بٷگٸن ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي مەكتەپتەرگە قويىلاتىن جاڭا سانيتارلىق قاعيدانى جارييالادى, دەپ حابارلايدى قازاقپارات.
«2021 جىلعى 5 تامىزدا بٸلٸم بەرۋ نىساندارىنا قويىلاتىن جاڭا سانيتارييالىق-ەپيدەميولوگييالىق قاعيدا بەكٸتٸلدٸ. اتالعان قاعيدا وقىتۋ فورماتتارىنا, تاماقتاندىرۋدى ۇيىمداستىرۋعا, كورپۋستارداعى, اۋديتورييالارداعى, سپورت جەنە اكت زالدارىنداعى ٷي-جايلاردىڭ تولتىرىلۋىنا, زەرتحانالىق, پراكتيكالىق جەنە ستۋدييالىق ساباقتارعا جەنە جاتاقحانالارداعى بٶلمەلەردٸڭ تولتىرىلۋىنا قاتىستى تالاپتاردى قامتيدى. مەكتەپ پەداگوگتارى مەن قىزمەتكەرلەرٸن ۆاكتسينالاۋ اياقتالۋعا جاقىن. 18 جاستاعى جەنە ودان اسقان ستۋدەنتتەردٸ ۆاكتسينالاۋ باستالدى. ٶڭٸرلٸك دەپارتامەنتتەر ٶڭٸرلٸك كوميسسييالاردىڭ قۇرامىندا مەكتەپدەردٸڭ جاڭا وقۋ جىلىنا دايىندىعىنا مونيتورينگ جٷرگٸزٸپ جاتىر», - دەدٸ الەكسەي تسوي.
ونىڭ اتاپ ٶتۋٸنشە, قولدانىستاعى زاڭناما مەن ەپيدەميولوگييالىق جاعدايدى ەسكەرە وتىرىپ, مەكتەپتەردە دەستٷرلٸ وقىتۋ فورماتىنا كٶشۋ, ساۋىققاننان كەيٸن ٷش اي ٸشٸندە اۋىرىپ جازىلعان, تۇراقتى مەديتسينالىق قارسى كٶرسەتٸلٸمدەرٸ بار ادامداردى قوسپاعاندا, پەداگوگتەر مەن پەرسونالدى 100 پايىز ۆاكتسينالاۋ كەزٸندە مٷمكٸن بولادى.
«Ashyq قوسىمشاسىن مەكتەپتەرگە كٸرگەن كەزدە جۇقتىرعان, ۆاكتسينالانباعان جەنە تەربيەشٸلەر, قىزمەتكەرلەر مەن اتا-انالار اراسىنداعى بايلانىستا بولعان ادامداردى باقىلاۋ ٷشٸن قولدانعان جٶن دەپ سانايمىز. سونداي-اق بارلىق قىزمەتكەرلەر مەن بٸلٸم الۋشىلاردىڭ كٷندەلٸكتٸ تاڭەرتەڭگٸ سٷزگٸسٸن, بۇقارالىق ٸس-شارالاردى ٶتكٸزۋگە تىيىم سالۋدى, كابينەتتٸك وقىتۋ جٷيەسٸن جويۋدى, سىنىپتاردى بٶلۋدٸ جەنە ەرتٷرلٸ سىنىپتار ٷشٸن ٷزٸلٸستەردٸ بٶلۋدٸ, اسحانالاردا تاماقتانۋدى ۇيىمداستىرۋدا باقىلاۋدى كٷشەيتۋدٸ قامتيتىن سانيتارييالىق-ەپيدەميياعا قارسى ٸس-شارالاردىڭ قاتاڭ ساقتالۋىن قامتاماسىز ەتۋ قاجەت», - دەدٸ ول.
