قازاقستان دەنساۋلىق ساقتاۋ مينيسترٸ الەكسەي تسوي 10 شٸلدەدەگٸ ٷكٸمەت وتىرىسىندا 1-8 شٸلدە ارالىعىنداعى اپتادا ەلدە اۋرۋ بەلگٸلەرٸ كوروناۆيرۋستٸكٸنە ۇقسايتىن بٸراق “ناقتىلانباعان” 39 702 مىڭ پنەۆمونييا جاعدايى تٸركەلدٸ دەدٸ. شەنەۋنٸك بۇل وسى اۋرۋعا شالدىققان ناۋقاستاردىڭ جارتىسىندا پتر نەتيجەسٸ تەرٸس شىقتى دەپ مەلٸمدەدٸ.
مينيستردٸڭ سٶزٸنشە, بيىلعى ماۋسىمدا پنەۆمونييادان قايتىس بولعاندار سانى بىلتىرعى كٶرسەتكٸشتەن 2,3 ەسە ٶسٸپ 628-گە جەتتٸ. بىلتىرعى ماۋسىمدا بۇل اۋرۋدان 274 ادام كٶز جۇمعان بولاتىن. سونىمەن قاتار 2020 جىلدىڭ العاشقى التى ايىندا پنەۆمونيياعا شالدىققاندار 55,4 پايىزعا ارتىپ, 98 546-عا جەتكەن. بىلتىر دەل وسى مەرزٸمدە 63 436 جاعداي تٸركەلگەن.
تسوي ەلدە كوروناۆيرۋستان رەسمي 313 ادام قايتىس بولعانىن ايتتى.
دەنساۋلىق ساقتاۋ مينيسترلٸگٸ تەك جاقىن ارادا عانا اۋرۋ بەلگٸلەرٸ كوروناۆيرۋستٸكٸنە ۇقسايتىن پتر نەتيجەسٸ تەرٸس پنەۆمونييا جاعدايلارىن “كوروناۆيرۋس ينفەكتسيياسى جۇقتىرۋ بولۋى مٷمكٸن” دەپ جٸكتەي باستادى. COVID-19 رەسمي ستاتيستيكاسىنا بۇل مەلٸمەتتەر قوسىلىپ جاتقان جوق. سونداي-اق كەي جاعدايدا رەسمي COVID-19 ٶلٸمٸنە كوروناۆيرۋس جۇقتىرىپ قايتىس بولعاندار دا كٸرمەي جاتىر. ارنايى كوميسسييا قايتىس بولعانداردان كوروناۆيرۋس انىقتالسا دا, ٶلٸمنٸڭ سەبەبٸ ٶزگە اۋرۋ دەپ انىقتاپ جاتىر. سونىمەن قاتار دەنساۋلىق ساقتاۋ مينيسترلٸگٸ ماۋسىمنىڭ سوڭىنان باستاپ COVID-19 ٶلٸمٸن اپتاسىنا بٸر رەت حابارلاۋعا كٶشتٸ.
كەيبٸر ەكسپەرتتەر بۇل ەدٸستٸ سىنعا الدى. ولاردىڭ ايتۋىنشا, بيلٸك وسى ارقىلى ەپيدەمييانىڭ اۋقىمىن جاسىرعىسى كەلەدٸ.
قازاقستاندا “كوروناۆيرۋستٸك ەمەس” پنەۆمونييا تاراپ جاتىر دەگەن حابار تاراعان سوڭ, قىتاي ەلشٸلٸگٸ 9 شٸلدە كٷنٸ ٶز ازاماتتارىنا قازاقستاندا “COVID-19 اۋرۋىنان دا قاۋٸپتٸ” رەسپيراتورلىق اۋرۋ بار دەپ مەلٸمدەپ, ساق جٷرۋگە شاقىردى. بۇل مەلٸمدەمە حالىقارالىق قاۋىمداستىقتىڭ نازارىن اۋدارىپ, دەنساۋلىق ساقتاۋ مينيسترلٸگٸ اقپاراتتى جوققا شىعارۋعا مەجبٷر بولدى. مينيسترلٸك “كەي بۇقارالىق اقپارات قۇرالدارىنداعى” حابارلامانى “شىندىققا ساي ەمەس” دەدٸ, بٸراق قىتاي ەلشٸلٸگٸ تۋرالى سٶز ايتپادى.
رەسمي تٷردە قازاقستاندا كوروناۆيرۋس ينفەكتسيياسىن 54 747 ادام جۇقتىرعان. COVID-19 ٶلٸمٸ رەت سوڭعى رەت 7 شٸلدە كٷنٸ حابارلانعان ەدٸ. ول كەزدە كٶز جۇمعاندار 264 ادامعا جەتكەنٸ ايتىلعان. تسويدىڭ كەشەگٸ ٷكٸمەت وتىرىسىنداعى سٶزٸنەن 8 شٸلدەدەن بەرٸ كەمٸ 49 ادامنىڭ كٶز جۇمعانى بەلگٸلٸ بولدى. تسوي سونداي-اق 2020 جىلدىڭ العاشقى التى ايىندا پنەۆمونييادان 1772 ادامنىڭ, تەك ماۋسىمدا 628 ادامنىڭ قايتىس بولعانىن ايتتى. بٸراق ولاردىڭ اراسىندا “كوروناۆيرۋس” جۇقتىرعانى قانشا ەكەنٸن مينيستر ناقتىلامادى.
