مەسكەۋدە قازاقستاندىق ستۋدەنت توميريس بايسافانىڭ ٶلٸمٸنە قاتىستى ٸس بويىنشا سوت تالقىلاۋى ٶتٸپ جاتىر. مارقۇمنىڭ اناسى جاننا احمەتوۆا سوت وتىرىستارىنىڭ ەگجەي-تەگجەيٸن ايتىپ بەردٸ, - دەپ حابارلايدى Tengrinews.kz.
"سوت ٶتٸپ جاتقانىنا ٷشٸنشٸ اپتا بولدى. ول كٷن سايىن ٶتكٸزٸلەدٸ. اشىعىن ايتسام, بەرٸ ٶتە قيىن. قاراپايىم سوت پەن القابيلەر اراسىندا ٷلكەن ايىرماشىلىق بار. القابيلەر وتىرىسىندا سوت ماتەريالدارىن ايتۋعا بولمايدى. وندا كٸم وقيعانى باسىنان باستاپ, سەنٸمدٸ قىلىپ ايتىپ بەرەدٸ سول جەڭەدٸ. قاراپايىم سوت وتىرىس بولسا ول باياعىدا سوتتالىپ كەتەر ەدٸ. مەدجيدوۆ سونى تٷسٸندٸ دە القابيلەر سوتىن تاڭدادى", - دەپ جازدى مارقۇمنىڭ اناسى جاننا احمەتوۆا Instagram-پاراقشاسىندا.
جاننا احمەتوۆانىڭ ايتۋىنشا, ايىپتالۋشى تاراپ "مٷمكٸندٸگٸنشە جاعدايدان شىعۋعا تىرىسىپ جاتىر".
"مەدجيدوۆتىڭ دوستارى بٸر اۋىزدان توميريس ٷش رەت ٶزٸن-ٶزٸ ٶلتٸرگٸسٸ كەلگەنٸن, سونداي-اق كەيدە بەلگٸسٸز دەرٸ-دەرمەك قولداناتىن ناشاقور ەكەنٸن ايتتى. ولارعا بۇنى مەدجيدوۆتىڭ ٶزٸ ايتقان. ال "قازاقتار قوعامداستىعى ونى وسىعان بولا شىعارىپ جٸبەرگەن". بٸراق ولاردىڭ بٸردە-بٸرەۋٸ مۇنداي وقيعا بولعانىنان حابارسىز. سوتتالۋشىنىڭ دوسى كۋەگەر ب., ادۆوكاتتار اتىنان توميريستٸڭ سىنىپتاستارىنا حات جازىپ, كۋەلٸك بەرۋدٸ سۇرايدى. ادۆوكاتتاردان!" - دەپ جازادى جاننا احمەتوۆا.
توميريستٸڭ اناسىنىڭ ايتۋىنشا, مەدجيدوۆتىڭ ٶزٸ تەرگەۋ بارىسىندا وقيعانىڭ ٷش نۇسقاسىن ايتقان. بٸراق ولار تەرگەۋدە راستالماعان.
"بٸرٸنشٸسٸ, ول بٸر قادام جاساپ, قۇلاپ كەتكەن. ەكٸنشٸسٸ, ونى يتەرٸپ جٸبەرٸپ, سەكٸرٸپ كەتكەن. ولاي بولۋى مٷمكٸن ەمەس. تەرەزەنٸڭ الدى كەڭ وندا جاي قۇلاپ كەتۋ مٷمكٸن ەمەس, ال ٶزٸ سەكٸرسە ەشتەڭەگە تيمەۋٸ كەرەك بولعان. ٷشٸنشٸ نۇسقا بويىنشا, ول قۇلاعان كەزدە توميريستٸڭ كٶزٸن كٶرگەن... ونى كٶرۋ ٷشٸن ول تەرەزەدە تۇرۋى كەرەك... توميريسكە جەتۋ ٷشٸن وعان كەم دەگەندە ٷش سەكۋند قاجەت, ال قۇلاۋدىڭ ٶزٸ 1,7 سەكۋندقا سوزىلعان. ول تەك تەرەزە الدىندا تۇرسا عانا كٶرۋٸ مٷمكٸن ەدٸ", - دەدٸ جاننا احمەتوۆا.
مارقۇمنىڭ اناسى "قۇلاۋ كەزٸندە قوسىمشا ٷدەۋ بەرٸلگەن, ياعني ونى بٶتەن ادام يتەرٸپ جٸبەردٸ" دەپ قوستى.
"ەرتەڭ جارىسسٶز. جۇما كٷنٸ القابيلەر ٶز ٷكٸمدەرٸن شىعارۋى مٷمكٸن. مەن كٷندە توزاقتان شىققانداي بولامىن. ەشكٸمنٸڭ باسىنا بەرمەسٸن", - دەپ قوستى ول.
ەسكە سالايىق, بۇعان دەيٸن 2018 جىلى 3 مامىردا مگيمو تەرەزەسٸنەن قۇلاپ كەتكەن قازاقستاندىق ستۋدەنت توميريس بايسافا مەسكەۋ اۋرۋحاناسىندا قايتىس بولعانى حابارلانعان ەدٸ.
