رەسەي پرەزيدەنتٸ ۆلاديمير پۋتيننٸڭ كٶمەكشٸسٸ يۋريي ۋشاكوۆ اقش پرەزيدەنتٸ دونالد ترامپ رەسەي پرەزيدەنتٸن اقش-قا ساپارلاپ قايتۋعا شاقىرعانىن حابارلادى, دەپ جازادى ازاتتىق.
ۋشاكوۆتىڭ 2 سەۋٸر كٷنٸ رەسەيلٸك اقپارات اگەنتتٸكتەرٸنە حابارلاۋىنشا, ترامپ پۋتيندٸ ونىمەن ناۋرىز ايىندا تەلەفونمەن سٶيلەسكەن كەزٸندە شاقىرعان.
ترامپ پەن پۋتيننٸڭ جٷزبە-جٷز كەزدەسۋ مٷمكٸندٸگٸن تالقىلاعانىن اق ٷي دە راستادى. اق ٷيدٸڭ باسپاسٶز حاتشىسى سارا ساندەرس ترامپ 20 ناۋرىزدا پۋتينمەن تەلەفونمەن سٶيلەسكەنٸندە اق ٷيگە ساپارلاۋ جايىن تالقىلاعانىن ايتتى.
"پرەزيدەنت ترامپ 20 ناۋرىزدا پۋتينمەن تەلەفونمەن سٶيلەسكەن سوڭ ونىمەن "تىم جاقىن ۋاقىتتا" بەلگٸلٸ بٸر جەردە, ونىڭ ٸشٸندە اق ٷيدە ەكەۋارا كەزدەسۋ جايىن تالقىلاعانىن راستادى" دەدٸ ساندەرس.
ترامپ پەن پۋتين تەلەفونمەن امەريكالىق تاراپتىڭ باستاماسىمەن سٶيلەسكەن. ول كەزدە ترامپ پۋتيندٸ پرەزيدەنت بولىپ سايلانۋىمەن قۇتتىقتاعان. Washington Post اق ٷي ترامپتى پۋتيندٸ قۇتتىقتاماۋعا شاقىرعانىن جەنە ەڭگٸمەنٸ ۇلىبريتانييادا ۋلانعان رەسەي سىرتقى بارلاۋ قىزمەتٸنٸڭ بۇرىنعى وفيتسەرٸ سەرگەي سكريپالدٸڭ ٸسٸن تالقىلاۋدان باستاۋعا كەڭەس بەرگەنٸن حابارلاعان. اقش پرەزيدەنتٸ ول كەزدە Twitter-دە رەسەيمەن قارىم-قاتىناس ورناتۋ "جاقسى" ەكەنٸن جازعان.
26 ناۋرىزدا ۆاشينگتون سەرگەي سكريپال مەن قىزى يۋلييا سكريپالدٸڭ ۋلانۋىنا جاۋاپ رەتٸندە رەسەيلٸك 60 ديپلوماتتى ەلدەن شىعارىپ, سيەتلدەگٸ رەسەي كونسۋلدىعىن جابۋعا شەشٸم قابىلداعان. مەسكەۋ بۇعان جاۋاپ رەتٸندە امەريكالىق 60 ديپلوماتتى ەلدەن شىعارىپ, سانكت-پەتەربۋرگتەگٸ كونسۋلدىقتى جاپقان.
