Densaýlyq saqtaý ministri Aleksei Tsoi jurtshylyqtyń otstavkaǵa ketsin deitin talabyn qalai qabyldaitynyn aitty, dep habarlaidy Sputnik Qazaqstan.
Ortalyq kommýnikatsiialar qyzmetinde ótken brifingte BAQ ókilderi onkonaýqastarǵa kómek qorynyń ortaq quryltaishylarynyń biri elektrondy ótinishinde Aleksei Tsoidan otstavkaǵa ketýdi talap etkenin eske saldy. Alaida sanitarlyq-epidemiologiialyq komitettiń basshysy Aijan Esmaǵambetova azamattyń ótinishin ar-namysqa til tigizdi dep politsiiaǵa joldaǵan. Biraq politsiia odan eshqandai zańbuzýshylyq baiqaǵan joq.
Osyǵan bailanysty jýrnalister ministrden jurtshylyqtyń osyndai talaptaryna qalai qaraitynyn surady.
"Bul meniń namysyma timeidi. Sebebi óz pikirin aitý – kez kelgen azamattyń quqyǵy. Men buǵan azamattardyń óz pikirin bildirýi dep qaraimyn", - dep jaýap berdi Tsoi.
Al Aijan Esmaǵambetova óz áreketin qalypty praktika sanaitynyn atap ótti. Aitýynsha, bul onyń politsiiaǵa jibergen alǵashqy ótinishi.
"Hat jazǵan adamnyń áreketine quqyqtyq baǵa berilýi úshin ótinishti ishki ister ministrligine joldaǵanym ras. Men muny qalypty praktika dep sanaimyn. Komitettiń atyna kún saiyn 100-150 ótinish túsedi", - dedi ol.
