«سق-فارماتسييا» جشس باسقارما تٶراعاسى بەرٸك شەرٸپ ەپيدەميولوگييالىق جاعدايداعى دەرٸ-دەرمەكپەن قامتاماسىز ەتۋ جۇمىستارىن باياندادى, دەپ حابارلايدى قازاقپارات.
«جالپى قازٸرگٸ تٶتەنشە جاعداي اياسىندا بٸرىڭعاي ديستريبيۋتور ٶز جاعىنان دەرٸ-دەرمەكپەن قامتاماسىز ەتۋ جۇمىستارىن جٷرگٸزٸپ جاتىر. تٶتەنشە جاعدايعا قاراماستان, تولىعىمەن دەرٸ-دەرمەكتٸ بارلىق ٶڭٸرلەرگە جەتكٸزٸپ جاتىرمىز», - دەپ اتاپ ٶتتٸ باسقارما تٶراعاسى ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ ايتۋىنشا, 2020 جىلعا بٸرىڭعاي ديستريبيۋتور 1 385 اتاۋلى دەرٸ-دەرمەك بويىنشا 259 ملرد تەڭگەگە شارت جاساعان.
«قازٸرگٸ ۋاقىتتا بارلىق ٶڭٸرلەردەگٸ مەديتسينالىق مەكەمەلەرگە 86 ملرد تەڭگەنٸڭ دەرٸ-دەرمەگٸ تولىق جەتكٸزٸلدٸ. ونىڭ ٸشٸندە 47 ملرد تەڭگەگە دەرٸ-دەرمەك امبۋلاتورييالىق دەڭگەيدە, ياعني ەمحانالارعا جەنە بٸرٸنشٸ مەديتسينالىق كٶمەك كٶرسەتەتٸن مەكەمەلەرگە جەتكٸزٸلدٸ. ال 27 ملرد تەڭگەنٸڭ دەرٸ-دەرمەگٸ تۇرعىندارعا تەگٸن قولما-قول بەرٸلدٸ», - دەدٸ سپيكەر.
ستاتسيونارلىق دەڭگەيدە جىل باسىنان بەرٸ 39 ملرد تەڭگەنٸڭ دەرٸ-دەرمەگٸ جەتكٸزٸلگەن.
«قازٸرگٸ ۋاقىتتا مەديتسينالىق مەكەمەلەردە COVID-19 دەرتٸن ەمدەۋ ٷشٸن ۆيرۋسقا قارسى دەرٸ-دەرمەكتەردٸ - لوپيناۆير, ريتيناۆير, گيدروكسيحلوروحين, دەنە قىزۋىن تٶمەندەتەتٸن دەرٸ-دەرمەك, انتيبيوتيكتەردٸ مەديتسينالىق مەكەمەلەرگە قولما-قول جەتكٸزٸپ جاتىرمىز. بٸرەن-ساران دەرٸ-دەرمەكتٸ جەتكٸزۋدە قيىندىقتار تۋىندادى. ەسٸرەسە, ٷندٸستاننىڭ شەكاراسى سەۋٸر ايىنان بەرٸ جابىق. الايدا بٸرىڭعاي ديستريبيۋتور ساتىپ الۋ رەسٸمدەرٸن قازان ايىنان جەلتوقسان ايىنا دەيٸن ٶتكٸزگەن ەدٸ. جەلتوقسان ايىندا دا دەرٸ-دەرمەك قورى قويمامىزدا بولدى. سول سەبەپتٸ قازٸر بۇل دەرٸ-دەرمەكتەردٸ دە جەتكٸزۋدٸ توقتاتپادىق», - دەدٸ بەرٸك شەرٸپ.
