پرەزيدەنت قاسىم-جومارت توقاەۆ مەملەكەتتٸك ناگرادالار, جوعارى ەسكەري جەنە ارناۋلى اتاقتار, سىنىپتىق شەندەر بەرۋ رەسٸمٸنە قاتىستى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
مەملەكەت باسشىسى سالتاناتتى رەسٸمگە قاتىسۋشىلاردى وتان قورعاۋشى كٷنٸمەن جەنە جەڭٸس مەيرامىمەن قۇتتىقتاپ, ەلٸمٸزدٸڭ قاۋٸپسٸزدٸگٸن قامتاماسىز ەتۋ ٸسٸندەگٸ ەسكەري قىزمەتشٸلەر مەن ارناۋلى مەملەكەتتٸك ورگاندار قىزمەتكەرلەرٸنٸڭ ٷلەسٸن ەرەكشە اتاپ ٶتتٸ.
– بيىل قازاقستان قارۋلى كٷشتەرٸنٸڭ قۇرىلعانىنا 30 جىل تولىپ وتىر. وسى كەزەڭدە ەسكەرٸمٸز ايبىندى ارميياعا اينالدى. قىراعى جاۋىنگەرلەرٸمٸز ەل شەبٸن قاس قاقپاي كٷزەتٸپ تۇر. ولار مەملەكەتتٸگٸمٸزدٸ نىعايتۋعا زور ەڭبەك سٸڭٸرۋدە. قارۋلى كٷشتەرٸمٸز – تەۋەلسٸزدٸكتٸڭ مىزعىماس تۇعىرى, ەلدٸكتٸڭ بەرٸك قالقانى, – دەدٸ توقاەۆ.
پرەزيدەنت جاقسى جابدىقتالعان زاماناۋي ارمييا مەملەكەتتٸلٸگٸمٸزدٸڭ بەرٸك قورعانى ەكەنٸن ايتتى.
– گەوساياسي تۇراقسىزدىق, جاڭا سىن-تەگەۋرٸندەر مەن قاۋٸپ-قاتەرلەر جاعدايىندا بٸز ۇلتتىق مٷددەمٸزدٸ قورعاۋعا, مەملەكەتٸمٸزدٸڭ ەگەمەندٸگٸ مەن اۋماقتىق تۇتاستىعىن ساقتاۋعا دايىن بولۋىمىز كەرەك. سوندىقتان قورعانىس ەلەۋەتٸن نىعايتۋ ەردايىم بٸزدٸڭ ماڭىزدى باسىمدىعىمىز بولادى, – دەدٸ مەملەكەت باسشىسى.
قاسىم-جومارت توقاەۆ كٷشتٸك ورگانداردا قىزمەت ەتۋدٸڭ ابىرويلى ميسسييا جەنە ٷلكەن جاۋاپكەرشٸلٸك ەكەنٸن اتاپ ٶتتٸ. ونىڭ ايتۋىنشا, قازاقستان قارۋلى كٷشتەرٸنٸڭ ساربازدارى مەن ساردارلارى ٶزدەرٸنٸڭ ەپتٸلٸكتەرٸ مەن قابٸلەتتەرٸن تۇراقتى تٷردە شىڭداي وتىرىپ, وزىق جاۋىنگەرلٸك شەبەرلٸكتەرٸن كٶرسەتٸپ كەلەدٸ.
پرەزيدەنت ەكٸنشٸ دٷنيەجٷزٸلٸك سوعىستا 500-گە جۋىق جەرلەسٸمٸز كەڭەس وداعىنىڭ باتىرى اتانعانىن, بٸراق كٶپتەگەن مايدانگەرٸمٸزدٸڭ ەرلٸكتەرٸ تٷرلٸ سەبەپتەرگە بايلانىستى ەلەۋسٸز قالعانىن ەسكە سالدى.
مەملەكەت باسشىسى جيىنعا قاتىسۋشى وفيتسەرلەرگە اتى اڭىزعا اينالعان ٷش ەرجٷرەك جاۋىنگەردٸڭ ەرەن ەرلٸگٸ تۋرالى ايتتى. بۇل مايدانگەرلەرگە قازا بولعاننان كەيٸن بٷگٸن «حالىق قاھارمانى» اتاعى بەرٸلدٸ.
