جۋىردا ٷكٸمەت مەملەكەتتٸك تۋدى ٷيلەردٸڭ قاسبەتٸ مەن بالكونعا ٸلۋگە رۇقسات ەتتٸ. دەسە دە قازاقستاندىقتار ٷشٸن مٸندەتتٸ تالاپتار مەن شەكتەۋلەر بار. ونى ساقتاماعاندار ەكٸمشٸلٸك جاۋاپقا تارتىلادى, دەپ جازادى Sputnik اگەنتتٸگٸ.
مەملەكەتتٸك تۋدى پايدالانۋ اياسىن كەڭەيتۋدٸ قازاقستاندىقتاردىڭ ٶزدەرٸ ۇسىنعان بولاتىن. بۇل يدەيانى پرەزيدەنت قاسىم-جومارت توقاەۆ تا قولداي كەتتٸ. ول قولدانىستاعى زاڭنامادا تۋدى پايدالانۋعا قاتىستى شەكتەۋلەر بارىن ايتىپ, مەملەكەتتٸك رەمٸزدەردٸ پايدالانۋ قاعيدالارىن قايتا قاراۋدى تاپسىردى. كٶپ ۇزاماي پرەمەر-مينيستر اسقار مامين تيٸستٸ قاۋلىعا قول قويدى.
"جەكە جەنە زاڭدى تۇلعالار قازاقستان رەسپۋبليكاسىنىڭ مەملەكەتتٸك تۋىن عيماراتتاردا (تۇرعىن ٷي جەنە تۇرعىن ٷي ەمەس ورىن-جايلاردا), سونىڭ ٸشٸندە بالكوندار مەن سالتاناتتى شارالار ٶتەتٸن ورىنداردا پاتريوتتىق سەزٸمٸن, قازاقستاندىق بٸرەگەيلٸكتٸ بٸلدٸرۋ, ەل مەن ونىڭ ازاماتتارىنىڭ جەتٸستٸكتەرٸن قولداۋ ماقساتىندا پايدالانا الادى", - دەلٸنگەن قۇجاتتا.
قازاقستاندىقتار ٶز پەتەرٸنٸڭ بالكونىنا ۇلتتىق ستاندارتقا ساي تٸگٸلگەن (ونىڭ كٶلەمٸنە قاراماستان) تۋدى عانا ٸلە الادى. ۇلتتىق ستاندارتقا ساي كەلمەۋ دەگەنٸمٸز – تۋداعى نىساندى, مٶلشەردٸ جەنە تەحنيكالىق تالاپتاردى بۇزۋ. مەملەكەتتٸك تۋ ۇلتتىق ستاندارتقا سەيكەس كەلمەگەن جاعدايدا, ول اۋىستىرىلادى نەمەسە جويىلادى.
ەل ازاماتتارىنا جەنە زاڭدى تۇلعالارعا بايراقتى قورلاۋعا جەنە مازاق ەتۋگە تىيىم سالىنادى.
بۇدان بٶلەك, تۋدى بٸر قاباتتى جەنە كٶپ قاباتتى عيماراتتاردا ەكستەرەرلٸ نۇسقادا ورنالاستىرۋ كەزٸندە عيماراتتىڭ سەۋلەت ەرەكشەلٸكتەرٸنە قاراماستان پايدالانۋعا رۇقسات بەرٸلدٸ.
سونداي-اق, قازاقستاندىقتارعا عيماراتقا ٸلٸنگەن تۋعا قاراڭعىدا جارىق تٷسٸرٸپ تۇرۋ مٸندەتتٸ ەمەس. بۇل تالاپ زاڭدى تۇلعالار مەن مەملەكەتتٸك ورگاندارعا عانا قاتىستى.
تۋدى قانداي جاعدايدا پايدالانۋعا بولمايدى?
مەملەكەتتٸك تۋدى ٷيدە ادامعا نەمەسە زاتقا قۇرمەت رەتٸندە تٶمەن تٷسٸرۋگە, تەرٸس قاراتىپ قويۋعا جول بەرٸلمەيدٸ.
تۋ جەرگە, ەدەنگە, سۋعا تيٸپ تۇرماۋى تيٸس. رەمٸزدٸ كٸرلەتۋگە, بىلعاۋعا جەنە جىرتۋعا تىيىم سالىنادى.
سونىمەن قاتار, مەملەكەتتٸك تۋدى مايلىق جەنە باسقا دا بٸررەتتٸك قولدانىستاعى زاتتارعا, كيٸم-كەشەككە, تٶسەك-ورىنعا بەينەلەۋگە بولمايدى. وعان جازۋ جازۋعا جەنە سۋرەت سالۋعا تىيىم سالىنادى.
بۇدان بٶلەك, تۋدىڭ سابى كٶلدەنەڭٸنەن كٶتەرٸلمەيدٸ.
ٷيدە ٸلٸنەتٸن تۋ جەنە ونىڭ بەينەسٸ شارۋاشىلىق-تۇرمىستىق بٶلمەلەردەن, كٸرەبەرٸستەن جەنە كيٸم ٸلەتٸن بٶلمەلەردەن الىس ورنالاسۋى تيٸس.
