مەملەكەت باسشىسى ۆيدەوكونفەرەنتسييا فورماتىندا ٶتكەن شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ وتىرىسىنا قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ سامميتتٸ ۇيىمداستىرعانى ٷشٸن رەسەي فەدەراتسيياسىنىڭ پرەزيدەنتٸ ۆلاديمير پۋتينگە ريزاشىلىعىن بٸلدٸردٸ جەنە تەجٸكستان پرەزيدەنتٸ ەمومالي راحموندى جۋىردا ٶتكەن پرەزيدەنت سايلاۋىنداعى جەڭٸسٸمەن قۇتتىقتادى.
قازاقستان پرەزيدەنتٸ شانحاي ىنتىماقتاستىق ۇيىمى قۇرىلعاننان بەرگٸ 20 جىل ٸشٸندە اۋقىمدى جۇمىستار اتقارعانىن جەنە ەڭ تابىستى حالىقارالىق ۇيىمعا اينالعانىن اتاپ ٶتتٸ. ۇيىم قۇقىقتىق جاعىنان عالامشارداعى اۋماقتىڭ تٶرتتەن بٸرٸن, جەر بەتٸندەگٸ حالىقتىڭ 40 پايىزىن جەنە ەلەمدەگٸ ٸشكٸ جالپى ٶنٸمنٸڭ ٷشتەن بٸرٸن قامتيتىن كەڭٸستٸكتە ىنتىماقتاستىق پەن ٶزارا سەنٸمنٸڭ تيٸمدٸ قۇرالى رەتٸندە باعالانادى. بٸراق كوروناۆيرۋس پاندەميياسى ەلەمدٸك قوعامداستىق ٷشٸن قاتاڭ سىناق بولىپ وتىر. ول حالىقارالىق ىنتىماقتاستىقتىڭ كەمشٸن تۇستارىن كٶرسەتٸپ بەردٸ. بۇۇ-نىڭ دەرەكتەرٸنە سەيكەس ەلەمدٸك ەكونوميكانىڭ قۇلدىراۋى 2020 جىلدىڭ قورىتىندىسى بويىنشا 4,4 پايىزعا جەتەدٸ, حالىقارالىق تۋريزم دەڭگەيٸ 70 پايىزعا تٶمەندەيدٸ جەنە تٸكەلەي ينۆەستيتسييا تارتۋ كٶلەمٸ 40 پايىزعا دەيٸن قۇلدىرايدى.
– مۇنداي جاعدايدا «ازاماتتارىمىزدىڭ مٷددەسٸ جولىندا شانحاي ىنتىماقتاستىق ۇيىمىن كٷردەلٸ جاعدايعا قالاي بەيٸمدەيمٸز?» دەگەن سەكٸلدٸ ٶزەكتٸ مەسەلەلەردٸ شەشۋدٸڭ تيٸمدٸ جولدارىن تابۋعا تيٸسپٸز. «شانحاي رۋحى», سونداي-اق, قازٸرگٸ سىن-قاتەرلەرگە بٸرلەسٸپ ۇتىمدى جاۋاپ ٸزدەۋدەگٸ مول تەجٸريبە, تٷپتەپ كەلگەندە, وسى اۋقىمدى مٸندەتتٸ شەشۋگە مٷمكٸندٸك بەرەدٸ. قازاقستان ورتاق كٷش-جٸگەردٸڭ «بەرٸ دە ادام ٷشٸن» دەگەن ٸزگٸ ماقساتقا قول جەتكٸزۋگە باعىتتالعانىن اسا ماڭىزدى سانايدى. وسى رەتتە «ۇجىمدىق يممۋنيتەتٸمٸزدٸڭ» كٷشەيۋٸن پاندەمييا مەن باسقا دا جاھاندىق سىن-قاتەرلەرگە قارسى قويۋدىڭ كەپٸلٸ دەپ بٸلەمٸن, – دەدٸ قاسىم-جومارت توقاەۆ.
