فوتو: QyzPU
قازاق ۇلتتىق قىزدار پەداگوگيكالىق ۋنيۆەرسيتەتٸنٸڭ پروفەسسورى, فيزيكا, ماتەماتيكا جەنە تسيفرلىق تەحنولوگييالار ينستيتۋتىنىڭ ديرەكتورى گٷلناز يبراگيمقىزى سالعاراەۆا مەملەكەت باسشىسىنىڭ جولداۋىندا ايتىلعان بٸلٸم, عىلىم جەنە جاساندى ينتەللەكتكە قاتىستى باستامالاردى ەلٸمٸزدٸڭ جاڭا سەرپٸنٸ دەپ باعالاپ, بۇل باعىتتا ۋنيۆەرسيتەتتٸڭ اتقارىپ جاتقان جۇمىستارىمەن بٶلٸستٸ.
مەملەكەت باسشىسى قاسىم-جومارت كەمەلۇلى توقاەۆ بٷگٸنگٸ قازاقستان حالقىنا ارناعان جولداۋىندا بٸلٸم بەرۋ, جاساندى ينتەللەكت, عىلىم جەنە تسيفرلىق تەحنولوگييالاردى دامىتۋ مەسەلەلەرٸنە ەرەكشە نازار اۋداردى. بۇل قۇجات ەلٸمٸزدٸڭ جاڭا دامۋ كەزەڭٸنە قادام باسقانىن كٶرسەتٸپ قانا قويماي, ەرقايسىمىزدىڭ ٶمٸرٸمٸزگە, ەسٸرەسە جاستار مەن بٸلٸم سالاسىنىڭ ٶكٸلدەرٸنە تٸكەلەي ەسەر ەتەتٸن ستراتەگييالىق باعىتتاردى ايقىندادى. مەكتەپتەردە, كوللەدجدەردە جەنە جوعارى وقۋ ورىندارىندا جاساندى ينتەللەكت تەحنولوگييالارىن مەڭگەرتۋ – باستى باسىمدىقتاردىڭ بٸرٸ رەتٸندە اتاپ ٶتٸلدٸ.
جولداۋدا تسيفرلىق ٷكٸمەتتٸ دامىتۋ, جاساندى ينتەللەكتٸنٸ ەنگٸزۋ مەسەلەلەرٸ كەڭٸنەن قاراستىرىلدى. جاساندى ينتەللەكت ۇلتتىق ورتالىعىنىڭ قۇرىلۋى جەنە تٷرلٸ باعدارلامالاردىڭ ٸسكە قوسىلۋى – ەلٸمٸزدٸڭ تسيفرلىق ترانسفورماتسييانى جەدەلدەتٸپ, بارلىق سالادا يننوۆاتسييالىق شەشٸمدەردٸ قولدانۋعا نيەتتٸ ەكەنٸن ايقىن كٶرسەتەدٸ.
قازاق ۇلتتىق قىزدار پەداگوگيكالىق ۋنيۆەرسيتەتٸ AI-SANA باعدارلاماسىنىڭ نەگٸزگٸ باعىتتارىنا بەلسەندٸ قاتىسىپ كەلەدٸ. 2024-2025 وقۋ جىلىندا 12 مىڭنان استام ستۋدەنت, ماگيسترانت جەنە دوكتورانت Coursera, Huawei, Astana Hub پلاتفورمالارىندا جاساندى ينتەللەكت بويىنشا كۋرستاردى اياقتاپ, سەرتيفيكات الدى. ۋنيۆەرسيتەتتٸڭ بٸلٸكتٸلٸكتٸ ارتتىرۋ ورتالىعى 2024 جىلى 136, ال 2025 جىلى 272 وقىتۋشىنى «بٸلٸم بەرۋدەگٸ جاساندى ينتەللەكت: نەگٸزدەرٸ جەنە پراكتيكالىق قولدانۋ» كۋرسى بويىنشا وقىتتى. سونىمەن قاتار بارلىق بٸلٸم بەرۋ باعدارلامالارىنا «جاساندى ينتەللەكت نەگٸزدەرٸ» پەنٸ ەنگٸزٸلدٸ, ال 2025 جىلى «قولدانبالى جاساندى ينتەللەكت» اتتى جاڭا باعدارلاما اشىلدى.
