فوتو: اقوردا
مەملەكەت باسشىسى تٷركييا رەجەپ تاييپ ەردوعاننىڭ باسشىلىعىمەن حالىقارالىق ارەناداعى بەدەلٸن ارتتىرىپ كەلە جاتقانىن ايرىقشا اتاپ ٶتتٸ, دەپ حابارلايدى Ult.kz.
– ەڭ الدىمەن, كٶرەگەن كٶشباسشى رەجەپ تاييپ ەردوعاننىڭ جەتەكشٸلٸگٸمەن تٷركييانىڭ وسى ايماقتا زور رٶل اتقاراتىنىن ايتقىم كەلەدٸ. ٶڭٸر ەلسٸن-ەلسٸن بەتپە-بەت كەلٸپ وتىرعان ٶزەكتٸ مەسەلەلەردٸڭ شەشٸمٸن تابۋعا ەلدەرٸمٸز ايتارلىقتاي اتسالىسا الادى دەپ ويلايمىن. ورايلى سەتتٸ پايدالانا وتىرىپ, پرەزيدەنت ەردوعاننىڭ كەلەسٸ ايدا قازاقستانعا جاسايتىن مەملەكەتتٸك ساپارىنا ەرەكشە مەن بەرٸپ وتىرعانىمىزدى جەتكٸزگٸم كەلەدٸ, – دەدٸ قاسىم-جومارت توقاەۆ.
سودان كەيٸن قازاقستان پرەزيدەنتٸ بيىل ەلەمدٸك قوعامداستىق الدىندا تۇرعان جەنە جاقىن پەرسپەكتيۆاداعى حالىقارالىق كٷن تەرتٸبٸن قالىپتاستىراتىن نەگٸزگٸ سىن-قاتەرلەر مەن ٷردٸستەر جٶنٸندەگٸ وي-پٸكٸرٸمەن بٶلٸستٸ.
– ديپلوماتتار مەن ساياساتكەرلەر ادامزات جولايرىقتا تۇر دەگەندٸ مىسال ەتەدٸ. بٸرٸككەن ۇلتتار ۇيىمىنىڭ بۇرىنعى باس حاتشىسى كوفي انناننىڭ: «بٸز ەلٸ دە جولايرىقتا تۇرمىز» دەپ جيٸ ايتاتىنى ەسٸمدە. حالىقارالىق شيەلەنٸستٸ ازايتۋعا قاتىستى ايتار بولساق, بۇل جاعداي ەشقاشان ٶزگەرمەيدٸ. قازٸرگٸ قاقتىعىستار ٶڭٸرلٸك اۋقىمنان شىعىپ, جاھاندىق سيپاتقا يە بولدى. ەرينە, بۇۇ – بالاماسى جوق ەمبەباپ ۇيىم, سوندىقتان ەربٸر مەملەكەتكە بەلگٸلٸ بٸر جاۋاپكەرشٸلٸك جٷكتەلەدٸ. بٸرٸككەن ۇلتتار ۇيىمىنا قولداۋ كٶرسەتۋ كەرەك ەكەنٸن جۇرتتىڭ بەرٸ ايتادى. بۇل – فاكت. بٸراق ۇيىمعا قولداۋ كٶرسەتٸپ قانا قويماي, وعان رەفورما جاساۋ كەرەك. بۇل دا شىندىق. اشىعىن ايتقان جٶن, «ۇيىمعا تەز ارادا رەفورما جاسالادى» دەگەنگە ەشكٸم سەنبەيدٸ. ٶيتكەنٸ بۇۇ-نى رەفورمالاۋ, ٶزگەرتۋ, قىزمەتٸن قايتا قاراۋ مەسەلەسٸن كٶپتەن بەرٸ كٶتەرٸپ جٷرمٸز. ودان ەشقانداي نەتيجە شىققان جوق. بٸرٸككەن ۇلتتار ۇيىمىن رەفورمالاۋ, ەڭ الدىمەن, قاۋٸپسٸزدٸك كەڭەسٸنەن باستالۋى كەرەك ەكەنٸن مويىنداۋىمىز قاجەت, – دەدٸ مەملەكەت باسشىسى.