مەملەكەت باسشىسىنىڭ پٸكٸرٸنشە, شانحاي ىنتىماقتاستىق ۇيىمى پاندەمييانىڭ تەرٸس سالدارىن جويۋ جٶنٸندەگٸ كٷش-جٸگەردٸ ٷيلەستٸرۋ تۇرعىسىنان ٶز دەڭگەيٸنٸڭ جوعارى ەكەنٸن كٶرسەتتٸ.
– «دوس قيىندىقتا سىنالادى» دەگەن بارلىق حالىق ٷشٸن تٷسٸنٸكتٸ ماقال وسى اۋىر ٸندەت ۋشىققان كەزدەگٸ شانحاي ىنتىماقتاستىق ۇيىمىنا مٷشە مەملەكەتتەردٸڭ ىنتىماقتاستىق رۋحىن دەل ايعاقتايدى. ٶزارا گۋمانيتارلىق كٶمەك پەن ەپيدەميولوگ مامانداردىڭ جٸبەرٸلۋٸ ەلدەرٸمٸزدەگٸ احۋالدى تۇراقتاندىرۋعا سەپتٸگٸن تيگٸزدٸ. قازاقستان جاھاندىق پروبلەما كەزٸندەگٸ بەلسەندٸ ەرٸ جەمٸستٸ ىنتىماقتاستىعى ٷشٸن تيٸستٸ مەملەكەتتەرگە, سونىڭ ٸشٸندە, رەسەي مەن قىتايعا ريزاشىلىعىن بٸلدٸرەدٸ, – دەدٸ پرەزيدەنت.
قاسىم-جومارت توقاەۆ بٷگٸنگٸ جيىندا ەپيدەمييا قاۋپٸنە قارسى كٷرەس جٶنٸندەگٸ بٸرلەسكەن ٸس-قيمىلداردىڭ كەشەندٸ جوسپارىنىڭ بەكٸتٸلۋٸن جوعارى باعالادى, سونداي-اق, دٷنيەجٷزٸلٸك دەنساۋلىق ساقتاۋ ۇيىمى اياسىندا اۋرۋلار مەن بيوقاۋٸپسٸزدٸكتٸ باقىلاۋ جٶنٸندەگٸ ٶڭٸرلٸك ورتالىقتار جەلٸسٸن قۇرۋ تۋرالى قازاقستان باستاماسىنىڭ ماڭىزدى ەكەنٸن اتاپ ٶتتٸ.
– ەلەمدەگٸ قۇبىلمالى جاعداي «ٷش زۇلىمدىق» – سەپاراتيزم, تەرروريزم جەنە ەكسترەميزمنٸڭ كٷشەيۋٸنە الىپ كەلدٸ. تەرروريزمگە, سەپاراتيزمگە جەنە ەكسترەميزمگە, سونىڭ ٸشٸندە, ينتەرنەت جەلٸلەرٸندەگٸ قارسى كٷرەستە شانحاي ىنتىماقتاستىق ۇيىمىنا مٷشە مەملەكەتتەردٸڭ ىنتىماقتاستىعى جٶنٸندەگٸ باعدارلامانىڭ بەلسەندٸ جٷزەگە اسىرىلۋى بٸزدٸڭ ۇيىمنىڭ ٶرشٸپ كەلە جاتقان قاۋٸپ-قاتەرگە بەرەتٸن تيٸستٸ جاۋابى بولار ەدٸ. قوعامدىق جەنە ەكونوميكالىق ٶمٸردەگٸ كٶپتەگەن سالانىڭ ونلاين كەڭٸستٸككە كٶشۋٸ كيبەرقاۋٸپسٸزدٸك مەسەلەسٸن ٶزەكتٸ ەتە تٷسەدٸ. سوندىقتان شانحاي ىنتىماقتاستىق ۇيىمىنىڭ تەررورعا قارسى ٶڭٸرلٸك قۇرىلىم بازاسىندا اقپاراتتىق قاۋٸپسٸزدٸك ورتالىعىن جەدەل قۇرۋ قاجەت دەپ سانايمىز, – دەدٸ مەملەكەت باسشىسى.