ۋنيۆەرسيتەت ستۋدەنتتەرٸ ستارتاپتار مەن يننوۆاتسييالىق جوبالارعا بەلسەندٸ قاتىسۋدا. مەسەلەن, 2 كۋرس ينفورماتيكا ستۋدەنتتەرٸ «توميريس» ستارتاپ جوباسىمەن گران-پري جەڭٸپ الىپ, ۋنيۆەرسيتەتتەن 3 ملن تەڭگە كٶلەمٸندە قارجىلاي قولداۋ الدى. رەسپۋبليكالىق دەڭگەيدە «IQ الامان 2025: AI InnovateTech» بايقاۋى ۇيىمداستىرىلىپ, ەلٸمٸزدٸڭ بارلىق ايماقتارىنان كەلگەن ستۋدەنتتەر جاساندى ينتەللەكتٸ قولدانۋعا ارنالعان شەشٸمدەر ۇسىندى.
حالىقارالىق سەرٸكتەستٸك اياسىندا تٷركييانىڭ نييدە ۋنيۆەرسيتەتٸمەن بٸرلەسٸپ «Tech QYZPU NIGDE Hack: 24 hours of code and creativity» اتتى حاكاتون ٶتكٸزٸلدٸ. سونداي-اق, 2024 جىلدىڭ جەلتوقسانىنان باستاپ گونكونگ عىلىم جەنە تەحنولوگييا ۋنيۆەرسيتەتٸمەن (HKUST) STEM-بٸلٸم, روبوتوتەحنيكا جەنە جاساندى ينتەللەكت بويىنشا بٸرلەسكەن جوبالار جٷزەگە اسىرىلۋدا. 2025 جىلدىڭ تامىزىندا ۋنيۆەرسيتەت ستۋدەنتتەرٸ مەن جاس وقىتۋشىلارىنا ارنالعان AI جازعى مەكتەبٸ HKUST بازاسىندا ۇيىمداستىرىلىپ, قاتىسۋشىلار جەتەكشٸ پروفەسسورلاردىڭ دەرٸستەرٸنە قاتىسىپ, زەرتحانالاردا تەجٸريبە جٷرگٸزدٸ.
پەداگوگيكالىق جوعارى وقۋ ورنى رەتٸندە بٸز جولداۋدا ايتىلعان مٸندەتتەردٸڭ ٸسكە اسىرىلۋىنا ٶز ٷلەسٸمٸزدٸ قوسامىز. ستۋدەنتتەرگە زاماناۋي تسيفرلىق زەرتحانالار قۇرىپ, تەجٸريبەلٸك داعدىلاردى دامىتۋعا جاعداي جاساۋ, جاڭا كۋرستار مەن سەمينارلاردى ۇيىمداستىرۋ جەنە عىلىمي جوبالارعا تارتۋ – باستى مٸندەتٸمٸز. سونىمەن قاتار ستارتاپ-جوبالاردى قولداۋ ارقىلى جاستاردىڭ ٶز باستامالارىن جٷزەگە اسىرۋىنا مٷمكٸندٸك بەرۋدٸ جالعاستىرامىز.
پرەزيدەنت باستامالارى بٸلٸم مەن عىلىمدى جاڭا دەڭگەيگە كٶتەرٸپ, جاستارعا كەڭ مٷمكٸندٸكتەر اشاتىنىنا سەنٸمدٸمٸن. تسيفرلىق ينفراقۇرىلىمدى دامىتۋ, جاساندى ينتەللەكتٸنٸ وقۋ ٷدەرٸسٸنە ەنگٸزۋ – قازاقستاننىڭ بەسەكەگە قابٸلەتتٸ ۇرپاعىن تەربيەلەۋدٸڭ ناقتى قادامى.
گٷلناز يبراگيمقىزى سالعاراەۆا,
فيزيكا, ماتەماتيكا جەنە تسيفرلىق تەحنولوگييالار ينستيتۋتىنىڭ ديرەكتورى,
تەحنيكا عىلىمدارىنىڭ كانديداتى, پروفەسسور
