فوتو: primeminister.kz
تٶتەنشە جاعدايلار مينيسترلٸگٸنٸڭ باسپاسٶز قىزمەتٸ ۆيتسە-مينيستر مارات كٷلدٸكوۆتٸڭ قىزمەتتەن بوساتۋ جٶنٸندە ٶتٸنٸش بەرگەنٸن راستادى, دەپ حابارلايدى قازاقپارات.
«مارات كٷلدٸكوۆتٸڭ ٶز ەركٸمەن قىزمەتٸنەن بوساتۋ تۋرالى بايانات جازعانىن راستايمىز. قازٸرگٸ تاڭدا ونىڭ لاۋازىمنان بوساۋىن ماقۇلداۋ پروتسەدۋراسى جٷرٸپ جاتىر», - دەلٸنگەن ۆەدومستۆو باسپاسٶز قىزمەتٸ ۇسىنعان رەسمي مەلٸمەتتە.
ەسكە سالا كەتەيٸك, اباي وبلىسىنداعى الاپات ٶرت كەزٸندە مەملەكەت باسشىسى جەدەل شتاب وتىرىسىن ٶتكٸزگەن بولاتىن. سول جيىندا قاسىم-جومارت توقاەۆ تٶتەنشە جاعدايلار ۆيتسە-مينيسترٸ مارات كٷلدٸكوۆتٸڭ سٶزٸن بٶلٸپ, مينيسترلٸك جۇمىسىن سىناعان ەدٸ.
«مەن قىزمەتٸنەن بوساتقان مينيستر ٶزٸنٸڭ تٸكەلەي قىزمەتتٸك مٸندەتٸن ورىنداۋعا نەگە مٷلدەم نەمقۇرايلى قارادى?! 14 ادام قازا تاپتى. سٸز وسىنى تٷسٸنەسٸز بە? مەن ولاردىڭ وتباسىلارىمەن كەزدەستٸم. بۇل ازاماتتار ٶز وتباسىنىڭ پەرزەنتتەرٸ, وتاعاسى بولاتىن. بٸر وتباسىندا ەكٸ جاسار بالا جەتٸم قالدى. ادامداردىڭ ارتىندا نەسيەلەرٸ قالدى. ولار وتباسىنىڭ جالعىز اسىراۋشىسى ەدٸ. ٶرت بٷكٸل ەلەمدە بولادى, بٸراق ول جاقتا تيٸستٸ شارالار قابىلدانادى. مينيستر كەلمەدٸ, وبلىس ەكٸمٸ تىم باياۋ قوزعالدى, ورىنباسارلارىن جٸبەردٸ. جۇمىسقا دەگەن وسىنداي قارىم-قاتىناس بولا ما?! وسى جٶنٸندە ەسەپ بەرٸڭٸز! ناقتى سۇراق – نەگە قاتە بولجام جاسالدى?» - دەپ سۇرادى پرەزيدەنت.
ۆيدەو: KAZINFORM
