قر پرەمەر-مينيسترٸ اسقار ماميننٸڭ تٶراعالىعىمەن قر پرەزيدەنتٸ جانىنداعى تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ كەزەكتٸ وتىرىسى ٶتتٸ. بۇل تۋرالى primeminister.kz حابارلادى.
كارانتين جاعدايلارىندا ٶڭٸرلەردە شەكتەۋ شارالارىن كەزەڭ-كەزەڭٸمەن جەڭٸلدەتۋ, سونداي-اق نۇر-سۇلتان جەنە الماتى قالالارىنىڭ اراسىنداعى ەۋە رەيستەرٸن قالپىنا كەلتٸرۋ تۋرالى مەملەكەت باسشىسىنىڭ تاپسىرماسىن ٸسكە اسىرۋ شارالارىنا قاتىستى پرەمەر-مينيستردٸڭ ورىنباسارى ە. توعجانوۆ, يندۋسترييا جەنە ينفراقۇرىلىمدىق دامۋ مينيسترٸ ب. اتامقۇلوۆ, دەنساۋلىق ساقتاۋ مينيسترٸ ە. بٸرتانوۆ باياندادى.
ٷكٸمەت باسشىسى قر پرەزيدەنتٸ قاسىم-جومارت توقاەۆتىڭ تاپسىرماسىن ٸسكە اسىرۋ اياسىندا مەملەكەتتٸك كوميسسييانىڭ بٸرقاتار شەشٸم قابىلداعانىن اتاپ ٶتتٸ:
1. بارلىق ٶڭٸرلەردە 2020 جىلعى 27 سەۋٸردەن, ال شىمكەنت قالاسىندا بيىلعى 1 مامىردان باستاپ قاتاڭ سانيتارلىق-ەپيدەميولوگييالىق تالاپتاردى ساقتاۋمەن جۇمىسقا كٸرٸسەتٸن كەسٸپكەرلٸك سۋبەكتٸلەرٸنٸڭ قىزمەت تٷرلەرٸنٸڭ تٸزٸمٸ بەكٸتٸلدٸ:
· ٶنەركەسٸپتٸك كەسٸپورىندار;
· قۇرىلىس جەنە جول قۇرىلىسى سالالارىنىڭ كومپانييالارى, ٸرٸ قۇرىلىس دٷكەندەرٸ;
· كٶلٸك, قويمالاۋ, اۋىل شارۋاشىلىعى ماقساتىنداعى سەرۆيستٸك, اۆتوكٶلٸكتەرگە قىزمەت كٶرسەتۋ سالالارىنداعى ۇيىمدار جەنە قىزمەت كٶرسەتۋ سالاسىنىڭ كەيبٸر تٷرلەرٸ;
· بانكتەر مەن قارجى سەكتورىنىڭ ۇيىمدارى.
بۇدان ٶزگە, ٸٸ كەزەڭ اياسىندا نۇر-سۇلتان قالاسىندا تٶمەندەگٸلەردٸڭ جۇمىسى قايتا جاندانادى:
· قارجى جەنە ساقتاندىرۋ سەكتورلارىنىڭ ۇيىمدارى;
· ەلەكترلٸك تۇرمىستىق تەحنيكا, سونىمەن قاتار ساياجاي ماۋسىمىنا ارنالعان تاۋارلار ساتاتىن ٸرٸ دٷكەندەر.
الماتىدا مىنا سالالارداعى كومپانييالار جۇمىسىن قايتا باستايدى:
· كٶلٸك جەنە قويمالاۋ, اقپاراتتىق-كوممۋنيكاتسييالىق تەحنولوگييالار سالالارى;
· قارجى جەنە ساقتاندىرۋ سەكتورلارى;
· سەرۆيستٸك قىزمەت كٶرسەتۋ سالالارى (تقس, دٶڭگەلەك اۋىستىرۋ, تۇرمىستىق جەنە كەڭسە تەحنيكالارىن جٶندەۋ).
2. وبلىستاردىڭ, سونداي-اق نۇر-سۇلتان, الماتى جەنە شىمكەنت قالالارىنىڭ ەكٸمدەرٸنە بيىلعى 27 سەۋٸردەن باستاپ ٶڭٸرلٸك شتابتار ەزٸرلەگەن ەرەجەلەرگە سەيكەس اۋلا الاڭدارى مەن ساياجاي القاپتارىنىڭ حالىققا قولجەتٸمدٸلٸگٸن قامتاماسىز ەتۋ تاپسىرىلدى.
3. 2020 جىلعى 1 مامىردان باستاپ نۇر-سۇلتان مەن الماتى اراسىنداعى ەۋە قاتىناسىن قايتا جانداندىرۋ تۋرالى شەشٸم قابىلداندى. باستاپقى كەزەڭدە ۇشۋ جيٸلٸگٸ كٷنٸنە 4 رەيستٸ قۇرايدى. رەيستەر كٷشەيتٸلگەن سانيتارلىق تالاپتاردى ساقتاپ, از جولاۋشىلارمەن جەنە سالوندا ەرەكشە قاشىقتىقتى ساقتاۋ ارقىلى جٷزەگە اسىرىلادى.
«ەكٸمدەرگە قوعامدىق ورىنداردى, ٶنەركەسٸپتٸك اۋماقتاردى, ەۋەجايلار مەن بالالاردىڭ اۋلاداعى ويىن الاڭدارىن ساپالى تٷردە سانيتارلىق ٶڭدەۋگە, جالپى, سانيتارلىق-ەپيدەميولوگييالىق تالاپتاردى قاتاڭ ساقتاپ, وعان باقىلاۋ ورناتۋعا ەرەكشە كٶڭٸل بٶلۋدٸ تاپسىرامىن», — دەدٸ ا. مامين.
سونىمەن قاتار, وتىرىسقا قاتىسۋشىلار قازاقستاندىقتاردى شەت ەلدەردەن ەلگە جەتكٸزۋ, حقكو-لار جۇمىسىنىڭ جاڭا فورماتىن ەنگٸزۋ جەنە ت. ب. مەسەلەلەردٸ قاراستىردى.
