اقش پرەزيدەنتٸ دونالد ترامپ ماۋسىم ايىندا جاپونييادا ٶتەتٸن "ٷلكەن جيىرمالىق" (G20) ەلدەرٸنٸڭ سامميتٸ كەزٸندە رەسەي پرەزيدەنتٸ ۆلاديمير پۋتينمەن كەزدەسەتٸنٸن ايتتى. ترامپ مۇنداي مەلٸمدەمەنٸ 13 مامىر كٷنٸ جۋرناليستەرمەن كەزدەسۋٸ كەزٸندە جاسادى.
بٸراق كرەملدٸڭ باسپاسٶز حاتشىسى دميتريي پەسكوۆتٸڭ سٶزٸنشە, ۆاشينگتون ترامپ پەن پۋتين كەزدەسۋٸن ۇيىمداستىرۋدى سۇراماعان. "ەشقانداي سۇرانىس كەلٸپ تٷسپەدٸ. ەلٸ ەشبٸر كەلٸسٸم جاسالعان جوق" دەدٸ پەسكوۆ.
بۇعان دەيٸن رەسەيلٸك "كوممەرسانت" گازەتٸ اقش مەملەكەتتٸك دەپارتامەنتٸنٸڭ اتىن اتاماعان شەنەۋنٸگٸنە سٸلتەمە جاساپ, اق ٷيدٸڭ پۋتين مەن ترامپ كەزدەسۋٸن سۇراپ, كرەملگە قايىرىلعانىن حابارلاعان. مامىردىڭ باسىندا ەكٸ ەل پرەزيدەنتٸ تەلەفونمەن سٶيلەسٸپ, ۆەنەسۋەلا, ۋكراينا جەنە يرانداعى احۋالدى جەنە رەسەيدٸڭ اقش سايلاۋىنا ىقتيمال كيلٸگۋٸن تەرگەگەن روبەرت ميۋللەردٸڭ زەرتتەۋ قورىتىندىسىن تالقىلاعان.
بۇعان قوسا ترامپ سامميت كەزٸندە قىتاي باسشىسى سي تسزينپينمەن كەزدەسەتٸنٸن ايتتى. ەكٸ ەل اراسىندا بىلتىردان بەرٸ "ساۋدا سوعىسى" جٷرٸپ جاتىر. بيىل مامىردا پەكين مەن ۆاشينگتون مەمٸلەگە كەلۋٸ تيٸس ەدٸ, بٸراق بٸرەر كٷن بۇرىن ترامپ قىتاي شەنەۋنٸكتەرٸن "كەلٸسٸم تالاپتارىن بۇزدى" دەپ ايىپتاپ, سالىقتى تاعى ٶسٸردٸ. قىتاي دا وسىعان بارا-بار جاۋاپ شاراسىن جاساپ, امەريكا تاۋارلارىنا جاڭا باج سالىعىن ەنگٸزدٸ.
