دەنساۋلىق ساقتاۋ مينيسترٸ الەكسەي تسوي جۇرتشىلىقتىڭ وتستاۆكاعا كەتسٸن دەيتٸن تالابىن قالاي قابىلدايتىنىن ايتتى, دەپ حابارلايدى Sputnik قازاقستان.
ورتالىق كوممۋنيكاتسييالار قىزمەتٸندە ٶتكەن بريفينگتە باق ٶكٸلدەرٸ ونكوناۋقاستارعا كٶمەك قورىنىڭ ورتاق قۇرىلتايشىلارىنىڭ بٸرٸ ەلەكتروندى ٶتٸنٸشٸندە الەكسەي تسويدان وتستاۆكاعا كەتۋدٸ تالاپ ەتكەنٸن ەسكە سالدى. الايدا سانيتارلىق-ەپيدەميولوگييالىق كوميتەتتٸڭ باسشىسى ايجان ەسماعامبەتوۆا ازاماتتىڭ ٶتٸنٸشٸن ار-نامىسقا تٸل تيگٸزدٸ دەپ پوليتسيياعا جولداعان. بٸراق پوليتسييا ودان ەشقانداي زاڭبۇزۋشىلىق بايقاعان جوق.
وسىعان بايلانىستى جۋرناليستەر مينيستردەن جۇرتشىلىقتىڭ وسىنداي تالاپتارىنا قالاي قارايتىنىن سۇرادى.
"بۇل مەنٸڭ نامىسىما تيمەيدٸ. سەبەبٸ ٶز پٸكٸرٸن ايتۋ – كەز كەلگەن ازاماتتىڭ قۇقىعى. مەن بۇعان ازاماتتاردىڭ ٶز پٸكٸرٸن بٸلدٸرۋٸ دەپ قارايمىن", - دەپ جاۋاپ بەردٸ تسوي.
ال ايجان ەسماعامبەتوۆا ٶز ەرەكەتٸن قالىپتى پراكتيكا سانايتىنىن اتاپ ٶتتٸ. ايتۋىنشا, بۇل ونىڭ پوليتسيياعا جٸبەرگەن العاشقى ٶتٸنٸشٸ.
"حات جازعان ادامنىڭ ەرەكەتٸنە قۇقىقتىق باعا بەرٸلۋٸ ٷشٸن ٶتٸنٸشتٸ ٸشكٸ ٸستەر مينيسترلٸگٸنە جولداعانىم راس. مەن مۇنى قالىپتى پراكتيكا دەپ سانايمىن. كوميتەتتٸڭ اتىنا كٷن سايىن 100-150 ٶتٸنٸش تٷسەدٸ", - دەدٸ ول.
