اقش پرەزيدەنتٸ دونالد ترامپ اۋعانستانعا باردى. ونىڭ ساپارى جايلى اقپارات الدىن الا حابارلانبادى. ترامپ اۋعانستان پرەزيدەنتٸ اشراف گانيمەن كەزدەسٸپ, باگرامداعى ەسكەري بازاعا سوقتى. ول جاقتا پرەزيدەنت ەسكەريلەردٸ العىس كٷنٸمەن قۇتتىقتادى. اقش-تا العىس كٷنٸ قاراشا ايىنىڭ سوڭعى بەيسەنبٸسٸندە تويلانادى.
ەسكەريلەر الدىندا سٶز سٶيلەگەن اقش پرەزيدەنتٸ اتىستى توقتاتۋعا كەلٸسەتٸنٸن ايتىپ, "تاليبان كەلٸسٸم جاساعىسى كەلەدٸ" دەدٸ.
ول بۇدان سوڭ اسحاناعا بارىپ, ٶزگە وفيتسەرلەرمەن بٸرگە مەرەكەلٸك داستارحانعا وتىردى.
Associated Press اگەنتتٸگٸنٸڭ جازۋىنشا, اق ٷي بۇل ساپارعا دايىندىق جايلى اقپاراتتى جاسىرعان.
قىركٷيەك ايىندا كابۋلدا جارىلىس بولىپ, 12 ادام قازا تاپقاننان كەيٸن ترامپ تەلٸپتەرمەن بەيبٸت كەلٸسسٶزدٸ ٷزگەن. قازا تاپقاندار اراسىندا بٸر امەريكا ساربازى بولعان.
ترامپ اۋعانستانعا العاش رەت بارىپ وتىر. ٶتكەن جىلى ترامپ روجدەستۆو قارساڭىندا يراكتاعى اقش ەسكەري بازاسىنا بارعان. وسى اپتا باسىندا يراكتاعى امەريكانىڭ ەسكەري بازاسىندا اقش-تىڭ مەملەكەتتٸك حاتشىسى مايك پومپەو بولعان.
