اقش پرەزيدەنتٸ دونالد ترامپ "تاليبان" قوزعالىسى جەنە "يسلام مەملەكەتٸ" ەكسترەميستٸك ۇيىمىنىڭ اۋعانستانداعى كٷشتەرٸ تۋرالى مەلٸمدەمە جاساپ, بۇل ەلدە اقش-تان باسقا ەلدەر دە سوعىسا الاتىنىن ايتتى. ونىڭ پٸكٸرٸنشە, اۋعانستانداعى سوعىس قيمىلدارىنا رەسەي, ٷندٸستان جەنە پەكٸستان بەلسەندٸ ارالاسۋى كەرەك.
ٷكٸمەت وتىرىسىندا سٶيلەگەن ترامپ 1980 جىلدارى اۋعانستانداعى سوعىس سسسر-دى "تاقىرعا وتىرعىزىپ", ىدىراتقانىن ايتتى.
"رەسەي بۇرىن سسسر بولاتىن. اۋعانستان ونى رەسەيگە اينالدىردى, ٶيتكەنٸ اۋعانستاندا سوعىسىپ جٷرٸپ بانكروت بولدى. رەسەي تەررورشىلار ٶزٸنە قاراي قوزعالعان سوڭ اۋعانستاندا سوعىستى. ولاردىڭ اۋعانستاندا سوعىسۋعا حاقى بولدى. تاقىرعا وتىرعان سوڭ, قايتادان رەسەي دەپ اتالا باستادى" دەپ مەلٸمدەدٸ ترامپ.
سسسر اۋعانستانعا 1979 جىلى باسىپ, كٸرٸپ 1989 جىلعا دەيٸن سوندا ەسكەر ۇستادى. سوۆەت ەسكەرٸ مودجاحەدتەرمەن كابۋلگە باقىلاۋ ٷشٸن كٷرەستٸ. ون جىل بويى كٶپ شىعانعا باتقان سسسر 1989 جىلى اۋعانستاننان ەسكەرٸن ەكەتتٸ. سسسر رەسمي تٷردە 1991 جىلى 26 جەلتوقساندا ىدىرادى.
اقش پرەزيدەنتٸ دونالد ترامپ اۋعانستاننان امەريكالىق ەسكەريلەردٸڭ شىعاتىنى تۋرالى رەسمي مەلٸمدەمە جاساعان جوق. اقش بۇل ەلدە 14 مىڭعا جۋىق ەسكەر ۇستايدى.
