قازاقستاندىق كەسٸپقوي بوكسشى گەنناديي گولوۆكيننٸڭ پروموۋتەرٸ توم لەففلەر تۆيتتەردەگٸ پاراقشاسىندا امەريكالىق جۋرناليستەرگە باعىتتالعان بٸرنەشە جازبا جارييالادى, دەپ حابارلايدى «SPORTINFORM» ساا.
الدىمەن لەففلەر ESPN جۋرناليسٸ, بۇعان دەيٸن ٶزٸنٸڭ گولوۆكينمەن جولدارى ايىرىلىساتىنىن حابارلاعان دەن رافاەلگە قاراتا جازدى.
«دەن, GGG بٷگٸن ماعان مۇنىڭ سارى باسپاسٶز ەكەنٸن ايتتى. سونداي-اق ولارعا ٶزٸ نەمەسە مانسابى تۋرالى بٸزدٸڭ ايتقان سٶزٸمٸزدٸ دەيەك ەتە ەشتەڭە ايتۋدىڭ قاجەتٸ جوقتىعىن جەتكٸزدٸ. مۇنى جازۋ نەتكەن جاۋاپسىزدىق ەدٸ. ەندٸ جۇرت سەنٸڭ سٶزٸڭدٸ پايدالانىپ, جالعان اقپاراتتىڭ نەگٸزٸندە تۇتاس ماقالالار جازۋ ٷشٸن قولدانۋدا», - دەپ جازدى لەففلەر.
ارتىنشا لەففلەر وسىنىڭ الدىندا گولوۆكيننٸڭ وتباسىندا ۇل بالا دٷنيەگە كەلەتٸنٸ تۋرالى ايتقان مايك كوپپيندجەرگە (The Ring/Fox Sports) ٶزگەلەردٸ قۇرمەتتەي بٸلۋ قاجەتتٸگٸن ۇقتىردى:
«مايك, گولوۆكيننٸڭ مانسابى تۋرالى قاڭقۋ سٶز تاراتۋدى دوعار دا, جاڭالىقتاردى كٷت. ەلەۋمەتتٸك جەلٸدە GGG-دٸڭ جەكە ٶمٸرٸ تۋرالى جازبا, ول وتباسىنا دا, بوكسقا دا ٷلگەرٸپ جٷر. وعان ازداعان قۇرمەت بٸلدٸرٸپ, بٸز رەسمي مەلٸمدەمە جاساعانشا كٷتە تۇر», - دەدٸ ول.
ول سونداي-اق جۋرناليست مارك ورتەگانىڭ (PBC on Fox) دا سىباعاسىن بەردٸ: «مارك, سەن دە باسقا «مەديا» سىندى جالعان اقپارات تاراتىپ جاتىرسىڭ. «مايمىل كٶرگەنٸن ٸستەيدٸ». بٸر نەرسە جازار الدىندا فاكتٸلەردٸ تەكسەرٸپ ال نەمەسە ماعان قوڭىراۋ سوق. ٶز پروموۋتەرٸمەن كەلٸسٸمشارتتى بۇزۋعا تالپىنعان ۋورد ٷش رەت جەڭٸلٸس تاپتى. TGB Promotions وسىنى قۋانا ەسٸڭە سالادى», - دەپ جازدى لەففلەر.
