قر پرەزيدەنتٸ قاسىم-جومارت توقاەۆ ٷندٸستان مەن ورتالىق ازييا ەلدەرٸنە ٶڭٸرارالىق كٶلٸك-لوگيستيكالىق كونسورتسيۋم قۇرۋدى ۇسىندى, دەپ حابارلايدى قازاقپارات.
«ورتالىق ازييا ەلەمدٸك شارۋاشىلىق بايلانىستارى جٷيەسٸندە كٶلٸك-لوگيستيكالىق زور ەلەۋەتكە يە. قازاقستان اۋماعى ارقىلى 11 حالىقارالىق ترانزيت دەلٸزٸ ٶتەدٸ. ونىڭ ٸشٸندە 5 تەمٸرجول مەن 6 اۆتوموبيل باعدارى شىعىس-باتىس جەنە وڭتٷستٸك-سولتٷستٸك باعىتتاردا جٷك قوزعالىسىنىڭ جوعارى جىلدامدىعىن قامتاماسىز ەتەدٸ. سولتٷستٸك-باتىس باعىتىنداعى ەۋرازييالىق ەكونوميكالىق وداق كەڭٸستٸگٸندەگٸ بٸرىڭعاي كەدەن ايماعىن ەسكەرەر بولساق, رەسەيدٸڭ, سونىمەن قاتار شىعىس ەۋروپانىڭ بٸرقاتار ەلٸنٸڭ نارىعىنا كەدەرگٸسٸز كٸرۋ مٷمكٸندٸگٸ بار. جىلدىق قۋاتى 26 ملن توننانى قۇرايتىن قازاقستاننىڭ اقتاۋ مەن قۇرىق پورتتارى ارقىلى ٶتەتٸن وڭتٷستٸك-باتىس باعدارىنىڭ دا كەلەشەگٸ زور. ولار كاسپيي تەڭٸزٸ ارقىلى كاسپيي ٶڭٸرٸ ەلدەرٸنە, تٷركيياعا جەنە ودان ارى باتىسقا كەڭٸنەن شىعۋ مٷمكٸندٸگٸن بەرەدٸ», - دەپ اتاپ ٶتتٸ قاسىم-جومارت توقاەۆ «ٷندٸستان – ورتالىق ازييا» سامميتٸ بارىسىندا.
مەملەكەت باسشىسى سوڭعى 10 جىلدا ەلٸمٸزدە ۇلتتىق كٶلٸك ينفراقۇرىلىمىن دامىتۋعا شامامەن 30 ملرد دوللار ينۆەستيتسييا سالىنعانىن اتاپ ٶتتٸ.
«كەلەشەكتە بٸز ونى جاڭعىرتۋعا مول ينۆەستيتسييا سالۋدى جالعاستىرامىز. تەڭٸزگە شىعۋ جولى جوق ەلٸمٸز ٷشٸن بۇل مەسەلەنٸڭ ستراتەگييالىق مەنٸ بار. ورتالىق جەنە وڭتٷستٸك ازييانىڭ ٶزارا بايلانىستىلىعى سەۋلەتٸنٸڭ باستى ەلەمەنتٸ سەنٸمدٸ, تيٸمدٸ ەرٸ قاۋٸپسٸز ترانزيتتٸك ينفراقۇرىلىم قۇرۋ بولۋى تيٸستٸگٸنە سەنٸمٸم مول. ول ٷشٸن ٶڭٸرارالىق كٶلٸك-لوگيستيكالىق كونسورتسيۋمىن قۇرۋ مٷمكٸندٸگٸن قاراستىرۋدى ۇسىنامىن. اتالعان قۇرىلىم ٷندٸستان جەنە كاسپيي تەڭٸزٸ مەن پارسى شىعاناعى پورتتارى باعىتىنداعى كٶلٸك باعدارلارىندا تولىققاندى ەرٸ ٶزارا تيٸمدٸ جٷك تيەۋگە قاتىستى ۇلتتىق ساياساتتى تيٸمدٸ ٷيلەستٸرۋدٸ قامتاماسىز ەتەر ەدٸ», - دەدٸ قر پرەزيدەنتٸ.
