اقش پرەزيدەنتٸ ترامپ ۋكراينا پرەزيدەنتٸ زەلەنسكييمەن اراداعى شٸلدە ايىنداعى تەلەفون ەڭگٸمەسٸ جايلى ٶكٸلدەر پالاتاسىنا اقپارات بەرٸپ, شاعىم تٷسٸرگەن ارنايى قىزمەت ٶكٸلٸنٸڭ اتى-جٶنٸن اتاۋدى سۇرادى. وسى شاعىمنان كەيٸن اقش كونگرەسٸ ترامپقا يمپيچمەنت جارييالاۋ مەسەلەسٸ بويىنشا زەرتتەۋ باستاعان ەدٸ.
جەكسەنبٸ كٷنٸ جۋرناليستەرمەن سٶيلەسكەن ترامپ شىندىققا ساي كەلمەيتٸن اقپارات بەرگەن بۇل ادام - "ورتالىق بارلاۋ باسقارماسىنىڭ بۇرىنعى ديرەكتورى برەنناننىڭ جەنە "ترامپتى جەككٶرەتٸن" بۇرىنعى پرەزيدەنت باراك وبامانىڭ ادامى بولۋى مٷمكٸن" دەپ سانايدى.
اقپارات بەرگەن ادامنىڭ اتى-جٶنٸن جارييالاۋ قاجەتتٸگٸ جايلى ترامپ تۆيتتەرٸندە دە جازعان.
پرەزيدەنت ترامپ ۋكراينا پرەزيدەنتٸ زەلەنسكييمەن ەڭگٸمەسٸ بۇرمالانعانىن, ول ۋكراينا باسشىسىنا قىسىم جاساماعانىن, اقش جوعارى لاۋازىمدى ادامدارىنىڭ قاتىسى بولۋى مٷمكٸن جەمقورلىق ٸستٸ تەكسەرۋدٸ عانا سۇراعانىن ايتادى. اق ٷي جارييالاعان تەلەفون ەڭگٸمەسٸندە "جەمقورلىق تەكسەرٸلمەسە, ۋكرايناعا بەرٸلەتٸن ەسكەري كٶمەك كٸدٸرتٸلەتٸنٸ" جايلى سٶز بولماعان. الايدا ٶكٸلدەر پالاتاسىندا سۇرالعان بٸرقاتار شەنەۋنٸكتەر "ۋكراينانى ترامپ شارتىن ورىنداۋعا مەجبٷرلەۋ ٷشٸن ەسكەري كٶمەك كٸدٸرتٸلدٸ" دەگەن بولجامدى راستايدى.
ترامپ پەن زەلەنسكييدٸڭ تەلەفون ەڭگٸمەسٸ جايلى اقپارات بەرگەن ادامنىڭ ادۆوكاتى جەكسەنبٸ كٷنٸ ونىڭ رەسپۋبليكاشىلدار, ترامپ پارتييالاستارى الدىندا – كونگرەستە جاۋاپ بەرۋگە دايىن ەكەنٸن مەلٸمدەدٸ. الايدا ادۆوكات قاۋٸپسٸزدٸك ماقساتىندا اقپارات بەرۋشٸ ادامنىڭ اتى-جٶنٸن جارييالاۋعا بولمايتىن ايتتى.