شانحاي ىنتىماقتاستىق ۇيىمى ٷشٸن اۋعانستاندى قايتا قالپىنا كەلتٸرۋ مەسەلەسٸ ٶزەكتٸ بولىپ تابىلادى. قازاقستان اۋعانستاندى ەلەۋمەتتٸك-ەكونوميكالىق تۇرعىدان وڭالتۋ ٷشٸن «شىۇ–اۋعانستان» بايلانىس توبى اياسىنداعى ىنتىماقتاستىقتى جالعاستىرۋعا دايىن. بٷگٸندە «ٷش زۇلىمدىق» كٷش قولدانۋ ارقىلى جەڭۋ مٷمكٸن ەمەس ەكەنٸ ايقىن بولدى. تەرروريزمگە, ەكسترەميزمگە, سەپاراتيزمگە جەنە رۋحاني قۇندىلىقتاردىڭ قۇنسىزدانۋىنا قارسى كٷرەستە حالىقتاردىڭ جاسامپازدىق ەلەۋەتٸن جۇمىلدىرۋ ٷشٸن شىۇ-نا مٷشە مەملەكەتتەردٸڭ بٸرەگەي مەدەني مۇراسىن دامىتۋ ماڭىزدى. قازاقستان پرەزيدەنتٸ شانحاي ىنتىماقتاستىق ۇيىمى ٷشٸن كەلەسٸ جىلدى – شىۇ-نىڭ مەدەنيەت جىلى دەپ جارييالاعانىن قولدادى.
– پروتەكتسيونيزمنٸڭ كٷشەيۋٸ جەنە تاۋار تاسىمالداۋعا قاتىستى حالىقارالىق تٸزبەكتٸڭ ٷزٸلۋٸ ۇيىمىمىزدىڭ ەكونوميكالىق ەلەۋەتٸن جەدەل ايقىنداۋ قاجەتتٸگٸن كٶرسەتٸپ وتىر. شىۇ-نىڭ 2025 جىلعا دەيٸنگٸ دامۋ ستراتەگيياسىن جٷزەگە اسىرۋ جٶنٸندەگٸ ٸس-قيمىلدار جوسپارىنىڭ بەكٸتٸلۋٸ ٶزارا ساۋدا-ساتتىقتى قالپىنا كەلتٸرۋگە جەنە ارتتىرۋعا سەپتٸگٸن تيگٸزەدٸ دەپ ٷمٸتتەنەمٸز. اتالعان مٸندەتتٸڭ شەشٸلۋٸ جوبالىق ٸس-ەرەكەتتەردٸڭ قارجىلاندىرىلۋ تەتٸگٸن قالىپتاستىرۋ جٶنٸندەگٸ كەلٸسسٶزدەردٸ تەزدەتۋدٸ تالاپ ەتەدٸ. ٶزارا ەسەپ ايىرىسۋدا ۇلتتىق ۆاليۋتالاردىڭ رٶلٸن بٸرتٸندەپ ارتتىرۋ, سونداي-اق, ەۋرازييالىق قارجىلاندىرۋ, كەڭەس بەرۋ مەحانيزمٸن قالىپتاستىرۋ جٶنٸندەگٸ جول كارتاسى سيياقتى شارالاردىڭ قابىلدانۋى بۇل جۇمىسقا تىڭ سەرپٸن بەرەر ەدٸ, – دەدٸ قاسىم-جومارت توقاەۆ.
