قاسىم-جومارت توقاەۆ اتىراۋ وبلىسىنىڭ جۇرتشىلىعىمەن كەزدەسۋ بارىسىندا ٶڭٸردەگٸ جەمقورلىقپەن كٷرەس تۋرالى ايتتى, دەپ حابارلايدى "ۇلت اقپارات" پرەزيدەنتتٸڭ باسپاسٶز حاتشىسى بەرٸك ۋەليگە سٸلتەمە جاساپ.
«وبلىستا جەمقورلىققا قارسى كٷرەس ساياساتىن كٷشەيتۋ كەرەك. جەمقورلىقتى جويۋ بارلىق دەڭگەيدەگٸ ەكٸمدەر جۇمىسىنىڭ نەگٸزگٸ كٶرسەتكٸشٸ بولادى. ەكٸمدەرگە جەكە جاۋاپكەرشٸلٸك جٷكتەلەدٸ», - دەدٸ مەملەكەت باسشىسى.
پرەزيدەنت ەل ەكونوميكاسىنىڭ دامۋى مەن حالىقتىڭ ەل-اۋقاتىنىڭ ارتۋى جەمقورلىقپەن كٷرەستٸڭ ناقتى نەتيجەلەرٸنە تٸكەلەي بايلانىستى ەكەنٸن اتادى.
«بۇل قوعامدىق كەسەل ۇلتتىق قاۋٸپسٸزدٸككە قاتەر تٶندٸرەدٸ. الايدا بۇل ماقساتقا جەتۋ ٷشٸن تەك جازالاۋ شارالارى جەتكٸلٸكسٸز. مۇنى ەلەمدٸك تەجٸريبە دەلەلدەدٸ. سوندىقتان قوعامدىق باقىلاۋدى كٷشەيتۋ قاجەت. ازاماتتار قوعامدىق ٶمٸرگە بەلسەنە ارالاسۋى كەرەك», - دەگەن مەملەكەت باسشىسى.
سونداي-اق, قاسىم-جومارت توقاەۆ اتىراۋ وبلىسىنداعى جولداردىڭ ساپاسىن سىنعا الدى.
«وبلىستا 2 مىڭ شاقىرىمنان استام اۆتوكٶلٸك جولى بار. بٸراق, ونىڭ تەڭ جارتىسىنا جۋىعى ناشار. قالعان 217 شاقىرىم جولدى جٶندەۋ جۇمىسىن 2021 جىلدان كەشٸكتٸرمەي قولعا الۋدى تاپسىرامىن. اتالعان جوباعا قوسىمشا 65 ملرد تەڭگە بٶلٸنەدٸ», - دەدٸ قاسىم-جومارت توقاەۆ.
سونىمەن قاتار مەملەكەت باسشىسى ٶڭٸردەگٸ گيدروتەحنيكالىق نىسانداردىڭ ەسكٸلٸگٸنە دە توقتالدى.
حالىقتى تازا اۋىز سۋمەن قامتاماسىز ەتۋدٸ ايتپاي كەتۋگە بولمايدى. گيدروتەحنيكالىق نىساندار ۇزاق ۋاقىت بويى جٶندەۋ كٶرمەگەن, جاڭعىرتىلماعان. ٶزدٸگٸنەن سۋ شىعارىپ جاتقان 120 ۇڭعىما ٶڭٸردٸڭ سۋ قورىنا ايتارلىقتاي نۇقسان كەلتٸرۋدە. ولار جويىلۋى تيٸس!», - دەدٸ ول.
ەسكە سالا كەتسەك, كەشە قاسىم-جومارت توقاەۆ اتىراۋ وبلىسىنا جۇمىس ساپارىمەن كەلگەندٸگٸ تۋرالى حابارلاعان بولاتىنبىز.
