پاۆلودارداعى كونتسەرتتە دٶرەكٸلٸك كٶرسەتٸپ, باسى داۋعا قالعان ەنشٸ تٶرەعالي تٶرەەلٸ الماتى شاھارىندا ٶتكەن رەسپۋبليكالىق اقىندار ايتىسىندا حالىقتان كەشٸرٸم سۇرادى, دەپ حابارلايدى "ۇلت اقپارات".
جەلٸدە ەنشٸنٸڭ كٶرەرمەندەر الدىندا كەشٸرٸم سۇراعان سەتٸ تٷسٸرٸلگەن ۆيدەو تارادى. تٶرەعالي ايتىسقا جينالعان حالىقتان "مەنەن باسقا نە جاڭالىق بولىپ جاتىر?" دەپ سۇراپ, جۇرتتى كٷلدٸردٸ. ال قوناقتار ەسترادا جۇلدىزىن دۋ قول شاپالاقپەن قارسى الدى.
ەنشٸ كونتسەرتتە شىققان شۋ وعان ساباق بولعانىن جاسىرمادى.
"سىناپ تا, سىباپ تا الىپ جاتىرسىزدار. ول مەن ٷشٸن جٸگەرلەندٸرۋ بولدى. سٸزدەردەي قورعايتىن ەل-جۇرت باردا, قولدايتىن اللا باردا مەنٸڭ ەڭسەمدٸ تٸكتەپ ۇستاپ جٷرمەۋگە ەشقانداي قاقىم جوق دەپ ويلايمىن, اعايىن. قازاقتا بٸر جاقسى سٶز بار عوي: "تۋعان جەرٸنٸڭ تاسىنا سٷرٸنگەن ەر-جٸگٸتتٸڭ اياعى اقسامايدى" دەگەن. بۇنىڭ بەرٸ مەن ٷشٸن ٷلكەن ساباق بولدى. بۇلتتان بيٸك بولسام دا, ۇلتتان بيٸك ەمەسپٸن, اعايىن. كەم-كەتٸگٸم بولسا ەركەلٸگٸم دەپ, شالالىعىم بولسا بالالىعىم دەپ قابىلدارسىزدار", — دەدٸ تٶرەەلٸ.
جاس ەنشٸ جاساعان قاتەلٸگٸ ٷشٸن كەشٸرٸم سۇرادى.
"كەشٸرٸم سۇرايمىن. سٸزدەردٸ قاتتى جاقسى كٶرەمٸن. ونى مەن سٶزٸممەن راستاپ, ەشقانداي اقتالماي-اق, جٷرەكتەرٸڭٸز سەزەر دەپ ويلايمىن", — دەگەن ول "اقيقات" اتتى جاڭا تۋىندىسىن ورىنداپ بەردٸ.
ەستەرٸڭٸزگە سالىپ ٶتسەك, تٶرەعالي تٶرەەلٸ تٶڭٸرەگٸندەگٸ داۋ جەلتوقسان ايىنىڭ سوڭىندا شىققان بولاتىن. ەنشٸ پاۆلوداردا ٶتكەن كونتسەرتٸندە زالداعى كٶرەرمەنگە دٶرەكٸ سٶيلەپ, كەيٸن ونى قۋىپ شىقتى. ەسترادا جۇلدىزىنىڭ ساحناداعى ەرسٸ قىلىعى ەلەۋمەتتٸك جەلٸلەردە شۋ بولىپ, قوعامدىق رەزونانس تۋدىرعان ەدٸ.