مەملەكەت باسشىسى قازاقستان تاراپىنىڭ بيولوگييالىق قاۋٸپسٸزدٸك جٶنٸندەگٸ حالىقارالىق اگەنتتٸك قۇرۋ تۋرالى ۇسىنىسىن تاعى بٸر مەرتە ەسكە سالىپ, تەحنوپاركتەر پۋلى جٶنٸندەگٸ تۇجىرىمداماسىن كەلٸسۋ جۇمىستارىن جەدەلدەتۋ كەرەك ەكەنٸن ايتتى. سونىمەن قاتار تسيفرلىق دەۋٸر كەزەڭٸندەگٸ شالعاي جەنە اۋىلدىق ايماقتاردى دامىتۋ جٶنٸندەگٸ ىنتىماقتاستىق تۇجىرىمداماسىنا قول قويىلعانىن قۇپتادى. پرەزيدەنت ٶز سٶزٸندە ەلدەرٸمٸز اراسىنداعى ساۋدا-ساتتىقتى كەڭەيتۋ مەن شانحاي ىنتىماقتاستىق ۇيىمىنا مٷشە جەنە باقىلاۋشى مەملەكەتتەردٸڭ ينفراقۇرىلىمدىق دامۋىنىڭ ۇلتتىق باعدارلامالارىنىڭ سينەرگيياسىن قامتاماسىز ەتۋ ٷشٸن ٶزارا كٶلٸك-لوگيستيكالىق ٸس-قيمىلدى نىعايتۋ قاجەتتٸگٸن اتاپ ٶتتٸ.
قاسىم-جومارت توقاەۆ «بٸر بەلدەۋ, بٸر جول» مەگاجوباسىنىڭ دامۋى ورتاق كٷش-جٸگەردٸ بٸرٸكتٸرەتٸنٸنە سەنٸمدٸ. قازاقستان ينفراقۇرىلىمدىق جەنە لوگيستيكالىق جوبالاردى بٸرلەسٸپ اتقارۋ ماقساتىندا قاجەتتٸ شارانىڭ بارلىعىن قابىلدايدى. بۇل بٸزدٸڭ ەكونوميكامىز ٷشٸن پايدالى بولماق. سونداي-اق, پرەزيدەنتتٸڭ پٸكٸرٸنشە, ەكولوگييا مەسەلەلەرٸن دە نازاردان تىس قالدىرۋعا بولمايدى.
– بٸز ەكولوگييالىق پروبلەمالاردى جەنە ونىڭ مەملەكەتتەرٸمٸزدٸڭ ەلەۋمەتتٸك-ەكونوميكالىق دامۋى بارىسىنداعى تەرٸس سالدارىن نازاردا ۇستاۋعا مٸندەتتٸمٸز. سوندىقتان شانحاي ىنتىماقتاستىق ۇيىمىنا مٷشە مەملەكەتتەردٸڭ تيٸستٸ ۆەدومستۆولارى اتالعان پروبلەما بويىنشا ٶزارا ٸس-ەرەكەتٸن كٷشەيتۋٸ اسا ماڭىزدى. شانحاي ىنتىماقتاستىق ۇيىمىنىڭ ەكولوگييالىق پروبلەمالارىنىڭ رەەسترٸن جاساۋ بۇل باعىتتاعى جۇمىستاردىڭ جاي-كٷيٸن تۇتاس كٶرۋگە مٷمكٸندٸك بەرەر ەدٸ. بۇل – شۇعىل ۇجىمدىق شەشٸمدٸ تالاپ ەتەتٸن مەسەلە, – دەدٸ مەملەكەت باسشىسى.
بيىلعى جىل ەكٸنشٸ دٷنيەجٷزٸلٸك سوعىستىڭ اياقتالعانىنا جەنە بۇۇ-نىڭ قۇرىلعانىنا 75 جىل اياسىندا ٶتٸپ جاتىر. كەلەسٸ جىلى شانحاي ىنتىماقتاستىق ۇيىمىنا 20 جىل تولادى. پرەزيدەنت وسىناۋ تاريحي كەزەڭدەردٸ ٶڭٸرلٸك جەنە جاھاندىق پروبلەمالاردى شەشۋ ٷشٸن تاپتىرماس تەسٸل رەتٸندە قولدانۋدىڭ ايرىقشا ماڭىزدى ەكەنٸنە سەنٸمدٸ. سىرتقى اشىقتىق پەن حالىقارالىق ەرٸپتەستٸك اياسىن كەڭەيتۋگە ۇمتىلۋ – ۇيىم تيٸمدٸلٸگٸنٸڭ كەپٸلٸ. سوندىقتان قازاقستان شانحاي ىنتىماقتاستىق ۇيىمىنىڭ ٶزگە دە حالىقارالىق ۇيىمدارمەن ىنتىماقتاستىق تۋرالى مەموراندۋمدارعا قول قويۋ تۋرالى شەشٸمٸن قۇپتايدى.
