فوتو: Akorda.kz
قاسىم-جومارت توقاەۆ ەلٸمٸزگە مەملەكەتتٸك ساپارمەن كەلگەن تەجٸكستان پرەزيدەنتٸ ەمومالي راحمونعا قازاقستان رەسپۋبليكاسىنىڭ جوعارى مەملەكەتتٸك ناگراداسى – «التىن قىران» وردەنٸن تابىس ەتتٸ, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسى وردەن تابىستاۋ رەسٸمٸندە تەجٸك حالقىنىڭ جالپىۇلتتىق كٶشباسشىسىنىڭ ايرىقشا ەڭبەگٸنە توقتالدى جەنە ونىڭ كٶرەگەن ساياساتى تەجٸكستاندى قارقىندى دامۋىنا ىقپال ەتٸپ, وتانداستارىنىڭ يگٸلٸگٸن قامتاماسىز ەتكەنٸن ايتتى.
سونىمەن قاتار قاسىم-جومارت توقاەۆ قازاقستان مەن تەجٸكستاننىڭ باۋىرلاس حالىقتارى اراسىنداعى دوستىقتى, ٶزارا تٷسٸنٸستٸك پەن ىنتىماقتاستىقتى نىعايتۋعا ەمومالي راحموننىڭ قوسقان ٷلەسٸن اتاپ ٶتتٸ.
– بٸز ەردايىم بارلىق دەڭگەيدەگٸ تىعىز جەنە سەنٸمدٸ ساياسي ديالوگتى قولدايمىز. ەلدەرٸمٸز اراسىندا بەرٸك شارتتىق-قۇقىقتىق بازا قالىپتاستى. ساۋدا-ەكونوميكالىق ىنتىماقتاستىق قارقىندى دامىپ, مەدەني-گۋمانيتارلىق بايلانىستاردىڭ اياسى ۇدايى كەڭەيٸپ كەلەدٸ. بٸز ورتالىق ازيياداعى جان-جاقتى ىنتىماقتاستىقتى نىعايتۋعا ٷلەس قوسا وتىرىپ, اسا ماڭىزدى حالىقارالىق قۇرىلىمدار اياسىندا ٶزارا تابىستى ەرەكەت ەتٸپ كەلەمٸز. بٷگٸندە مەملەكەتارالىق بايلانىستارىمىزدىڭ وداقتاستىق قاتىناس دەڭگەيٸنە كٶتەرٸلگەنٸ قۋانتادى. بۇل سٸزدٸڭ ەكٸ ەل اراسىندا ٷلگٸلٸ قارىم-قاتىناس قالىپتاستىرۋعا ەرەكشە اتسالىسقانىڭىزدىڭ نەتيجەسٸندە مٷمكٸن بولدى, – دەدٸ مەملەكەت باسشىسى.
ەمومالي راحمون «التىن قىران» وردەنٸمەن ماراپاتتاۋ جٶنٸندە شەشٸم قابىلداعانى ٷشٸن قاسىم-جومارت توقاەۆقا ريزاشىلىعىن بٸلدٸردٸ.
– بۇل ناگرادا, ەڭ الدىمەن, بٷكٸل تەجٸكستان حالقىنىڭ تەجٸك-قازاق قاتىناستارىن, دوستىعى مەن ىنتىماقتاستىعىن دامىتۋعا جەنە نىعايتۋعا قوسقان ٷلەسٸ ٷشٸن بەرٸلگەن جوعارى باعا دەپ بٸلەمٸن. باۋىرلاس حالىقتارىمىزدىڭ يگٸلٸگٸ ٷشٸن تەجٸكستان مەن قازاقستان اراسىنداعى ستراتەگييالىق سەرٸكتەستٸكتٸ جان-جاقتى نىعايتۋعا جەنە كەڭەيتۋگە الداعى ۋاقىتتا دا بار كٷش-جٸگەرٸمٸزدٸ سالاتىنىمىزعا سەنٸمدٸمٸن, – دەدٸ تەجٸكستان پرەزيدەنتٸ.
