وسى اپتادا ٷكٸمەتتە تٶرتٸنشٸ مۇناي ٶڭدەۋ زاۋىتىن سالۋ تۋرالى ۇسىنىس قارالادى. مۇناي-گاز سالاسىنىڭ ساراپشىلارى بۇل زاۋىتتىڭ قازاقستانعا قانشالىقتى قاجەت ەكەندٸگٸ تۋرالى پٸكٸرلەرٸن بٸلدٸردٸ, دەپ حابارلايدى Baq.kz اقپارات اگەنتتٸگٸ LS سايتىنا سٸلتەمە جاساپ.
تەۋەلسٸز ساراپشى شاميل داۋرانوۆتىڭ پٸكٸرٸنشە, بۇل مەسەلەگە قارجىلاندىرۋدى جٷزەگە اسىرۋ جىلدامدىعى مەن قارجىلاندىرۋدىڭ اشىقتىعى تۇرعىسىنان قاراۋ كەرەك.
«ەگەر بۇل مەملەكەت قاراجاتىن شىعىنداپ, بۇرىنعىداي بٸرنەشە جىل بويى شەشٸلەتٸن بولسا, وندا جاڭا زاۋىت سالۋدى قولعا الۋدىڭ نە قاجەتٸ بار? 2000 جىلداردىڭ باسىندا قازاقستاندا ٶندٸرگٸش كٷشتەرٸن 2020 جىلعا دەيٸن دامىتۋ جەنە ورنالاستىرۋ نوبايى ەزٸرلەندٸ. قۇجاتتى دايىنداۋ بارىسىنا بارلىق مينيسترلٸك, وبلىس ەكٸمدەرٸ, ٸرٸ كەسٸپورىندار, عىلىمي-زەرتتەۋ جەنە جوبالىق ينستيتۋتتار قاتىستى. ول قۇجاتتا جەكە ينۆەستيتسييالار ارقىلى مۇناي ٶڭدەيتٸن بٸرنەشە ورتاشا زاۋىت سالۋ تۋرالى ۇسىنىس بولدى», - دەيدٸ داۋرانوۆ.
ونىڭ ايتۋىنشا, مۇنداي شەشٸم كٶلٸك قۇرالدارى شىعىندارىن ازايتىپ, قازاقستاننىڭ ورتالىق جەنە سولتٷستٸك ٶڭٸرلەرٸن جانارمايمەن قامتۋعا ىقپال ەتۋشٸ ەدٸ.
«الايدا بۇل قۇجات قازاقستان باسشىلىعى تاراپىنان قولداۋ تاپپادى. قولدانىستاعى كەسٸپورىنداردى رەكونسترۋكتسييالاۋ جٶنٸندە شەشٸمدەر قابىلداندى. مەن سول كەزدەگٸ شەشۋ جولدارى دۇرىس بولدى دەپ سانايمىن. مەسەلەنٸ جەكە كاپيتال ەسەبٸنەن, مٷمكٸن ەۋرازييالىق ەكونوميكالىق وداق سەرٸكتەستەرٸمەن بٸرلەسٸپ شەشۋ كەرەك», - دەيدٸ ساراپشى.
Oil Gas Project كومپانيياسىنىڭ ديرەكتورى جاراس احمەتوۆ قازاقستان مۇناي ٶڭدەۋ زاۋىتتارىن مۇنايمەن قامتاماسىز ەتۋ تۋرالى سۇراققا قاتىستى بار مەسەلە ونىڭ ٸشكٸ جەنە سىرتقى باعاسىنىڭ ايىرماشىلىعىندا بولىپ تۇرعانىن ايتادى.
«باعا تۇراقتامايىنشا, مۇنايدى ٶڭدەۋ تيٸمسٸز بولىپ تابىلادى. بۇل جانار-جاعارماي باعاسىنىڭ ٶسۋٸنە ەكەپ سوعۋى مٷمكٸن نەمەسە بٸز جانار-جاعارماي باعاسىنىڭ قىمباتتاۋىنا مويىنسۇنامىز. ال قارسى بولعان جاعدايدا ارا-تۇرا جانار-جاعارماي تاپشىلىعىن سەزٸپ تۇراتىن بولامىز», - دەيدٸ احمەتوۆ.
وسى ورايدا «فينام» كومپانيياسىنىڭ ساراپشى-تالداۋشىسى الەكسەي كالاچەۆ زاماناۋي مۇناي ٶڭدەۋ زاۋىتىنىڭ سالىنۋى قازاقستان ٷشٸن ٶتە قاجەت نەرسە ەكەندٸگٸن ايتتى.
«ٸشكٸ نارىقتىڭ ٶز وتىنىمەن تۇراقتى قامتاماسىز ەتٸلۋٸ ٶندٸرٸستٸڭ قۋاتىن ازايتادى. مۇنداي جاعدايدا ەلٸمٸزدەگٸ مۇناي ٶڭدەۋ زاۋىتتارىندا اپاتتىق جاعداي بولىپ تۇراتىندىقتان جوسپارلى جٶندەۋ جەنە جاڭعىرتۋ جۇمىستارى جٷرگٸزٸلەدٸ. جاڭا زاۋىت سالعان جاعدايدا يمپورتقا تەۋەلدٸ بولمايتىن مٷمكٸندٸك تۋىندايدى, ال ارتىلعان جاعدايدا ٶنەركەسٸپتٸك قۇرىلىمى ازىراق دامىعان كٶرشٸ مەملەكەتتەرگە ساتىپ جٸبەرۋگە بولادى», - دەيدٸ كالاچەۆ.
سونداي-اق, ول ٷلكەن مۇناي ٶڭدەۋ زاۋىتىنىڭ سالىنۋىنا 5-8 جىلداي ۋاقىت كەتۋٸ مٷمكٸن ەكەندٸگٸن ايتتى.
