Qazaqstandyq kásipqoi boksshy Gennadii Golovkinniń promoýteri Tom Leffler Tvitterdegi paraqshasynda amerikalyq jýrnalisterge baǵyttalǵan birneshe jazba jariialady, dep habarlaidy «SPORTINFORM» SAA.
Aldymen Leffler ESPN jýrnalisi, buǵan deiin óziniń Golovkinmen joldary aiyrylysatynyn habarlaǵan Den Rafaelge qarata jazdy.
«Den, GGG búgin maǵan munyń sary baspasóz ekenin aitty. Sondai-aq olarǵa ózi nemese mansaby týraly bizdiń aitqan sózimizdi dáiek ete eshteńe aitýdyń qajeti joqtyǵyn jetkizdi. Muny jazý netken jaýapsyzdyq edi. Endi jurt seniń sózińdi paidalanyp, jalǵan aqparattyń negizinde tutas maqalalar jazý úshin qoldanýda», - dep jazdy Leffler.
Artynsha Leffler osynyń aldynda Golovkinniń otbasynda ul bala dúniege keletini týraly aitqan Maik Koppindjerge (The Ring/Fox Sports) ózgelerdi qurmettei bilý qajettigin uqtyrdy:
«Maik, Golovkinniń mansaby týraly qańqý sóz taratýdy doǵar da, jańalyqtardy kút. Áleýmettik jelide GGG-diń jeke ómiri týraly jazba, ol otbasyna da, boksqa da úlgerip júr. Oǵan azdaǵan qurmet bildirip, biz resmi málimdeme jasaǵansha kúte tur», - dedi ol.
Ol sondai-aq jýrnalist Mark Orteganyń (PBC on Fox) da sybaǵasyn berdi: «Mark, sen de basqa «media» syndy jalǵan aqparat taratyp jatyrsyń. «Maimyl kórgenin isteidi». Bir nárse jazar aldynda faktilerdi tekserip al nemese maǵan qońyraý soq. Óz promoýterimen kelisimshartty buzýǵa talpynǵan Ýord úsh ret jeńilis tapty. TGB Promotions osyny qýana esińe salady», - dep jazdy Leffler.
