اقش-تا دەموكراتتار دا, رەسپۋبليكاشىلدار دا پرەزيدەنت دونالد ترامپتى تەلەارناعا بەرگەن سۇحباتىندا رەسەي پرەزيدەنتٸ ۆلاديمير پۋتيندٸ قورعاعان پٸكٸرٸ ٷشٸن سىناپ جاتىر.
ترامپ Fox News جٷرگٸزۋشٸسٸ بيلل و'رايليگە بەرگەن سۇحباتى كەزٸندە ونىڭ "پۋتيندٸ قۇرمەتتەيسٸز بە?" دەگەن سۇراعىنا "قۇرمەتتەيمٸن" دەپ جاۋاپ بەرگەن. و'رەيلي سوسىن "بٸراق ول كٸسٸ ٶلتٸرۋشٸ عوي. پۋتين - قانٸشەر" دەگەن. بٸراق ترامپ وعان "كٸسٸ ٶلتٸرۋشٸلەر كٶپ. وندايلار بٸزدە دە جەتكٸلٸكتٸ. بٸزدٸڭ ەلٸمٸز كٸنەسٸز دەپ ويلايسىز با?" دەپ جاۋاپ بەرگەن.
سەناتتاعى رەسپۋبليكاشىلدار جەتەكشٸسٸ ميتچ ماككوننەلل پرەزيدەنتتٸڭ سٶزٸنە بايلانىستى "ورىستاردىڭ ٶزٸن قالاي ۇستاۋىن اقش-تىڭ ەرەكەتٸمەن سالىستىرۋعا بولمايدى. پۋتين - كگب-نىڭ بۇرىنعى اگەنتٸ, باسكەسەر, كٶپشٸلٸگٸ سايلاۋ دەپ سانايتىن جولمەن سايلانباعان پرەزيدەنت" دەدٸ ماككوننەلل CNN-گە.
نەبراسكا شتاتىنىڭ سەناتورى, ترامپتى جيٸ سىنايتىن بەن ساسسە دە ABC-گە بەرگەن سۇحباتىندا "ەركٸندٸكتٸ سٷيەتٸن ۇلى ۇلتپەن, اقش-پەن باسكەسەرلەردٸڭ اراسىندا ەشقانداي مورالدىق تەڭدٸك جوق" دەسە, اقش-تىڭ رەسەيدەگٸ بۇرىنعى ەلشٸسٸ ەرٸ باراك وبامانىڭ كەڭەسشٸسٸ مايكل ماكفول ترامپتىڭ سٶزٸن "جيٸركەنٸشتٸ" دەپ اتادى.
