قازاقستان پرەزيدەنتٸ قاسىم-جومارت توقاەۆ پەن چەرنوگورييا پرەزيدەنتٸ ياكوۆ ميلاتوۆيچ كەڭەيتٸلگەن قۇرامدا كەلٸسسٶز ٶتكٸزٸپ, ساياسي, ساۋدا-ەكونوميكالىق جەنە مەدەني-گۋمانيتارلىق ىنتىماقتاستىقتىڭ پەرسپەكتيۆالارىن تالقىلادى, دەپ حابارلايدى ult.kz.
كەلٸسسٶزدەرگە ەكٸ ەلدٸڭ رەسمي دەلەگاتسييا مٷشەلەرٸ قاتىستى. مەملەكەت باسشىسى چەرنوگورييانى قازاقستاننىڭ بالقان تٷبەگٸندەگٸ سەنٸمدٸ سەرٸكتەستەرٸنٸڭ بٸرٸ دەپ اتاپ, ەلدٸڭ ەۋروپا وداعىنا مٷشەلٸككە ۇمتىلىسىن جوعارى باعالادى.
«سٸز رەفورمالاردى ٸلگەرٸلەتٸپ, ەۋروپا وداعى مٷشەلٸگٸنە ٷمٸتكەر سانالاتىن چەرنوگورييانىڭ پوزيتسيياسىن نىعايتۋدا ماڭىزدى رٶل اتقارىپ كەلەسٸز. وسى ۇلتتىق ستراتەگييالىق ماقساتقا جەتۋ جولىندا تابىس تٸلەيمٸز», – دەدٸ قاسىم-جومارت توقاەۆ.
پرەزيدەنت قازاقستاننىڭ چەرنوگورييامەن سەرٸكتەستٸك بايلانىستاردى ودان ەرٸ جانداندىرۋعا مٷددەلٸ ەكەنٸن اتاپ ٶتتٸ. ونىڭ ايتۋىنشا, سوڭعى جىلدارى جوعارى دەڭگەيدەگٸ ساياسي ديالوگ تۇراقتى سيپات الىپ, ەكٸجاقتى ىنتىماقتاستىقتىڭ دامۋىنا وڭ ىقپال ەتٸپ كەلەدٸ.
مەملەكەت باسشىسى پودگوريتسا قالاسىندا قازاقستاننىڭ باس كونسۋلدىعىنىڭ اشىلۋى ەكٸ ەل اراسىنداعى بايلانىستى كەڭەيتۋگە دەگەن ۇمتىلىستىڭ ايقىن كٶرٸنٸسٸ ەكەنٸن ايتتى. سونىمەن قاتار استانادا چەرنوگورييانىڭ ديپلوماتييالىق ميسسيياسىن اشۋ جەنە پارلامەنتارالىق قاتىناستاردى نىعايتۋ ماڭىزدى ەكەنٸن جەتكٸزدٸ.
قاسىم-جومارت توقاەۆ بيزنەس قاۋىمداستىق ٶكٸلدەرٸنٸڭ كەزدەسۋٸ مەن ەكٸ ەلدٸڭ ساۋدا پالاتالارى اراسىندا قول قويىلاتىن ٶزارا تٷسٸنٸستٸك تۋرالى مەموراندۋم ٸسكەرلٸك بايلانىستاردىڭ دامۋىنا سەرپٸن بەرەتٸنٸنە سەنٸم بٸلدٸردٸ.
«قازاقستان نارىعىنا كٸرگٸسٸ كەلەتٸن چەرنوگورييالىق كومپانييالاردى قۋانا قارسى الامىز. كەسٸپكەرلەرٸڭٸزگە قولايلى جاعداي جاساۋعا دايىنبىز», – دەدٸ پرەزيدەنت.
ٶز كەزەگٸندە ياكوۆ ميلاتوۆيچ قازاقستانعا جاساعان ساپارى ەكٸ ەل اراسىنداعى ديپلوماتييالىق قارىم-قاتىناستىڭ ورناعانىنا 20 جىل تولۋىمەن تۇسپا-تۇس كەلگەنٸن اتاپ ٶتتٸ.
چەرنوگورييا باسشىسى ساۋدا پالاتالارى اراسىنداعى مەموراندۋم ەكونوميكالىق ىنتىماقتاستىقتى جاڭا دەڭگەيگە كٶتەرۋگە مٷمكٸندٸك بەرەتٸنٸن ايتتى. سونداي-اق ونىڭ سٶزٸنشە, چەرنوگورييا ەۋروپا وداعىنا كٸرۋ ٷدەرٸسٸنٸڭ سوڭعى كەزەڭٸندە تۇر جەنە 2028 جىلى ۇيىمنىڭ تولىققاندى مٷشەسٸ بولۋعا ٷمٸتتەنەدٸ.
كەزدەسۋ بارىسىندا تاراپتار ٶزارا ساۋدا كٶلەمٸن ارتتىرۋ, كٶلٸك-لوگيستيكا, اۋىل شارۋاشىلىعى جەنە تسيفرلاندىرۋ سالالارىنداعى ىنتىماقتاستىقتى كەڭەيتۋ مەسەلەلەرٸن قاراستىردى. سونىمەن قاتار تۋريزم, جوعارى بٸلٸم, عىلىم جەنە مەدەني-گۋمانيتارلىق بايلانىستاردى دامىتۋ جٶنٸندە ۋاعدالاستىققا قول جەتكٸزٸلدٸ.
وسى رەتتە قاسىم-جومارت توقاەۆ چەرنوگورييا ۇلتتىق كٸتاپحاناسى جانىنان اباي ورتالىعىن اشۋعا قولداۋ كٶرسەتكەنٸ ٷشٸن ياكوۆ ميلاتوۆيچكە العىس بٸلدٸردٸ.
كەلٸسسٶز سوڭىندا مەملەكەتتەر باسشىلارى ٶڭٸرلٸك جەنە جاھاندىق كٷن تەرتٸبٸندەگٸ ٶزەكتٸ مەسەلەلەر بويىنشا پٸكٸر الماستى.
