Búgin Úkimet otyrysynda QR Densaýlyq saqtaý ministri Aleksei Tsoi mektepterge qoiylatyn jańa sanitarlyq qaǵidany jariialady, dep habarlaidy QazAqparat.
«2021 jylǵy 5 tamyzda bilim berý nysandaryna qoiylatyn jańa sanitariialyq-epidemiologiialyq qaǵida bekitildi. Atalǵan qaǵida oqytý formattaryna, tamaqtandyrýdy uiymdastyrýǵa, korpýstardaǵy, aýditoriialardaǵy, sport jáne akt zaldaryndaǵy úi-jailardyń toltyrylýyna, zerthanalyq, praktikalyq jáne stýdiialyq sabaqtarǵa jáne jataqhanalardaǵy bólmelerdiń toltyrylýyna qatysty talaptardy qamtidy. Mektep pedagogtary men qyzmetkerlerin vaktsinalaý aiaqtalýǵa jaqyn. 18 jastaǵy jáne odan asqan stýdentterdi vaktsinalaý bastaldy. Óńirlik departamentter óńirlik komissiialardyń quramynda mektepderdiń jańa oqý jylyna daiyndyǵyna monitoring júrgizip jatyr», - dedi Aleksei Tsoi.
Onyń atap ótýinshe, qoldanystaǵy zańnama men epidemiologiialyq jaǵdaidy eskere otyryp, mektepterde dástúrli oqytý formatyna kóshý, saýyqqannan keiin úsh ai ishinde aýyryp jazylǵan, turaqty meditsinalyq qarsy kórsetilimderi bar adamdardy qospaǵanda, pedagogter men personaldy 100 paiyz vaktsinalaý kezinde múmkin bolady.
«Ashyq qosymshasyn mektepterge kirgen kezde juqtyrǵan, vaktsinalanbaǵan jáne tárbieshiler, qyzmetkerler men ata-analar arasyndaǵy bailanysta bolǵan adamdardy baqylaý úshin qoldanǵan jón dep sanaimyz. Sondai-aq barlyq qyzmetkerler men bilim alýshylardyń kúndelikti tańerteńgi súzgisin, buqaralyq is-sharalardy ótkizýge tyiym salýdy, kabinettik oqytý júiesin joiýdy, synyptardy bólýdi jáne ártúrli synyptar úshin úzilisterdi bólýdi, ashanalarda tamaqtanýdy uiymdastyrýda baqylaýdy kúsheitýdi qamtityn sanitariialyq-epidemiiaǵa qarsy is-sharalardyń qatań saqtalýyn qamtamasyz etý qajet», - dedi ol.
