قازاقستان مەن ۋكراينانى دەستٷرلٸ دوستىق جەنە ىنتىماقتاستىق بايلانىستىرادى. قر پرەزيدەنتٸ قاسىم-جومارت توقاەۆ گفر كانتسلەرٸ انگەلا مەركەلمەن كەزدەسۋ قورىتىندىسى بويىنشا ٶتكەن باسپاسٶز مەسليحاتىندا وسىلاي مەلٸم ەتتٸ, دەپ حابارلايدى قازاقپارات.
«تۇڭعىش پرەزيدەنتٸمٸز ۋكراينا مەسەلەسٸن قازاقستان اۋماعىندا رەتتەۋگە قاتىستى ٶزٸنٸڭ يگٸ ويىن بٸلدٸردٸ. دەگەنمەن بٸز ۋكراينا مەسەلەسٸ, ەڭ الدىمەن, نورماند فورماتىندا شەشٸلۋٸ تيٸس دەپ ويلايمىز», - دەدٸ مەملەكەت باسشىسى رەسەيلٸك-ۋكرايندىق سامميتتٸ ۇيىمداستىرۋعا اراعايىندىق جاساۋ مٷمكٸندٸگٸ تۋرالى سۇراققا جاۋاپ بەرە وتىرىپ.
گەرمانييا, رەسەي, ۋكراينا, فرانتسييانىڭ مەملەكەت باسشىلارىنىڭ ۋكراينا شىعىسىنداعى جاعدايدى رەتتەۋ جٶنٸندەگٸ كەزدەسۋٸ پاريجدە 9 جەلتوقساندا ٶتكٸزٸلەدٸ.
«9 جەلتوقسان كٷنٸ پاريجدە ٶتەتٸن نورماند فورماتىنداعى كەزدەسۋگە تابىس تٸلەيمٸز. قازاقستان مەن ۋكراينانىڭ اراسىندا دەستٷرلٸ دوستىق پەن ىنتىماقتاستىقتىڭ بەرٸك تٸنٸ بۇرىننان قالىپتاسقان. ۋكراينا حالقى بەيبٸت تە بەرەكەلٸ ٶمٸر سٷرۋگە لايىق دەپ ەسەپتەيمٸز» , - دەدٸ قازاقستان پرەزيدەنتٸ.
