توكيو پاراليمپياداسىنىڭ كٷمٸس جٷدەگەرٸ تەمٸرجان دەۋلەت ەلورداداعى ماراپات كەشٸندە التىن جٷلدە الۋعا نە كەدەرگٸ بولعانىن ايتىپ بەردٸ, دەپ حابارلايدى قازاقپارات.
«قۇرمەتتٸ سپورتسٷيەر قاۋىم, كەشە عانا توكيو پاراليمپياداسى اياقتالدى. پاراليمپيادا سپورتشىلارى اتىنان سٸزدەرگە شىن جٷرەكتەن ريزاشىلىعىمدى بٸلدٸرەمٸن. بٸزدٸڭ بۇل جٷلدەلەرٸمٸز – مەملەكەت تاراپىنان جەنە قازاق حالقىنىڭ سپورتشىلارعا كٶرسەتٸپ كەلە جاتقان قولداۋىنىڭ كٶرٸنٸسٸ. قازاقستان تەۋەلسٸزدٸگٸنٸڭ 30 جىلدىعىنا وراي كٶك بايراعىمىزدى سپورت ارەناسىنىڭ بيٸگٸندە جەلبٸرەتٸپ, توكيو تٶرٸندە ەنۇرانىمىزدى شىرقاتتىق. الدا ەلٸ تالاي جەڭٸستٸ سەتتەرٸمٸز بولادى», - دەدٸ ول.
سونىمەن بٸرگە, سپورتشى جارىس كەزٸندە نەلٸكتەن التىن مەدال الا الماعانىن تٷسٸندٸردٸ.
«العاشقى كٷنٸ ۋاقىت جاعى جەنە ىستىق اۋا رايى ازداپ قيىندىق تۋعىزدى. سەبەبٸ بٸزدٸڭ ەلمەن سالىستىرعاندا 5-6 گرادۋسقا ىستىق بولدى. جالپى دايىندىعىمىز جاقسى ٶتتٸ. پسيحولوگييالىق تۇرعىدا دا دايىن بولدىق. توكيودا ٶز جەرٸمٸزدە جٷرگەندەي سەزٸندٸك. التىنعا جەتە الماعانىما ٶزٸم كٸنەلٸمٸن. اسىعىپ, قاتەلٸك جٸبەرٸپ قويدىم. قارسىلاستى شارشاتىپ, ۋاقىت سوزۋىم كەرەك ەدٸ. سوندا جەڭٸس مەنٸكٸ بولاتىن ەدٸ», - دەدٸ تەمٸرجان دەۋلەت.
سپورتشى مەملەكەت تاراپىنان العان قاراجاتىن ٶز قاجەتٸنە جۇمسايتىنىن ايتتى.
«ٶزٸمنٸڭ جۇمىستارىم, قارىزدارىم بار. قاراجاتتى ٶزٸمە جاراتامىن», - دەدٸ سپورتشى.
ايتا كەتەيٸك, پاراليمپيادا ويىندارىندا قازاقستان 5 مەدال الدى. ونىڭ بٸرەۋٸ - التىن, ٷشەۋٸ - كٷمٸس, بٸرەۋٸ - قولا مەدال.
جالپى كوماندالىق ەسەپتە قازاقستاندىق سپورتشىلار 51-ورىنعا تابان تٸرەدٸ.
بٷگٸن پرەزيدەنت قاسىم-جومارت توقاەۆتىڭ جارلىعىمەن داۆيد دەگتيارەۆ III دەرەجەلٸ «بارىس» وردەنٸمەن, زارينا بايباتينا, تەمٸرجان دەۋلەت, ەنۋار ساريەۆتەر «پاراسات» وردەنٸمەن, نۇردەۋلەت جۇماعالي «قۇرمەت» وردەنٸمەن ماراپاتتالدى.
قىرىمبەك كٶشەرباەۆ ٸس-شارا بارىسىندا التىن مەدال العان داۆيد دەگتيارەۆكە 106 ميلليون تەڭگە, كٷمٸس مەدالگە يە بولعان زارينا بايباتينا, تەمٸرجان دەۋلەت, ەنۋار ساريەۆتەرگە 63 ميلليون تەڭگە, قولا جٷلدەگەر اتانعان نۇردەۋلەت جۇماعاليگە 31 ميلليون تەڭگە قارجىلاي سىياقى تابىستادى.
