اقش پرەزيدەنتٸ دونالد ترامپ يران تاراپىنان قاتەر كٷشەيسە, ۆاشينگتون تاياۋ شىعىسقا 120 مىڭ ەسكەر جٸبەرۋٸ مٷمكٸن دەپ جازعان The New York Times گازەتٸنٸڭ حابارىن جوققا شىعاردى. ترامپ باسىلىم ماتەريالىن "فەيك" دەپ اتاپ, "مۇنداي ەرەكەت جوسپاردا جوعىن, ەسكەر جٸبەرۋ قاجەت بولماس دەپ ٷمٸتەنەتٸنٸن" ايتقان.
"بٸراق [ەسكەر جٸبەرۋ] قاجەتتٸگٸ تۋسا, گازەت ماقالاسىندا ايتىلعان 120 مىڭ ساربازدان ەلدەقايدا كٶپ ەسكەري جٸبەرەمٸز" دەدٸ پرەزيدەنت.
14 مامىردا The New York Times گازەتٸ اقش قورعانىس مينيسترلٸگٸنٸڭ "يران يادرولىق قارۋىن ەزٸرلەۋدٸ جەدەلدەتسە", تاياۋ شىعىسقا 120 مىڭ ەسكەري جٸبەرۋدٸ ۇسىنعانىن جازعان. باسىلىم مۇنداي ۇسىنىستى اقش قورعانىس مينيسترٸنٸڭ مٸندەتٸن اتقارۋشى پاتريك شەناحەن ايتقان دەپ حابارلادى. تاياۋ شىعىستاعى اقش كٷشتەرٸنٸڭ كٶبەيۋٸن قولداعانداردىڭ بٸرٸ اقش پرەزيدەنتٸنٸڭ ۇلتتىق قاۋٸپسٸزدٸك جٶنٸندەگٸ كەڭەسشٸسٸ دجون بولتون ەكەنٸ ايتىلادى.
گازەتتٸڭ جازۋىنشا, ەڭگٸمە يران اۋماعىنداعى وپەراتسييا تۋرالى ەمەس. "يراندا وپەراتسييا جٷرگٸزۋگە بۇدان ەلدەقايدا كٶپ ەسكەري قاجەت بولار ەدٸ" دەيدٸ گازەتتٸڭ دەرەككٶزٸ.
بيىل مامىردىڭ باسىندا يران مەن اقش اراسى شيەلەنٸسە تٷسكەن. 8 مامىردا اقش يرانعا جاڭا سانكتسييالار سالعان. قۇجاتتا "ۆاشينگتوننىڭ كٶزدەگەنٸ – كٸرٸسٸن يادرولىق باعدارلاماسىن قارجىلاندىرۋعا جۇمساۋى ىقتيمال تەگەراندى تابىسىنان ايىرۋ" دەپ جازىلعان.
اقش-تىڭ سانكتسييا سالۋىنا يران بيلٸگٸنٸڭ يادرولىق كەلٸسٸم مٸندەتتەمەلەرٸنٸڭ كەيبٸرٸن ورىنداۋدان باس تارتۋى سەبەپ بولعان. تەگەران "ەۋروپا وداعى ەلدەرٸ 60 كٷننەن سوڭ يراننىڭ مۇناي مەن بانك سالاسىن [اقش سانكتسييالارىنان] قورعاۋدىڭ امالىن تاپپاسا", يران يادرولىق كەلٸسٸمدەگٸ تاعى بٸراز تالاپتى ورىنداۋدان "باس تارتادى" دەپ ەسكەرتكەن.
يران يادرولىق باعدارلاماسىن جاپسا, ونىڭ ٶتەۋٸ رەتٸندە تەگەرانعا قارسى حالىقارالىق سانكتسييالار ازايادى دەگەن ۋەدەمەن تاراپتار 2015 جىلى كەلٸسٸمگە قول قويعان. بٸراق 2018 جىلى اقش يراندى " قۇجات تالاپتارىن بۇزدى" دەپ ايىپتاپ, كەلٸسٸمنەن شىعىپ كەتتٸ.
