بەيسەنبٸ, 26 قاراشادا دونالد ترامپ دجو بايدەننٸڭ جەڭگەنٸ رەسمي تٷردە راستالعاننان كەيٸن اق ٷيدەن كەتۋگە دايىن ەكەنٸن العاش رەت مەلٸمدەدٸ.
"ەرينە, كەتەمٸن جەنە سولاي ٸستەيتٸنٸمدٸ ٶزدەرٸڭٸز دە كەرەمەت بٸلٸپ وتىرسىزدار. جەڭٸلٸستٸ مويىنداۋ وڭاي ەمەس, جاپپاي الاياقتىق بولعانىن دا بٸلەمٸز" دەدٸ ول.
وسىعان دەيٸن سايلاۋ كەزٸندە "داۋىس ۇرلاندى" جەنە "سايلاۋ ەرەجەسٸ بۇزىلدى" دەپ مەلٸمدەگەن ترامپ شتابى ارىز تٷسٸرگەن بٸرنەشە شتاتتىڭ سوتى شاعىمداردى كەرٸ قايتارعان ەدٸ. ترامپ شتابى ەلٸ دە سايلاۋ نەتيجەسٸن داۋلاپ جاتىر.
امەريكا باسپاسٶزٸ بۇعان دەيٸن پرەزيدەنت مەرزٸمٸن اياقتاعاننان كەيٸن دونالد ترامپ اق ٷيدەن كەتە مە, جوق پا دەگەن مەسەلەنٸ كٶتەرٸپ, ونى سىناعان. ال ترامپتىڭ ٶزٸ ەشقاشان كەتپەيمٸن دەپ ايتقان ەمەس. بٸراق ول سايلاۋ نەتيجەسٸن دە مويىنداۋعا دايىن ەمەس. ونىڭ سٶزٸنە قاراعاندا, سايلاۋشىلار القاسى جينالىپ, سايلاۋدىڭ تٷپكٸلٸكتٸ نەتيجەسٸن كۋەلٸك ەتكەنگە دەيٸن "ەلٸ كٶپ ۋاقىت بار". سايلاۋشىلار القاسىنىڭ جيىنى 14 جەلتوقساندا ٶتەدٸ.
الدىن الا مەلٸمەت بويىنشا, بايدەن سايلاۋشىلار القاسىنىڭ - 306, ترامپ 232 داۋىسىنا يە بولعان. سايلاۋ جەڭٸمپازى اتانۋ ٷشٸن كانديداتتا سايلاۋشىلار القاسىنىڭ كەمٸندە 270 داۋىسى بولۋى كەرەك.
