ەلٸمٸزدە 16-ناۋرىزدان باستاپ 15-سەۋٸرگە دەيٸن تٶتەنشە جاعداي جارييالاندى. وسىنداي جاعدايعا قاراماستان تٶتەنشە جاعداي رەجيمٸن بۇزىپ, پايدا تابۋ ٷشٸن جۇمىسىن جالعاستىرىپ كەلە جاتقان كەسٸپكەرلٸك نىساندارى ەلٸ انىقتالۋ ٷستٸندە.
بۇل تۋرالى "ۇلت اقپارات" تٷركٸستان وبلىستىق پوليتسييا دەپارتامەنتٸنە سٸلتەمە جاساپ حابارلايدى.
تٷركٸستان وبلىسى پوليتسييا دەپارتامەنتٸنٸڭ جەكە قۇرامى كٷشەيتٸلگەن رەجيمدەگٸ قىزمەتكە كٶشكەن. ياعني كٷنٸ-تٷنٸ رەيد جۇمىستاردى جٷرگٸزٸلٸپ, ادام كٶپ جينالاتىن باسقوسۋلار, توي-جيىندار, ٸس-شارالاردى ٶتكٸزۋگە تىيىم سالىپ, قاۋٸپسٸزدٸك شارالارىن قاداعالاۋدا.
وسىنداي كەزەكتٸ رەيد بارىسىندا سوزاق اۋدانىنىڭ پوليتسەيلەرٸ, اۋىلداردىڭ بٸرٸندە بۋكمەكەرلٸك كەڭسەنٸڭ جۇمىس جاساپ جاتقانىن انىقتادى. مۇنى انىقتاعان پوليتسەيدٸڭ ايتۋىنشا, تٶتەنشە جاعداي جارييالانىپ, تىيىم سالىنعاننان كەيٸن, ياعني 18-19 ناۋرىز كٷندەرٸ ويىن-ساۋىق ورىندارىنىڭ جۇمىسى توقتاتىلۋى كەرەك دەپ, اتالعان بۋكمەكەرلٸك كەڭسەگە بٸرنەشە رەت ەسكەرتۋ جاساعان. الايدا بۋكمەكەرلٸك كەڭسە ەكٸمشٸسٸ وعان قۇلاق اسپاي 23-ناۋرىز كٷنٸ ادام قابىلداپ وتىرعانى بەلگٸلٸ بولدى.
«قازاقستان رەسپۋبليكاسى پرەزيدەنتٸنٸڭ 15.03.2020 جىلعى جارلىعىنىڭ تالاپتارىن ٶرەسكەل بۇزعان اتالمىش تۇرعىنعا قر ەكٸمشٸلٸك قۇقىقبۇزۋشىلىق كودەكسٸنٸڭ 476-بابى «تٶتەنشە جاعداي رەجيمiن بۇزۋ» بويىنشا حاتتاما تٷزٸلٸپ, اۋداندىق سوتتىڭ قاۋلىسىمەن كٸنەلٸ دەپ تانىلىپ, 5 تەۋلٸككە ەكٸمشٸلٸك قاماققا الىندى.
«تٷركٸستان وبلىسىنىڭ پوليتسەيلەرٸ ويىن-ساۋىق, ساۋدا ورتالىقتارى مەن دەمحانا-بار, تويحانا يەلەرٸنە ەسكەرتەدٸ: تٶتەنشە جاعداي كەزٸندە زاڭ تالاپتارىنا سەيكەس ەرەكەت ەتٸپ, مٷمكٸندٸگٸنشە كٶپ ادام شوعىرلانۋىنا جول بەرمەڭٸزدەر. بۇل ٶزٸڭٸزدٸڭ دە, ٶزگەلەردٸڭ دە دەنساۋلىقتارى ٷشٸن قاجەت بولماق», - دەلٸنگەن حابارلامادا.
