قازاقستاندا كەسٸپكەرلٸك سۋبەكتٸلەرٸن مٷلٸك سالىعىنان بوساتۋ مەسەلەسٸ قاراستىرىلىپ جاتىر. بۇل تۋرالى «اتامەكەن» ۇكپ كەسٸپكەرلەردٸ قۇقىقتىق قورعاۋ دەپارتامەنتٸنٸڭ ديرەكتورى شىڭعىس تەمٸر ايتىپ بەردٸ, دەپ حابارلايدى قازاقپارات تٸلشٸسٸ.
«جالعا بەرۋشٸ جالداۋ اقىسىن تالاپ ەتكەندە جالعا الۋشى ونى تٶلەي المايدى. قازٸر ونىڭ قىزمەت تٷرٸنە تىيىم سالىنسا, وندا بۇل جاعدايدان شىعۋدىڭ بٸرنەشە جولى بار. ەگەر وسى مەرزٸمدەگٸ جالداۋ اقىسىن توقتاتۋعا كەلٸسە الماساڭىز, تٶلەمدٸ كەيٸنگە قالدىرۋ ەدٸسٸن قاراستىرا الاسىز», - دەدٸ ش. تەمٸر ونلاين-بريفينگتە.
سونىمەن بٸرگە, «اتامەكەن» ۇكپ ٷكٸمەتپەن بٸرلەسٸپ, جالعا بەرۋشٸلەر ٷشٸن قارجىلىق مٸندەتتەمەلەردٸڭ كەيبٸر تٷرلەرٸن جەڭٸلدەتۋ نۇسقالارىن قاراستىرۋدا.
«جالعا بەرۋ دە بيزنەس بولىپ سانالادى, جالعا بەرۋشٸنٸڭ نەسيە جەنە سالىق سىندى ٶز مٸندەتتەمەلەرٸ بار. وسىعان بايلانىستى بٸز بيزنەستٸ سالىقتان بوساتۋدى ۇسىنىپ وتىرمىز. ياعني, سالىق تٶلەۋشٸلەردٸڭ بەلگٸلٸ بٸر ساناتىن بەلگٸلٸ بٸر سالىق تٷرلەرٸنەن بوساتۋدى ۇسىنامىز. قازٸرگٸ ۋاقىتتا كەسٸپكەرلٸك سۋبەكتٸلەرٸن, كەسٸپكەرلەر مەن زاڭدى تۇلعالاردى مٷلٸك سالىعىن تٶلەۋدەن بوساتۋ مەسەلەسٸ پىسىقتالۋدا. وسىلايشا قيىندىققا تاپ بولعان كەسٸپكەرلەرگە كٶمەكتەسكٸمٸز كەلەدٸ», - دەدٸ شىڭعىس تەمٸر.
