Qazaqstan men Ýkrainany dástúrli dostyq jáne yntymaqtastyq bailanystyrady. QR Prezidenti Qasym-Jomart Toqaev GFR Kantsleri Angela Merkelmen kezdesý qorytyndysy boiynsha ótken baspasóz máslihatynda osylai málim etti, dep habarlaidy QazAqparat.
«Tuńǵysh Prezidentimiz Ýkraina máselesin Qazaqstan aýmaǵynda retteýge qatysty óziniń igi oiyn bildirdi. Degenmen biz Ýkraina máselesi, eń aldymen, Normand formatynda sheshilýi tiis dep oilaimyz», - dedi Memleket basshysy reseilik-ýkraindyq sammitti uiymdastyrýǵa araǵaiyndyq jasaý múmkindigi týraly suraqqa jaýap bere otyryp.
Germaniia, Resei, Ýkraina, Frantsiianyń memleket basshylarynyń Ýkraina shyǵysyndaǵy jaǵdaidy retteý jónindegi kezdesýi Parijde 9 jeltoqsanda ótkiziledi.
«9 jeltoqsan kúni Parijde ótetin Normand formatyndaǵy kezdesýge tabys tileimiz. Qazaqstan men Ýkrainanyń arasynda dástúrli dostyq pen yntymaqtastyqtyń berik tini burynnan qalyptasqan. Ýkraina halqy beibit te berekeli ómir súrýge laiyq dep esepteimiz» , - dedi Qazaqstan Prezidenti.
