استانادا تٷنگٸ ويىن-ساۋىق ورنىندا گاز تاپانشاسىمەن ادامعا وق اتقان قالا تۇرعىنى 4 جىل 8 ايعا باس بوستاندىعىنان ايىرىلدى. بۇل تۋرالى استانا قالاسىنىڭ پروكۋراتۋراسى حابارلادى, دەپ حابارلايدى ult.kz.
تەرگەۋ ماتەريالدارىنا سەيكەس, سوتتالعان ازامات الكوگول ٸشٸپ, گاز تولتىرىلعان شارلاردى تۇتىنعاننان كەيٸن تٷنگٸ كلۋبتا ٶزگە كەلۋشٸلەرگە سەبەپسٸز تيٸسٸپ, قوعامدىق تەرتٸپتٸ بۇزعان.
ونىڭ ەرەكەتٸنە ەسكەرتۋ جاساعان كەلۋشٸمەن ارادا جانجال تۋىنداعان. وسى سەتتە كٷدٸكتٸ ٶزٸمەن بٸرگە الىپ جٷرگەن گاز تاپانشاسىن شىعارىپ, جەبٸرلەنۋشٸنٸڭ كەۋدە تۇسىنا ەكٸ رەت وق اتقان. سالدارىنان زارداپ شەككەن ادام دەنە جاراقاتىن العان.
وقيعادان كەيٸن كٷدٸكتٸ وقيعا ورنىنان قاشىپ كەتكەن.
سوت بارىسىندا ايىپتالۋشى كٸنەسٸن تولىق مويىندادى. سوت ونى گاز قارۋىن قولدانا وتىرىپ بۇزاقىلىق جاساعانى ٷشٸن كٸنەلٸ دەپ تانىپ, 4 جىل 8 اي مەرزٸمگە باس بوستاندىعىنان ايىرۋ جازاسىن تاعايىندادى.
استانا قالاسىنىڭ پروكۋراتۋراسى ازاماتتاردى قوعامدىق ورىنداردا زاڭ تالاپتارىن ساقتاۋعا شاقىرىپ, قۇقىققا قايشى ەرەكەتتەر ٷشٸن زاڭدا كٶزدەلگەن جاۋاپكەرشٸلٸك مٸندەتتٸ تٷردە قاراستىرىلاتىنىن ەسكە سالدى.