– بٸرٸنشٸسٸ – اتاقتى مەرگەن تٶلەۋعالي ەبدٸبەكوۆ. ول بٸر ٶزٸ مايدان دالاسىندا 397 جاۋدىڭ كٶزٸن جويعان. بۇل ەرلٸك تيٸستٸ قۇجاتتارمەن دەلەلدەنگەن. قازاقتىڭ قاھارمان ۇلى قازا تاپقاننان كەيٸن كەڭەس وداعىنىڭ باتىرى اتاعىنا ۇسىنىلعان. بٸراق, ەرلٸگٸ ەسكەرۋسٸز قالدى. كاپيتان الەكساندر نەسمييانوۆ تا ەرەكشە ەرلٸك پەن قاھارماندىق كٶرسەتتٸ. ول بوراعان وققا قاراماستان, وردا بەكٸنگەن بٷكٸل باتالوندى ٶزٸمەن بٸرگە شابۋىلعا كٶتەردٸ. جاۋ قورعانىسىن بٸرٸنشٸ بولىپ بۇزعان نەسمييانوۆ جاۋدىڭ 20 جاۋىنگەرٸمەن جالعىز الىسىپ, 13-ٸنٸڭ كٶزٸن جويعان. قالعانىن باس ساۋعالاۋعا مەجبٷر ەتتٸ. كەزەكتٸ ۇرىستا ول جاۋ شەبٸنٸڭ تىلىنا ٶتٸپ, باستى قاۋٸپتٸ ٶزٸنە بۇردى, سٶيتٸپ جاۋدىڭ قورعانىس شەبٸن سەرٸكتەرٸنٸڭ بۇزىپ ٶتۋٸنە مٷمكٸندٸك جاسادى. ال روتانىڭ ەكٸ كومانديرٸ جارالانعان سوڭ, باسشىلىقتى ٶز قولىنا الدى. الەكساندر نەسمييانوۆ ٷش رەت كەڭەس وداعىنىڭ باتىرى اتاعىنا ۇسىنىلدى, بٸراق, ەر كەز وعان ەدٸلەتسٸزدٸك جاسالىپ, ەلەۋسٸز قالدى. جەرلەسٸمٸز ىبىرايىم سٷلەيمەنوۆ تە قۇرالايدى كٶزگە اتقان ناعىز مەرگەن بولعان. ول بٸر جىلدىڭ ٸشٸندە 289 جاۋ ەسكەرٸن جويدى. بۇل ەرلٸك تە تاريحي دەرەكتەردە كٶرسەتٸلگەن. قازاقتىڭ قاھارمان قىزى مەنشٷك مەمەتوۆا ەكەۋٸ سوڭعى دەمٸ قالعانشا جاۋمەن ارپالىسىپ, قازا تاپتى. باتىر اتاعىنا ەكەۋٸ قاتار ۇسىنىلعانىمەن, ىبىرايىم سٷلەيمەنوۆتٸڭ ەرلٸگٸ جوعارى دەڭگەيدە باعالانبادى, – دەدٸ توقاەۆ.
پرەزيدەنت سالتاناتتى ٸس-شاراعا قاتىسقان تٶلەۋعالي ەبدٸبەكوۆ پەن ىبىرايىم سٷلەيمەنوۆتٸڭ تۋىستارىنا حالىق قاھارمانىنىڭ ەرەكشەلٸك بەلگٸسٸ «التىن جۇلدىز» بەن «وتان» وردەنٸن تابىستادى. ال الەكساندر نەسمييانوۆتىڭ ناگراداسى مۋزەي تٶرٸنەن ورىن الادى.
تٶلەۋعالي ەبدٸبەكوۆتٸڭ تۋىسى ايگٷل كەمەلباەۆا قاسىم-جومارت توقاەۆقا جەنە داڭقتى اتاسىنىڭ اتىن مەڭگٸ ەستە ساقتاۋعا اتسالىسقان جاۋاپتى تۇلعالاردىڭ بەرٸنە العىسىن ايتتى. ىبىرايىم سٷلەيمەنوۆتٸڭ قارىنداسى ايتكٷل سٷلەيمەنوۆا مەملەكەت باسشىسىنا شىن جٷرەكتەن العىس بٸلدٸردٸ. سونداي-اق پرەزيدەنتكە زور دەنساۋلىق تٸلەپ, جاڭا قازاقستاندى قۇرۋ ٸسٸندە تابىسقا جەتۋٸنە نيەتتەستٸك بٸلدٸردٸ جەنە سٶزٸن «بٸز سٸزگە سەنەمٸز», – دەپ اياقتادى.
– بۇل – شىن مەنٸندە, تاريحي ەدٸلدٸكتٸڭ سالتانات قۇرۋى. بٸز ەرلەرٸمٸزدٸڭ ەسٸمٸن جاڭعىرتىپ, ولاردى ۇلىقتاي بەرەتٸن بولامىز. ٶيتكەنٸ, ەرلٸك ەشقاشان ەسكٸرمەيدٸ. مايدانگەر اعا بۋىن كەيٸنگٸ ۇرپاققا ەردايىم ٷلگٸ-ٶنەگە, – دەدٸ قاسىم-جومارت توقاەۆ.
سٶزٸنٸڭ سوڭىندا قاسىم-جومارت توقاەۆ مەملەكەتٸمٸزدٸڭ تۇتاستىعى مەن قاۋٸپسٸزدٸگٸن قورعاپ جٷرگەن ەلٸمٸزدٸڭ بارشا ازاماتىنا العىس ايتتى.
بۇدان كەيٸن پرەزيدەنت مەملەكەتتٸك ناگرادالاردى تابىستاپ, وفيتسەرلەرگە ەسكەري جەنە ارناۋلى اتاقتار, سىنىپتىق شەندەر بەردٸ.
مەملەكەت باسشىسىنىڭ قولىنان ەسكەري جەنە ارناۋلى اتاق, سىنىپتىق شەن العان وفيتسەرلەردٸڭ تٸزٸمٸمەن مىنا سٸلتەمە ارقىلى تانىسۋعا بولادى.
