بەلگٸلٸ قازاقستاندىق اكتەر تٶلەپبەرگەن بايساقالوۆ "وت" فيلمٸندەگٸ ٷزدٸك رٶلٸ ٷشٸن Asian World Film Festival (لوس-اندجەلەس) كينوفەستيۆالٸندە ماراپاتتالدى, - دەپ حابارلايدى Tengrinews.kz تٸلشٸسٸ PR Newswire اگەنتتٸگٸنە سٸلتەمە جاساپ.
فيلمدە قاراپايىم ادامنىڭ وقيعاسى باياندالادى. توليك (تٶلەپبەرگەن بايساقالوۆ) - مەگاپوليستە ٶمٸر سٷرٸپ, وتباسىن اسىراۋعا تىرىسىپ جٷرگەن ٷلكەن وتباسىنىڭ وتاعاسى. ول كۋرەر بولىپ جۇمىس ٸستەيدٸ, وتباسىن از جالاقىعا اسىراي الماي, باسقالار سيياقتى نەسيە الىپ, قارىزعا ٶمٸر سٷرۋگە مەجبٷر. بٸراق قىزىنا ٷلكەن ٷمٸت ارتادى. بٸر كٷنٸ جۇمىستان ورالىپ, كٷتپەگەن جەردەن سەۋلەنٸڭ جٷكتٸ ەكەنٸن بٸلەدٸ. بۇل جاڭالىق قىزىنىڭ بولاشاعىنا ارنالعان جوسپارلارىنا ەسەر ەتەدٸ. كەيٸپكەر جاعدايدى شەشۋگە تىرىسىپ, باسىنان تٷرلٸ وقيعالاردى ٶتكەرەدٸ.
"وت" فيلمٸنٸڭ ەلەمدٸك پرەمەراسى پۋسانداعى (وڭتٷستٸك كورەيا) حالىقارالىق كينوفەستيۆالدە ٶتتٸ. كومەدييا ەلەمەنتتەرٸ كەزدەسەتٸن ەلەۋمەتتٸك درامانىڭ رەجيسسەرٸ - بەلگٸلٸ رەجيسسەر قانىمبەك قاسىمبەكوۆتٸڭ قىزى ايجان قاسىمبەك. بۇل - ونىڭ العاشقى تولىق مەتراجدى جۇمىسى. بۇعان دەيٸن ايجان قىسقا فيلمدەر تٷسٸردٸ. "وت" جوباسى ۇلتتىق كينونى قولداۋ مەملەكەتتٸك ورتالىعىنان قارجىلاندىرۋ گرانتىن جەڭٸپ الدى.
وسىعان دەيٸن تٶلەپبەرگەن بايساقالوۆ سوچي كينوفەستيۆالٸندە ٷزدٸك ەر ادام رٶلٸ ٷشٸن ماراپاتقا يە بولعان ەدٸ.
