2018 جىلدىڭ قورىتىندىسى بويىنشا تۇرعىن ٷي قۇرىلىس جيناق بانكٸنٸڭ («بەيتەرەك» حولدينگٸنٸڭ ەنشٸلەس ۇيىمى) 1 038 869 سالىمشىسىنا مەملەكەت سىيلىقاقىسى تٶلەندٸ. قارجىلىق ۇيىم كليەنتتەرٸنٸڭ شوتىنا جالپى العاندا 28,6 ميلليارد تەڭگە اۋدارىلدى. بۇل ٶتكەن جىلعى بانك سالىمشىلارىنا تٶلەنگەن قاراجاتتان 5,6 ملرد تەڭگەگە ارتىق.
مەملەكەت سىيلىقاقىسىن تٶلەۋگە ارنالعان سومانىڭ ۇلعايۋى بانك كليەنتتەرٸ سانىنىڭ ٶسۋٸنە بايلانىستى بولىپ وتىر. مەسەلەن, ٶتكەن جىلى 20% كٶلەمٸندەگٸ سىيلىقاقى 896 620 ادامعا بەرٸلگەن ەدٸ.
ال, 96 200 تەڭگەنٸ قۇرايتىن ەڭ جوعارعى مەملەكەت سىيلىقاقىسىن 202 900 بانك كليەنتٸ الدى. ياعني, اتالعان ازاماتتار 2018 جىلى شوتتارىنا كەمٸندە 481 000 تەڭگەنٸ نەمەسە 200 ايلىق ەسەپتٸك كٶرسەتكٸشتٸ قۇرايتىن قاراجات سوماسىن جيناعان. دەپوزيتٸندە بۇدان دا ٷلكەن قاراجات سوماسىن جيناعان كليەنتتەر سىيلىقاقى تٶلەنبەگەن جيناق سوماسى بويىنشا مەملەكەتتٸك بونۋستى 2019 جىلدىڭ نەتيجەسٸندە الاتىن بولادى.
- تۇرعىن ٷي قۇرىلىس جيناق بانكٸ – تۇرعىن ٷي قۇرىلىس جيناق جٷيەسٸن جٷزەگە اسىراتىن قازاقستانداعى جالعىز بانك. زاڭ بويىنشا بۇل جٷيەگە قاتىسۋشىلارعا ارناپ مەملەكەت جىل سايىن سىيلىقاقى تٶلەيدٸ. اتالعان بونۋس قازاقستاندىقتاردىڭ ٶز باسپاناسىن ساتىپ الۋلارى ٷشٸن تەزٸرەك قاراجات جيناقتاپ, قونىس تويىن ٶتكٸزۋگە مٷمكٸندٸك بەرەدٸ. قولجەتٸمدٸ شارتتار بويىنشا پەتەر نەمەسە ٷي ساتىپ الۋ ٷشٸن تۇرعىن ٷي قۇرىلىس جيناق جٷيەسٸنە قاتىسۋعا نيەت بٸلدٸرۋشٸلەر سانى جىلدان جىلعا ارتۋدا. 2018 جىلدىڭ قورىتىندىسى بويىنشا مەملەكەت 1 ميلليوننان استام قازاقستاندىقتىڭ جيناق سوماسىن كٶبەيتۋگە كٶمەگٸن تيگٸزدٸ. سالىستىرا كەتەر بولساق, وسىدان ٷش جىل بۇرىن مەملەكەت سىيلىقاقىسى بۇدان ەكٸ ەسە از ادامعا, ياعني, 537 مىڭ سالىمشىعا تٶلەنگەن بولاتىن,- دەپ اتاپ ٶتتٸ تۇرعىن ٷي قۇرىلىس جيناق بانكٸ باسقارما تٶرايىمى لەززات يبراگيموۆا.
2019 جىلدىڭ قورىتىندىسى بويىنشا مەملەكەت سىيلىقاقىسى بەرٸلەتٸن ەڭ جوعارعى سالىم سوماسى – 505 000 تەڭگە (200 اەك) . وسىعان سەيكەس, ماكسيمال مەملەكەت سىيلىقاقىسى 101 000 تەڭگەنٸ قۇرايدى. جىل قورىتىندىسى بويىنشا اتالعان سومانى الۋ ٷشٸن بانك سالىمشىلارىنا اي سايىن دەپوزيتتەرٸنە ورتا ەسەپپەن 42 000 تەڭگەدەن سالىپ وتىرۋ كەرەك.
ال تۇرعىن ٷي قۇرىلىس جيناق بانكٸ كليەنتٸ كٶبٸرەك قاراجات سوماسىن جيناعىسى كەلسە, ەڭ جوعارعى مٶلشەردەگٸ كٸرٸسكە قول جەتكٸزۋ ٷشٸن وتباسى مٷشەلەرٸنٸڭ اتىنا بٸرنەشە دەپوزيت اشىپ, ولارعا قاراجاتتى تەڭدەي بٶلٸپ, سالىپ وتىرا الادى. بۇل جاعدايدا مەملەكەت سىيلىقاقىسى اشىلعان ەر شوت بويىنشا تٶلەنەدٸ. ال تۇرعىن ٷي زاەمىن الۋعا قاجەت سوما جينالعان كەزدە, شوتتاردى بٸرٸكتٸرٸپ, باسپانا ساتىپ الۋعا بولادى. بۇل وپتسييانى تۇرعىن ٷي قۇرىلىس جيناق بانكٸندە «وتباسىلىق پاكەت» دەپ اتايدى.
تۇرعىن ٷي قۇرىلىس جيناق بانكٸ دەپوزيتٸ بانك سىياقىسى مەن مەملەكەت سىيلىقاقىسىنىڭ ارقاسىندا ەڭ تابىستى سالىمداردىڭ بٸرٸ بولىپ سانالادى. دەپوزيت بويىنشا جىلدىق تيٸمدٸ سىياقى مٶلشەرلەمەسٸ 13%-عا دەيٸن بارادى.
