قازاقستان ازاماتتارىن سيرييادان قايتارۋ بويىنشا «جۋسان» ارنايى گۋمانيتارلىق اكتسيياسىنىڭ سوڭعى كەزەڭٸ اياقتالدى. وسىعان وراي اقوردانىڭ باسپاسٶز قىزمەتٸ قر پرەزيدەنتٸ قاسىم-جومارت توقاەۆتىڭ مەلٸمدەمەسٸن تاراتتى, دەپ حابارلايدى "ۇلت اقپارات".
"مەنٸڭ تاپسىرمام بويىنشا 28-31 مامىردا «جۋسان» ارنايى گۋمانيتارلىق اكتسيياسىنىڭ سوڭعى كەزەڭٸ تابىستى ٶتتٸ. سيرييادان وتانداستارىمىزدىڭ كەزەكتٸ توبى ورالدى. قازاقستاننىڭ مەملەكەتتٸك قۇرىلىمدارىنىڭ جٷيەلٸ جۇمىستارىنىڭ جەنە شەتەلدٸك سەرٸكتەستەرمەن تىعىز ىقپالداستىقتىڭ ارقاسىندا قاقتىعىس ايماعىنان 171 بالا شىعارىلدى. قازاقستانعا ورالعان سوڭ, ولار وڭالتۋ شارالارىنان ٶتٸپ, بارلىق قاجەتتٸ كٶمەك الاتىن ارنايى بەيٸمدەۋ ورتالىعىنا ورنالاستىرىلدى.
«جۋسان» گۋمانيتارلىق وپەراتسيياسى – اۋقىمدى اكتسييا. بۇل باستامانى تۇڭعىش پرەزيدەنت – ەلباسى نۇرسۇلتان نازارباەۆ ۇسىندى جەنە بىلتىردان بەرٸ جٷزەگە اسىرىلۋدا. كەشەندٸ شارالار نەتيجەسٸندە قاقتىعىس ايماعىنان وتانىمىزعا 357 بالا قايتارىلدى. بالالاردىڭ قاۋٸپسٸزدٸگٸن قامتاماسىز ەتۋ «جۋسان» وپەراتسيياسىنىڭ باستى ماقساتى بولدى.
«جۋسان» گۋمانيتارلىق وپەراتسيياسىنىڭ قورىتىندىلارى مەملەكەتٸمٸزدٸڭ ٶتە كٷردەلٸ مٸندەتتەردٸ تيٸمدٸ شەشۋگە قابٸلەتتٸ ەكەنٸن كٶرسەتتٸ.
وسى وپەراتسيياعا قاتىسقان ارنايى قىزمەت ٶكٸلدەرٸنٸڭ, ديپلوماتتاردىڭ, ەسكەريلەردٸڭ بەرٸنە تاپسىرىلعان جاۋاپتى ميسسييانى ابىرويمەن ورىنداعانى ٷشٸن العىس بٸلدٸرەمٸن.
ەلگە ورالعان وتانداستار جاڭا ٶمٸر باستاۋعا, ال بالالار بەيبٸت ٶمٸر سٷرۋگە مٷمكٸندٸك الدى.
بٸز ٶز ازاماتتارىمىزدىڭ قۇقىقتارى مەن قاۋٸپسٸزدٸگٸن الداعى ۋاقىتتا دا قورعايتىن بولامىز", - دەلٸنگەن مەلٸمدەمەدە.
ەسكە سالايىق, سيرييادان قازاقستاندىقتاردىڭ العاشقى لەگٸ بيىلعى 6 قاڭتاردا ەلگە جەتكٸزٸلگەن بولاتىن. قۇقىققورعاۋ ورگاندارى مەن سىرتقى ٸستەر مينيسترلٸگٸ جٷرگٸزگەن گۋمانيتارلىق شارا نەتيجەسٸندە 47 ازامات, سونىڭ ٸشٸندە 30 بالا قازاقستانعا قايتارىلدى.
7-9 مامىر كٷندەرٸ اتالمىش ەلدەن قازاقستاننىڭ تاعى 231 ازاماتى ورالدى. ونىڭ 156-سى - بالالار, دەنٸ مەكتەپ جاسىنا دەيٸنگٸلەر, سونىڭ ٸشٸندە 18-ٸ - جەتٸم بالالار.
«جۋسان-2» وپەراتسيياسىنا قاتىستى ٶتكەن باسپاسٶز مەسليحاتىندا قر سىرتقى ٸستەر مينيسترٸنٸڭ ورىنباسارى ەرجان اشىقباەۆ اتاپ ٶتكەندەي, سيرييادان قايتارىلعان ادامداردىڭ لاڭكەستٸك قىلمىستارعا قاتىسى بارلارى جازاعا تارتىلاتىن بولادى.
«لاڭكەستٸك ٸس-قيمىلدارعا جەنە زاڭسىز جاۋىنگەرلٸك ەرەكەتتەرگە قاتىسقاندارعا توقتالساق, قىلمىستارعا قاتىستىلىعى دەلەلدەنگەن جاعدايدا, ولار قر زاڭناماسىنا سەيكەس قىلمىستىق جاۋاپكەرشٸلٸككە تارتىلادى. بۇل گۋمانيتارلىق وپەراتسييا اقش-تىڭ قولداۋىمەن جٷزەگە اسىرىلدى, سونداي-اق بۇل جوبادا سيرييا دەموكراتييالىق كٷشتەرٸنٸڭ ماڭىزدى رٶلٸن اتاپ ٶتكەن جٶن», - دەگەن ەدٸ مينيستردٸڭ ورىنباسارى.
وتانىنا قايتارىلعان ازاماتتاردىڭ دەنٸ جەكە قۇجاتتارىن جوعالتىپ العان.
ەندٸگٸدە دەراديكاليزاتسييالاۋ جەنە ساۋىقتىرۋ مەسەلەلەرٸنە ەرەكشە كٶڭٸل بٶلٸنە وتىرىپ, قايتىپ كەلگەن ەيەلدەر مەن بالالاردى بەيٸمدەۋ ەرٸ قايتا ەلەۋمەتتەندٸرۋ جٷرگٸزٸلەدٸ.
ەلٸمٸزدە رەسمي ساپارمەن بولعان بۇۇ-نىڭ ادام قۇقىقتارىن جەنە ٸرگەلٸ بوستاندىقتارىن ٸلگەرٸلەتۋ مەن قورعاۋ جٶنٸندەگٸ ارنايى بايانداماشىسى فيوننۋالا ني اولەين قازاقستاننىڭ سيرييا مەن يراكتاعى جانجال ايماعىنان ٶز ازاماتتارىن قايتارۋ باستاماسىن ٶزگە مەملەكەتتەرگە ٷلگٸ ەتتٸ.
