«Transneft» konditsiiasyz munai úshin 5 qazaqstandyq munai kompaniiasyna tólem júrgizdi. Bul jaiynda «QazTransOil» AQ-tan málim etti, dep habarlaidy "Ult aqparat".
Kompaniia málimetinshe, Ýst-Lýga portynda shamamen 699 myń tonna konditsiiasyz munaidy tiegeni úshin shyǵyndardy óteý máselesine qatysty 38 qazaqstandyq munai kompaniiasynyń atynan málimdeme jasaityn «Transneft» JAQ pen «QazTransOil» AQ arasyndaǵy qol qoiylǵan kelisim bar. Atalǵan kelisimge sáikes, 5 qazaqstandyq munai kompaniiasyna «Transneft» JAQ tarapynan tólemder júrgizildi. Munyń aldynda 32 kompaniiaǵa tólem jasalǵan.
2019 jyldyń sáýir-mamyr ailarynda «Transneft» JAQ-tyń magistraldyq munai qubyrlary júiesimen tasymaldanatyn munaida hlororganikalyq qosylystardyń joǵary shoǵyrlanýyna bailanysty tótenshe jaǵdai qalyptasqan. Bul Ýst-Lýga portyndaǵy tankerlerge qazaqstandyq júk jóneltýshilerdiń konditsiiasyz munaiyn tieýge sebep boldy.
