۋسىمعا بەلسەندٸ تٷردە دايىندالىپ جاتىرمىز. بٸرنەشە باعدارلاما جاڭارتىلعان فورماتتا شىعاتىن بولادى. ونىڭ ٸشٸندە "تٷنگٸ ستۋدييا" باعدارلاماسى بار, وندا ەندٸ باسقا جٷرگٸزۋشٸ بولادى. نۇرلان قويانباەۆ ٶزٸنٸڭ شىعارماشىلىق جوبالارىمەن اينالىسۋدى شەشتٸ. بۇل مەسەلەنٸ 2017 جىلدىڭ جازىندا - نۇرلان قويانباەۆتىڭ تەلەۆيدەنيە سالاسىنان بٸراز ۋاقىتقا كەتكٸسٸ كەلگەندە تالقىلاعان بولاتىنبىز. سوندا بٸز نۇرلاننىڭ وسى جوبانى جىلدىڭ سوڭىنا دەيٸن جٷرگٸزەتٸنٸن شەشكەن ەدٸك. وعان وسى ٷشٸن العىس ايتقىم كەلەدٸ. ەندٸ "تٷنگٸ ستۋدييا" جاڭا فورماتتا شىعاتىن بولادى", - دەگەن ەدٸ ەرلان قارين.
ال, بۇرىنعى جٷرگٸزۋشٸ نۇرلان قويانباەۆ بٸراز ۋاقىتقا شىعارماشىلىق دەمالىسقا كەتتٸ. بۇل تۋرالى ول ٶزٸنٸڭ ينستاگرام جەلٸسٸندەگٸ پاراقشاسىنا:
"بۇل ٶز شەشٸمٸم. تەلەۆيزييادا ٷزٸلٸس جاسادىم. 16 جىل ٸستەدٸم, بارلىق جاقتا تولىققاندى شتاتتا ٸستەدٸم. كٶپتەگەن باعدارلاما مەن سەريال تٷسٸردٸم. سوسىن بٸر ۋاقىتتا ٷزٸلٸس الۋ كەرەك ەكەنٸن تٷسٸندٸم. قازٸر بوسپىن. ەرينە, بٸردەن ۇسىنىستار تٷسٸپ جاتىر, بٸزدە نارىق شاعىن عوي. ۇسىنىستار بار, بٸراق ەزٸرشە قابىلداۋعا اسىقپايمىن. تەلەۆيزييادا كٶپ ۋاقىت جۇمىس ٸستەدٸم, ەلدەنەمەن شۇعىلدانسام, سوڭىنا دەيٸن بارامىن. سوندىقتان ماعان ٶتە اۋىر. قازٸر شىعارماشىلىق دەمالىستامىن", - دەپ جازدى.