– شانحاي ىنتىماقتاستىق ۇيىمىنىڭ مەرەيتويى – بۇل ونىڭ ەلەۋلٸ جەتٸستٸكتەرٸن اتاپ ٶتۋگە عانا ەمەس, سونداي-اق, وسال تۇستارىمىزدى انىقتاپ, «ەتتەگەن-اي» دەيتٸن جەرلەرٸمٸزدٸ وي ەلەگٸنەن ٶتكٸزٸپ, ودان پايدالى ساباق الۋ ٷشٸن جاقسى مٷمكٸندٸك. سوندىقتان حاتشىلىققا ۇيىمنىڭ تەتٸكتەرٸ مەن ورگاندارىنىڭ قىزمەتٸن جەتٸلدٸرۋ جٶنٸندە ناقتى ۇسىنىستار ەنگٸزە وتىرىپ, شانحاي ىنتىماقتاستىق ۇيىمىنىڭ جۇمىسىنا جان-جاقتى تالداۋ دايىنداۋدى تاپسىرۋدى ۇسىنامىن. بٸزدٸڭ حالىقتارىمىز شانحاي ىنتىماقتاستىق ۇيىمىنا ٷلكەن ٷمٸت ارتادى. ولار بٸزدٸڭ ۇيىم شەڭبەرٸندە ىمىرالاسۋ جەنە ٶزارا مٷددەلەردٸ ەسكەرۋ نەگٸزٸندە جەمٸستٸ ىنتىماقتاستىق ورناتىپ, سول ارقىلى بٷگٸنگٸ سىناقتار مەن الداعى سىن-قاتەرلەرگە ابىرويمەن تٶتەپ بەرٸپ, ازاماتتارىمىزدىڭ ەل-اۋقاتىن جاقسارتۋعا مٷمكٸندٸك بولادى دەپ سانايدى, – دەدٸ قاسىم-جومارت توقاەۆ.
قازاقستان پرەزيدەنتٸ سٶزٸنٸڭ سوڭىندا شانحاي ىنتىماقتاستىق ۇيىمىنا مٷشە مەملەكەتتەردٸڭ كٶشباسشىلارىن ورتاق مٸندەتتەردٸ شەشۋ جەنە «شانحاي رۋحىن» نىعايتۋ جولىندا بٸرٸگۋگە شاقىردى.
***
سامميت قورىتىندىسى بويىنشا تٶمەندەگٸدەي قۇجاتتار قابىلدانىپ, قول قويىلدى:
1. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ مەسكەۋ دەكلاراتسيياسى.
2. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ شانحاي ىنتىماقتاستىق ۇيىمىنىڭ 2025 جىلعا دەيٸنگٸ دامۋ ستراتەگيياسىن جٷزەگە اسىرۋدىڭ 2021-2025 جىلدار ارالىعىنداعى ٸس-قيمىل جوسپارىن بەكٸتۋ تۋرالى شەشٸمٸ.
3. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ شانحاي ىنتىماقتاستىق ۇيىمىنا مٷشە مەملەكەتتەردٸڭ تسيفرلىق دەۋٸر كەزٸندەگٸ شالعاي جەنە اۋىلدىق ايماقتاردى دامىتۋ جٶنٸندەگٸ تۇجىرىمداماسىنىڭ شەشٸمٸ.
4. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ شانحاي ىنتىماقتاستىق ۇيىمىنا مٷشە مەملەكەتتەر ايماعىنداعى ەپيدەمييالىق قاۋٸپ-قاتەرگە قارسى ٸس-قيمىلدىڭ بٸرلەسكەن كەشەندٸ جوسپارى.
5. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ شانحاي ىنتىماقتاستىق ۇيىمى حاتشىلىعىمەن جەنە بٸرٸككەن ۇلتتار ۇيىمىنىڭ ازييا-تىنىق مۇحيتى ايماعى ٷشٸن ەكونوميكالىق جەنە ەلەۋمەتتٸك كوميسسيياسى حاتشىلىعىمەن ٶزارا تٷسٸنٸستٸك جٶنٸندەگٸ مەموراندۋمىنا قول قويۋ تۋرالى شەشٸمٸ.
6. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ شانحاي ىنتىماقتاستىق ۇيىمى حاتشىلىعىمەن جەنە ەۋرازييا ەكونوميكالىق كوميسسيياسىمەن ٶزارا تٷسٸنٸستٸك جٶنٸندەگٸ مەموراندۋمىنا قول قويۋ تۋرالى شەشٸمٸ.
7. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ شانحاي ىنتىماقتاستىق ۇيىمى حاتشىلىعىمەن جەنە دٷنيەجٷزٸلٸك دەنساۋلىق ساقتاۋ ۇيىمىمەن ٶزارا تٷسٸنٸستٸك جٶنٸندەگٸ مەموراندۋمىنا قول قويۋ تۋرالى شەشٸمٸ.
8. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ شانحاي ىنتىماقتاستىق ۇيىمىنىڭ مەدەني ينتەگراتسييالىق ورتالىعى تۋرالى شەشٸمٸ.
9. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ شانحاي ىنتىماقتاستىق ۇيىمى باس حاتشىسىنىڭ شانحاي ىنتىماقتاستىق ۇيىمىنىڭ ٶتكەن جىلعى قىزمەتٸ جٶنٸندەگٸ بايانداماسى تۋرالى شەشٸمٸ.
10. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ شانحاي ىنتىماقتاستىق ۇيىمىنىڭ ايماقتىق انتيتەرروريستٸك قۇرىلىمىنىڭ 2019 جىلعى قىزمەتٸ جٶنٸندەگٸ شانحاي ىنتىماقتاستىق ۇيىمىنىڭ ايماقتىق انتيتەرروريستٸك قۇرىلىمى كەڭەسٸنٸڭ بايانداماسى تۋرالى شەشٸمٸ.
11. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ ەكٸنشٸ دٷنيەجٷزٸلٸك سوعىستاعى جەڭٸستٸڭ 75 جىلدىعىنا بايلانىستى مەلٸمدەمەسٸ.
12. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ تەرروريستٸك, سەپاراتيستٸك جەنە ەكسترەميستٸك يدەولوگييانى, ونىڭ ٸشٸندە, ينتەرنەت جٷيەسٸندە تاراتۋعا قارسى ٸس-قيمىل تۋرالى مەلٸمدەمەسٸ.
13. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ حالىقارالىق اقپاراتتىق قاۋٸپسٸزدٸكتٸ قامتاماسىز ەتۋ سالاسىنداعى ىنتىماقتاستىق تۋرالى مەلٸمدەمەسٸ.
14. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ ەسٸرتكٸ قاۋپٸنە قارسى ٸس-قيمىل تۋرالى مەلٸمدەمەسٸ.
15. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ جاڭا كوروناۆيرۋس ينفەكتسيياسىنا قارسى بٸرلەسكەن ٸس-قيمىل تۋرالى مەلٸمدەمەسٸ.
16. شانحاي ىنتىماقتاستىق ۇيىمىنا مٷشە مەملەكەتتەر باسشىلارى كەڭەسٸنٸڭ تسيفرلىق ەكونوميكا سالاسىنداعى ىنتىماقتاستىق تۋرالى مەلٸمدەمەسٸ.
