قر مەملەكەتتٸك سىيلىعىنىڭ يەگەرٸ, جازۋشى تٶلەن ەبدٸك ەبۋ ناسىر ەل-فارابيگە ەلوردادا ەسكەرتكٸش ورناتۋدى ۇسىندى, دەپ حابارلايدى "ۇلت اقپارات".
«ەبۋ ناسىر ەل-فارابي – اريستوتەلدەن كەيٸن ەكٸنشٸ ۇستاز اتانعان ادامزات تاريحىنداعى ەڭ عۇلاما ادامداردىڭ بٸرٸ. ونىمەن قالاي ماقتانساق تا ارتىق بولمايدى. سوندىقتان, مەنٸڭ ۇسىنىسىم: وسى مەرەيتوي قارساڭىندا ەل-فارابيدٸڭ ەسكەرتكٸشٸن وسى ەلوردادا ورناتۋعا بولادى. شەتەلدەن كەلگەندەر ەسكەرتكٸشكە قاراپ, ونى بٸردەن تانيتىن ەدٸ. ەكٸنشٸدەن, ەل-فارابيدٸڭ مەرەيتويىن يۋنەسكو-مەن قوسىلىپ ٶتكٸزۋگە بولادى», - دەدٸ تٶلەن ەبدٸك اقوردادا «رۋحاني جاڭعىرۋ» باعدارلاماسىن ٸسكە اسىرۋ جٶنٸندەگٸ ۇلتتىق كوميسسييا وتىرىسىندا.
ٶز كەزەگٸندە, مەملەكەتتٸك حاتشى قىرىمبەك كٶشەرباەۆ ەبۋ ناسىر ەل-فارابيدٸڭ 1150 جىلدىعى يۋنەسكو-نىڭ كٷنتٸزبەسٸنە كٸرگەنٸن اتاپ ٶتتٸ.
«پاريجدە يۋنەسكو-نىڭ باس ديرەكتورىمەن كەزدەسٸپ, وسى مەسەلەنٸڭ بەرٸن ناقتىلادىق. ابايدىڭ دا, ەبۋ ناسىر ەل-فارابيدٸڭ دا مەرەيتويى, شىمكەنت قالاسىنىڭ 2200 جىلدىعى – بەرٸ يۋنەسكو-نىڭ قولداۋى اياسىندا ٶتەدٸ», - دەدٸ ول.
ەسكە سالا كەتسەك, مەملەكەتتٸك حاتشى قىرىمبەك كٶشەرباەۆتىڭ تٶراعالىمەن اقوردادا بٷگٸن قر پرەزيدەنتٸ جانىنداعى قوعامدىق سانانى جاڭعىرتۋ باعدارلاماسىن ٸسكە اسىرۋ جٶنٸندەگٸ ۇلتتىق كوميسسييانىڭ وتىرىسى ٶتكٸزٸلدٸ.
