Foto: primeminister.kz
Tótenshe jaǵdailar ministrliginiń baspasóz qyzmeti vitse-ministr Marat Kúldikovtiń qyzmetten bosatý jóninde ótinish bergenin rastady, dep habarlaidy QazAqparat.
«Marat Kúldikovtiń óz erkimen qyzmetinen bosatý týraly baianat jazǵanyn rastaimyz. Qazirgi tańda onyń laýazymnan bosaýyn maquldaý protsedýrasy júrip jatyr», - delingen vedomstvo baspasóz qyzmeti usynǵan resmi málimette.
Eske sala keteiik, Abai oblysyndaǵy alapat órt kezinde Memleket basshysy jedel shtab otyrysyn ótkizgen bolatyn. Sol jiynda Qasym-Jomart Toqaev Tótenshe jaǵdailar vitse-ministri Marat Kúldikovtiń sózin bólip, ministrlik jumysyn synaǵan edi.
«Men qyzmetinen bosatqan ministr óziniń tikelei qyzmettik mindetin oryndaýǵa nege múldem nemquraily qarady?! 14 adam qaza tapty. Siz osyny túsinesiz be? Men olardyń otbasylarymen kezdestim. Bul azamattar óz otbasynyń perzentteri, otaǵasy bolatyn. Bir otbasynda eki jasar bala jetim qaldy. Adamdardyń artynda nesieleri qaldy. Olar otbasynyń jalǵyz asyraýshysy edi. Órt búkil álemde bolady, biraq ol jaqta tiisti sharalar qabyldanady. Ministr kelmedi, oblys ákimi tym baiaý qozǵaldy, orynbasarlaryn jiberdi. Jumysqa degen osyndai qarym-qatynas bola ma?! Osy jóninde esep berińiz! Naqty suraq – nege qate boljam jasaldy?» - dep surady Prezident.
video: KAZINFORM
