QR Memlekettik syilyǵynyń iegeri, jazýshy Tólen Ábdik Ábý Nasyr ál-Farabige elordada eskertkish ornatýdy usyndy, dep habarlaidy "Ult aqparat".
«Ábý Nasyr ál-Farabi – Aristotelden keiin ekinshi ustaz atanǵan adamzat tarihyndaǵy eń ǵulama adamdardyń biri. Onymen qalai maqtansaq ta artyq bolmaidy. Sondyqtan, meniń usynysym: osy mereitoi qarsańynda ál-Farabidiń eskertkishin osy elordada ornatýǵa bolady. Shetelden kelgender eskertkishke qarap, ony birden tanityn edi. Ekinshiden, ál-Farabidiń mereitoiyn IýNESKO-men qosylyp ótkizýge bolady», - dedi Tólen Ábdik Aqordada «Rýhani jańǵyrý» baǵdarlamasyn iske asyrý jónindegi Ulttyq komissiia otyrysynda.
Óz kezeginde, Memlekettik hatshy Qyrymbek Kósherbaev Ábý Nasyr ál-Farabidiń 1150 jyldyǵy IýNESKO-nyń kúntizbesine kirgenin atap ótti.
«Parijde IýNESKO-nyń bas direktorymen kezdesip, osy máseleniń bárin naqtyladyq. Abaidyń da, Ábý Nasyr ál-Farabidiń da mereitoiy, Shymkent qalasynyń 2200 jyldyǵy – bári IýNESKO-nyń qoldaýy aiasynda ótedi», - dedi ol.
Eske sala ketsek, Memlekettik hatshy Qyrymbek Kósherbaevtyń tóraǵalymen Aqordada búgin QR Prezidenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komissiianyń otyrysy ótkizildi.
