«اتامەكەن» ۇلتتىق كەسٸپكەرلەر پالاتاسىنىڭ باسقارما مٷشەسٸ, اپپارات باسشىسى نۇرالى بٶكەيحانوۆ ەلدە تٶتەنشە جاعدايدىڭ جارييالانۋىنان زارداپ شەككەن كەسٸپكەرلەر تۋرالى باياندادى, دەپ حابارلايدى قازاقپارات.
«كەسٸپكەرلەر پالاتاسى 16 ناۋرىزدا ارنايى جەدەل شتاب قۇردى, وعان ٷش كٷندە كەسٸپكەرلەر تاراپىنان 5 660 ٶتٸنٸش قابىلداندى. بيزنەسمەندەر كٶبٸنە جۇمىسشىلار سانىن قىسقارتۋعا مەجبٷر بولعان كومپانييالارعا نە ٸستەۋ قاجەتتٸگٸ تۋرالى, عيمارات جەنە جەر جالداۋ اقىسىن تٶلەۋ مەرزٸمٸن ۇزارتۋ نەمەسە ودان بوساتۋ, كوممۋنالدىق قىزمەتتەر اقىسىنان بوساتۋ, شيكٸزاتتىڭ جەتٸسپەۋشٸلٸگٸ نەمەسە كٷرت قىمباتتاۋى, قۇرامداس بٶلشەكتەردٸڭ جەتٸسپەۋشٸلٸگٸ سىندى سۇراقتاردى قويدى. مۇنىڭ بارلىعى – شەكارانىڭ جابىلۋى مەن ارنايى قاۋٸپسٸزدٸك شارالارىن ەنگٸزۋدٸڭ سالدارى», - دەدٸ ن. بٶكەيحانوۆ ونلاين-بريفينگتە.
ونىڭ ايتۋىنشا, ساۋال جٸبەرگەن 5 660 كومپانييانىڭ 85% – شاعىن بيزنەس, 13% – ورتا بيزنەس جەنە 2% – ٸرٸ بيزنەس. ولاردىڭ 2 مىڭنان استامى – قىزمەت كٶرسەتۋ سالاسى, بٸلٸم بەرۋ ورتالىقتارى, سۇلۋلىق سالوندارى, كونسالتينگ, پوليگرافييا سالالارىن قامتيدى.
«ساۋال جولداعان 5 مىڭنان استام كومپانييانىڭ 50% – نۇر-سۇلتان مەن الماتى قالاسىنىڭ كەسٸپكەرلەرٸ. كەسٸپكەرلەردٸڭ ٶزدەرٸ قانداي كٶمەك سۇراپ وتىر? ەرينە, ەڭ الدىمەن قاراجات بويىنشا تۋىندايتىن سۇراقتار. بەس مىڭ كەسٸپكەردٸڭ 60% قارجىلاي قيىندىقتارعا ۇشىرادى دەگەن اقپارات كەلدٸ. ولاردىڭ ەڭ باستى سۇراعى – نەسيە تٶلەۋ مەرزٸمٸن ۇزارتۋ, ەكٸنشٸسٸ – سالىق تٶلەۋ مەرزٸمٸن ۇزارتۋ, ٷشٸنشٸسٸ – كەسٸپورىنداردىڭ ەڭبەك رەسۋرستارىن ساقتاۋعا ٶتەماقى بەرۋ. تٶرتٸنشٸ – جالداۋ اقىسىن ازايتۋ نەمەسە ودان بوساتۋ. كٶپتەگەن كەسٸپكەرلەر شيكٸزات پەن بٶلشەكتەردٸڭ جەتٸسپەۋشٸلٸگٸ مەسەلەسٸن ايتتى», - دەدٸ ن. بٶكەيحانوۆ.
بۇل اقپاراتتىڭ بارلىعىن كەسٸپكەرلەر پالاتاسى جٷيەلەندٸرٸپ, مەملەكەتتٸك ورگاندارعا جٸبەردٸ. قازٸر مەمورگاندارمەن ارنايى شارالار جٷرگٸزٸلٸپ جاتىر.
«كەسٸپكەرلەردٸ قولداۋ ٷشٸن ەڭ باستى قولدانىلاتىن شارا – ولاردى سالىقتان بوساتۋ. سالىق تٶلەۋشٸلەردٸڭ كەيبٸر ساناتى – جەكە كەسٸپكەرلەر مەن زاڭدى تۇلعالاردى مٷلٸك سالىعىن تٶلەۋدەن بوساتۋ, اۋىلشارۋاشىلىق ٶندٸرۋشٸلەرٸن اۋىلشارۋاشىلىق جەر سالىعىنان بوساتۋ, جالپىعا بٸردەي رەجيمدٸ قولداناتىن تۇلعالاردى ٸرٸ قارا مال جەنە اسىل تۇقىمدى مالدى يمپورتتاۋ سالىعىن تٶلەۋشٸلەردٸ بوساتۋ, سالىقتىق ەسەپتٸ ٶتكٸزۋ مەرزٸمٸن وسى جىلدىڭ ەكٸنشٸ, ٷشٸنشٸ توقساندارىنا اۋىستىرۋ جەنە دە باسقا سالىقتىق كٶمەكتەر», - دەدٸ نۇرالى بٶكەيحانوۆ.
ايتا كەتەيٸك, 17 ناۋرىزدا مەملەكەت باسشىسى داعدارىستان جاپا شەككەن جەكە كەسٸپكەرلەر مەن شاعىن جەنە ورتا بيزنەس ٶكٸلدەرٸن قولداۋ شارالارىن قابىلداۋدى تاپسىردى.
