قر پرەزيدەنتٸ قاسىم-جومارت توقاەۆقا سىبايلاس جەمقورلىققا قارسى قىزمەتتٸڭ بيىلعى اتقارعان جۇمىسىنىڭ نەتيجەلەرٸ جەنە رەزونانس تۋدىرعان قىلمىستىق ٸستەردٸڭ تەكسەرٸلۋ بارىسى تۋرالى ەسەپ بەرٸلدٸ, دەپ حابارلايدى اقوردا.
ۇسىنىلعان دەرەكتەرگە سەيكەس 2 ايدىڭ ٸشٸندە 240 ادامنىڭ, ونىڭ ٸشٸندە رەسپۋبليكالىق جەنە وبلىستىق دەڭگەيدەگٸ 40 باسشىنىڭ سىبايلاس جەمقورلىققا قاتىسى بار ەكەنٸ ەشكەرەلەندٸ. ولاردىڭ قاتارىندا 1 ۆيتسە-مينيستر, 1 قالا ەكٸمٸ جەنە وبلىستىق باسقارمالاردىڭ 11 جەتەكشٸسٸ بار. كەلتٸرٸلگەن شىعىننىڭ ورنىن تولتىرۋ ٷشٸن كٷدٸكتٸلەردٸڭ قۇنى 5,4 ميلليارد تەڭگە بولاتىن مٷلكٸنە تىيىم سالىندى.
پرەزيدەنتكە سىبايلاس جەمقورلىققا قارسى قىزمەتتٸڭ «تازالىعىن» قامتاماسىز ەتۋ جٶنٸندەگٸ تاپسىرمالارىنىڭ ورىندالۋى جٶنٸندە باياندالدى. سونىمەن قاتار قاسىم-جومارت توقاەۆقا سىبايلاس جەمقورلىققا قارسى ساياسات تۇجىرىمداماسىنىڭ ٸسكە اسىرىلۋى تۋرالى مەلٸمەت بەرٸلدٸ. سالالىق ۆەدومستۆو جەتەكشەسٸنٸڭ ايتۋىنشا, اقپان ايىندا پارلامەنت مەجٸلٸسٸ نەگٸزسٸز بايىعانى ٷشٸن جاۋاپكەرشٸلٸك تۋرالى زاڭ جوباسىن بٸرٸنشٸ وقىلىمدا ماقۇلدادى. كۆازيمەملەكەتتٸك سەكتورداعى كومپلاەنس قىزمەتتەرٸنٸڭ جۇمىسىنا, سىبايلاس جەمقورلىق ٷشٸن باسشىلاردىڭ دەربەس جاۋاپكەرشٸلٸگٸ ينستيتۋتىن جەتٸلدٸرۋگە ەرەكشە كٶڭٸل بٶلٸندٸ.
بۇدان بٶلەك قازٸرگٸ ۋاقىتتا «follow the money» قاعيداتى بويىنشا قارجىلىق تەرگەۋدٸ دامىتۋعا, پارا بەرۋ جٶنٸندە ۋەدەلەسۋگە جەنە پارا ۇسىنۋعا قاتىستى قىلمىستىق جاۋاپكەرشٸلٸكتٸ ەنگٸزۋگە جەنە سىبايلاس جەمقورلىق ٷشٸن زاڭدى تۇلعالاردىڭ جاۋاپكەرشٸلٸگٸن كٷشەيتۋگە باعىتتالعان زاڭنامالىق شارالار توپتاماسى پىسىقتالىپ جاتىر.
كەزدەسۋ قورىتىندىسى بويىنشا قاسىم-جومارت توقاەۆ ولجاس بەكتەنوۆكە سىبايلاس جەمقورلىققا قارسى ساياسات تۇجىرىمداماسىن تيٸمدٸ جٷزەگە اسىرۋعا جەنە سىبايلاس جەمقورلىق ٷشٸن جاۋاپكەرشٸلٸكتٸڭ بۇلتارتپاستىعىن قامتاماسىز ەتۋگە باعىتتالعان بٸرقاتار تاپسىرما بەردٸ.