ايىپپۇل جەنە ونىڭ مٶلشەرٸ
قازاقستاننىڭ مەملەكەتتٸك تۋىن كەز كەلگەن ادام تٸگە المايدى. بايراقتى رۇقساتى, ياعني ليتسەنزيياسى بار كەسٸپورىندار عانا دايىنداي الادى. سول سەبەپتٸ تۋدى وسى كومپانييالارمەن كەلٸسٸمشارتقا وتىرعان دٷكەندەردەن ساتىپ العان جٶن. ەيتپەسە مەملەكەتتٸك تۋدى زاڭسىز دايىنداعانى ٷشٸن ايىپپۇل سالىنۋى مٷمكٸن.
"ەكٸمشٸلٸك قۇقىق بۇزۋشىلىق تۋرالى" كودەكستە ۇلتتىق ستاندارت تالاپتارىنا سەيكەس كەلمەيتٸن مەملەكەتتٸك تۋدى زاڭسىز دايىنداعانى ٷشٸن ەكٸمشٸلٸك ايىپپۇل قاراستىرىلعان. جەكە تۇلعالارعا – 25 اەك (69 450 تەڭگە), لاۋازىمدى ادامدارعا, شاعىن كەسٸپكەرلٸك سۋبەكتٸلەرٸنە نەمەسە كوممەرتسييالىق ەمەس ۇيىمدارعا – 50 اەك (138 900 تەڭگە), ورتا كەسٸپكەرلٸك سۋبەكتٸلەرٸنە – 75 اەك (208 350 تەڭگە), ٸرٸ كەسٸپكەرلٸك سۋبەكتٸلەرٸنە – 200 اەك (555 600 تەڭگە)", - دەپ ناقتىلادى مەدەنيەت جەنە سپورت مينيسترلٸگٸنٸڭ باسپاسٶز قىزمەتٸنەن.
مەملەكەتتٸك رەمٸزدەردٸ شىعارۋعا ليتسەنزيياسى بار كەسٸپورىندار تٸزٸمٸمەن مىنا سٸلتەمە ارقىلى تانىسۋعا بولادى.
مەملەكەتتٸك تۋ تۋرالى نە بٸلەمٸز?
تۋ – مەملەكەتتٸڭ ەگەمەندٸك پەن بٸرتۇتاستىقتى بٸلدٸرەتٸن باستى رەمٸزدەرٸنٸڭ بٸرٸ. "فلاگ" تەرمينٸ "vlag" دەگەن نيدەرلاند سٶزٸنەن شىققان جەنە بەلگٸلەنگەن كٶلەم مەن تٷستەگٸ, ەدەتتە ەلتاڭبا نەمەسە ەمبلەما تٷرٸندە بەينەلەنگەن, دٸڭگەككە نەمەسە باۋعا بەكٸتٸلگەن ماتا ۇعىمىن بٸلدٸرەدٸ.
قازاقستاننىڭ مەملەكەتتٸك تۋى رەسمي تٷردە 1992 جىلى قابىلداندى. ونىڭ اۆتورى – بەلگٸلٸ سۋرەتشٸ شەكەن نييازبەكوۆ.
مەملەكەتتٸك تۋ – ورتاسىندا شۇعىلالى كٷن, ونىڭ استىندا قالىقتاپ ۇشقان قىران بەينەلەنگەن تٸك بۇرىشتى كٶگٸلدٸر تٷستٸ ماتا. تۋدىڭ سابىنىڭ تۇسىندا تٸك جولاق تٷرٸندە ۇلتتىق ٶرنەك ناقىشتالعان. كٷن, ونىڭ شۇعىلاسى, قىران جەنە ۇلتتىق ٶرنەك بەينەسٸ التىن تٷستەس. تۋدىڭ ەنٸ مەن ۇزىندىعىنىڭ اراقاتىناسى – 1:2
قازاقستاننىڭ بايراعىندا كٶك تٷس اشىق اسپاندى, بەيبٸتشٸلٸكتٸ, يگٸلٸكتٸ بٸلدٸرسە, تٷستٸڭ بٸركەلكٸلٸگٸ ەلٸمٸزدٸڭ تۇتاستىعىن مەڭزەيدٸ.
گەرالديكا قاعيداتتارىنا سەيكەس, كٷن بايلىق پەن مولشىلىقتى, ٶمٸردٸ جەنە كٷش-قۋاتتى بەينەلەيدٸ. سوندىقتان ەلٸمٸزدٸڭ تۋىنداعى كٷن شاپاعى دەۋلەتتٸلٸك پەن باقۋاتتىلىقتىڭ سيمۆولى – التىن ماساق پٸشٸنٸندە بەرٸلگەن.
ال كٷن استىندا قالىقتاعان بٷركٸت مەملەكەتتٸڭ قۋات-كٷشٸن, ونىڭ ەگەمەندٸگٸ مەن تەۋەلسٸزدٸگٸن, بيٸك ماقساتتار مەن جارقىن بولاشاققا دەگەن ۇمتىلىسىن تانىتادى.
تۋدىڭ سابىن جاعالاي سالىنعان ۇلتتىق ويۋ-ٶرنەكتەر قازاق حالقىنىڭ مەدەنيەتٸ مەن دەستٷرٸن سيمۆولدىق تۇرعىدا بەينەلەيدٸ.
