تايلاند استاناسى بانگكوكتا ورنالاسقان Rong Beer Na Ladprao مۋزىكالىق بارى مەن تٷنگٸ كلۋبىندا بولعان جويقىن ٶرتتەن قازا تاپقاندار سانى 30 ادامعا جەتتٸ. سونىمەن قاتار, 70-تەن استام ادام تٷرلٸ دەرەجەدەگٸ كٷيٸك پەن تٷتٸنگە ۋلانۋ سالدارىنان اۋرۋحانالارعا جەتكٸزٸلگەن. زارداپ شەككەندەردٸڭ بٸرازى اۋىر حالدە جاتىر, دەپ حابارلايدى ult.kz.
قايعىلى وقيعا تٷن ورتاسىنا تاياۋ بولعان. كۋەگەرلەردٸڭ ايتۋىنشا, الدىمەن عيماراتتىڭ ٸشٸندە جارىلىسقا ۇقساس دىبىس ەستٸلٸپ, ارتىنشا جالىن ٶتە جىلدام تارالعان. بٸرنەشە مينۋتتىڭ ٸشٸندە قويۋ تٷتٸن بٷكٸل عيماراتتى باسىپ, كەلۋشٸلەر جاپپاي سىرتقا ۇمتىلعان.
الدىن الا تەرگەۋ مەلٸمەتٸنشە, ٶرتتٸڭ شىعۋىنا كونديتسيونەر جٷيەسٸندەگٸ ەلەكتر سىمدارىنىڭ قىسقا تۇيىقتالۋى سەبەپ بولۋى مٷمكٸن. سونىمەن قاتار, پوليتسييا عيماراتتاعى قاۋٸپسٸزدٸك تالاپتارىنىڭ ساقتالماعانىن تەكسەرٸپ جاتىر. تەرگەۋشٸلەردٸڭ مەلٸمەتٸنشە, كەيبٸر ەۆاكۋاتسييالىق ەسٸكتەردٸڭ جابىق نەمەسە بٶگەلٸپ تۇرعانى, ال ٸشكٸ ەرلەۋدە تەز جاناتىن ماتەريالداردىڭ قولدانىلعانى ادامداردىڭ دەر كەزٸندە سىرتقا شىعۋىنا كەدەرگٸ كەلتٸرگەن بولۋى ىقتيمال.
قۇتقارۋشىلاردىڭ ايتۋىنشا, كٶپتەگەن ادامنىڭ مەيٸتٸ تەرەزەسٸ جوق دەرەتحانالاردان تابىلعان. ماماندار ولاردىڭ قويۋ تٷتٸننٸڭ كەسٸرٸنەن شىعا الماي قالعانىن ايتادى. ٶرت كەزٸندە عيماراتتىڭ ٸشٸندە جٷزدەن استام ادام بولعان.
بانگكوك گۋبەرناتورى قالاداعى بارلىق ويىن-ساۋىق ورىندارىندا ٶرت قاۋٸپسٸزدٸگٸنە قاتىستى جاپپاي تەكسەرٸس جٷرگٸزٸلەتٸنٸن مەلٸمدەدٸ. بيلٸك ٶكٸلدەرٸ قاۋٸپسٸزدٸك نورمالارىن بۇزعاندارعا قاتىستى قاتاڭ شارا قولدانىلاتىنىن ايتىپ, قايعىلى وقيعاعا كٸنەلٸ تۇلعالاردى انىقتاۋ ٷشٸن ارنايى تەرگەۋ باستالعانىن حابارلادى.
بۇل ٶرت سوڭعى 17 جىلداعى بانگكوكتاعى ەڭ ٸرٸ ەرٸ ادام شىعىنى كٶپ تٷنگٸ كلۋبتاعى اپاتتاردىڭ بٸرٸ رەتٸندە باعالانىپ وتىر. وقيعا تايلاندتاعى ويىن-ساۋىق ورىندارىنىڭ قاۋٸپسٸزدٸك تالاپتارىنا قاتىستى مەسەلەلەردٸ قايتادان كٷن تەرتٸبٸنە شىعاردى.
