بٷگٸن قر دەنساۋلىق ساقتاۋ مينيسترٸ الەكسەي تسوي ۇلىبريتانييانىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ كەتي ليچپەن كەزدەسۋ ٶتكٸزدٸ. تاراپتار دەنساۋلىق ساقتاۋ سالاسىنداعى ەكٸجاقتى ىنتىماقتاستىقتىڭ پەرسپەكتيۆالارىن تالقىلادى, دەپ حابارلايدى دەنساۋلىق ساقتاۋ مينيسترلٸگٸنٸڭ باسپاسٶز قىزمەتٸ.
كەزدەسۋ باسىندا ا.تسوي كەتي ليچ مىرزاعا ٸلتيپات بٸلدٸرٸپ, ۇلىبريتانييانىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ لاۋازىمىنا تاعايىندالۋىمەن قۇتتىقتادى. مينيستر قازاقستان-بريتان ٷكٸمەتارالىق كوميسسيياسىنىڭ جىل سايىنعى وتىرىسىن ٶتكٸزۋ ىنتىماقتاستىقتىڭ ماڭىزدى مەسەلەلەرٸنٸڭ كەڭ اۋقىمىن قامتۋعا مٷمكٸندٸك بەرەتٸنٸن اتاپ ٶتتٸ.
وسىعان بايلانىستى, قازاقستان مەن ۇلىبريتانييانىڭ ۆاكتسيناتسييالانعان ازاماتتارىنىڭ ترانسشەكارالىق ورىن اۋىستىرۋى ٷشٸن شەكتەۋلەردٸ جويۋ جٶنٸندەگٸ مەسەلەنٸڭ ماڭىزدىلىعى مەن ٶزەكتٸلٸگٸن اتاپ ٶتٸپ, ۆاكتسيناتسييا سەرتيفيكاتتارىن ٶزارا تانۋ مەسەلەسٸن قاراستىرۋدى ۇسىنامىز», - دەدٸ تسوي.
COVID-19 تارالۋىنا بايلانىستى ساقتالىپ وتىرعان تۇراقسىز جاعدايدى ەسكەرە وتىرىپ, مينيستر اعىمداعى ەپيدەميولوگييالىق جاعداي, سونداي-اق ونى تۇراقتاندىرۋ بويىنشا جٷرگٸزٸلٸپ جاتقان شارالار بويىنشا تۇراقتى اقپارات الماسۋ تٷرٸندە ەرٸپتەستٸكتٸ جانداندىرۋدى ۇسىندى.
كەزدەسۋ سوڭىندا تسوي ۇلىبريتانييانىڭ مساك جٶنٸندەگٸ استانا دەكلاراتسيياسىن ٸلگەرٸلەتۋ جٶنٸندەگٸ دوستىق ەلدەر توبىنا قوسىلۋىنا جەنە باستاپقى بۋىن دەڭگەيٸندە مەديتسينالىق كٶمەك كٶرسەتۋ ساپاسىن جاقسارتۋعا باعىتتالعان بٸرلەسكەن ٸس-شارالاردى ٸسكە اسىرۋعا قاتىسۋىنا مٷددەلٸلٸگٸن بٸلدٸردٸ. سونداي-اق, قول جەتكٸزٸلگەن ۋاعدالاستىقتاردى جٷزەگە اسىرۋ بويىنشا ىنتىماقتاستىقتى جالعاستىرۋعا دايىندىعىن بٸلدٸردٸ.
