جاڭادان كەسٸپ باستاۋشىلارعا جەڭٸلدەتٸلگەن نەسيە ەلدەگٸ تٶتەنشە جاعداي رەجيمٸنەن كەيٸن دە بەرٸلەدٸ. بۇل تۋرالى «دامۋ» كەسٸپكەرلٸكتٸ دامىتۋ قورى» اق مەملەكەتتٸك ورگاندار مەن ٶزارا ەرەكەت ەتۋ دەپارتامەنتٸنٸڭ ديرەكتورى گٷلسايا زاينەلعابدينا ايتتى, دەپ حابارلايدى قازاقپارات.
«بٸزدە جاڭا كەسٸپ باستاۋشىلارعا ارنالعان باعدارلامالار بۇرىننان بار. ولار تٶتەنشە جاعداي اياسىندا دا جالعاسىن تابا بەرەدٸ. جاڭا كەسٸپ باستايمىن دەۋشٸلەر «ەڭبەك» باعدارلاماسى ارقىلى ٶز ٸسٸن باستاي الادى. ول ارقىلى كەسٸپكەرلەرگە 6 پايىزدىق مٶلشەرلەمەمەن نەسيە الۋىنا مٷمكٸندٸك بار. بۇل رەتتە قارىز مٶلشەرٸ – 6000 اەك-تەن 8 000 اەك-كە دەيٸن بولۋى مٷمكٸن. قارىز مەرزٸمٸ – 5 جىل. ودان بٶلەك «بيزنەستٸڭ جول كارتاسى – 2025» باعدارلاماسى دا بارىن بٸلەسٸزدەر. ونىڭ اياسىندا دا جاڭادان كەسٸپ باستاۋعا نيەتتٸ ازاماتتاردى قولدايمىز. ولارعا سۋبسيدييالاۋ, كەپٸلدەندٸرۋ قۇرالدارىن ۇسىنامىز. بۇل رەتتە جاڭادان كەسٸپ باستاعان كەسٸپكەرلەر جۇمىسىن اۋىلداردا نەمەسە مونوقالالاردا باستاسا – 750 ملن تەڭگەگە دەيٸن قارىز الا الادى. ودان بٶلەك ولاردا اينالىم قاراجات رەتٸندە 360 ملن تەڭگەگە دەيٸن نەسيە الۋىنا مٷمكٸندٸك بار», - دەدٸ گٷلسايا زاينەلعابدينا وكق-دا ونلاين رەجيمدە ٶتكەن باسپاسٶز مەسليحاتىندا.
«دامۋ» قورىنىڭ ٶكٸلٸ كەسٸپكەرلەرگە كەپٸلدٸك قۇرالى ۇسىنىلاتىنىن دا جەتكٸزدٸ. ياعني جاڭادان كەسٸبٸن باستاعان ازاماتتار ٷشٸن كەپٸلدٸك مٶلشەرٸ قارىز سوماسى 180 ملن تەڭگەدەن اسپاعان جاعدايدا 85 پايىزدىق دەڭگەيدە بولاتىنىن جەتكٸزدٸ.
«ال كەسٸپكەر قالادا جوباسىن جٷزەگە اسىرىپ جاتسا, كەپٸلدٸك مٶلشەرٸ 7 ملرد تەڭگەگە دەيٸن ۇلعايىپ وتىر. ستاۆكا – تٷپكٸ قارىز الۋشى ٷشٸن 6 پايىز. قازٸر دە «دامۋ» قورىنا ٶتٸنٸم جولداي الاسىزدار. ٶتٸنٸمدەر تٶتەنشە جاعداي كەزٸندە دە, كەيٸن دە قارالادى», - دەدٸ ول.
ايتا كەتسەك, بۇعان دەيٸن قر ۇەم كەسٸپكەرلٸكتٸ دامىتۋ دەپارتامەنتٸنٸڭ ديرەكتورى شىڭعىس احمەتوۆ «بيزنەستٸڭ جول كارتاسى – 2025» باعدارلاماسى مەن «قاراپايىم زاتتار ەكونوميكاسى» باعدارلاماسى بيزنەس يەلەرٸنە مەملەكەت قانداي قولداۋ شارالارىن كٶرسەتەتٸنٸن ايتىپ بەرگەن ەدٸ.
