«ترانسنەفت» كونديتسيياسىز مۇناي ٷشٸن 5 قازاقستاندىق مۇناي كومپانيياسىنا تٶلەم جٷرگٸزدٸ. بۇل جايىندا «قازترانسويل» اق-تان مەلٸم ەتتٸ, دەپ حابارلايدى "ۇلت اقپارات".
كومپانييا مەلٸمەتٸنشە, ۋست-لۋگا پورتىندا شامامەن 699 مىڭ توننا كونديتسيياسىز مۇنايدى تيەگەنٸ ٷشٸن شىعىنداردى ٶتەۋ مەسەلەسٸنە قاتىستى 38 قازاقستاندىق مۇناي كومپانيياسىنىڭ اتىنان مەلٸمدەمە جاسايتىن «ترانسنەفت» جاق پەن «قازترانسويل» اق اراسىنداعى قول قويىلعان كەلٸسٸم بار. اتالعان كەلٸسٸمگە سەيكەس, 5 قازاقستاندىق مۇناي كومپانيياسىنا «ترانسنەفت» جاق تاراپىنان تٶلەمدەر جٷرگٸزٸلدٸ. مۇنىڭ الدىندا 32 كومپانيياعا تٶلەم جاسالعان.
2019 جىلدىڭ سەۋٸر-مامىر ايلارىندا «ترانسنەفت» جاق-تىڭ ماگيسترالدىق مۇناي قۇبىرلارى جٷيەسٸمەن تاسىمالداناتىن مۇنايدا حلورورگانيكالىق قوسىلىستاردىڭ جوعارى شوعىرلانۋىنا بايلانىستى تٶتەنشە جاعداي قالىپتاسقان. بۇل ۋست-لۋگا پورتىنداعى تانكەرلەرگە قازاقستاندىق جٷك جٶنەلتۋشٸلەردٸڭ كونديتسيياسىز مۇنايىن تيەۋگە سەبەپ بولدى.
